الاغربون "ليالي ديسمبر"

part 9

شكو لا تستطيع التلاعب بمشاعر الآخرين، دون أن يندمج جزء من ألَمهم في داخلك، فالحزن يُشكل جراحات غير قابلة للتجاهل..
.
.
.
امــــــان
.
.
النجمه + تعليقات كيوت
لوفيو 🫶🤍.
.
.
شـيار

باوعت علي وهو يكول؛::-باجر نسافر

حجيت ببچي

::-عفييه ادهم خل اودع اهلي قبل لا نروح احتاج اشوفهم

::-شييار حجينا بالموضوع وما اعيد صار 5 ايام تزوجتي ليش ما اجو؟

كمت ابچي وعفته 
ونزلت جوا واني ابچي شفت عمو جوا
انتبه الي بنظره اسف مزيفه وكال

::-چؤ چؤ چنتي تبچي له له اليوم احركك ادهم شبيج بابا

::-عموو ادهم ميقبل اروح اودع اهلي قبل لا نسافر

::-اهلج؟ ليش انتِ عندج اهل ترا اهلج هم نفسهم الشمروج علينا بس دروا عدنا فلوس شوفي لج تنسين عندج اهل اهلج خربوا صفقاتي والله ثم والله اذا اسمع بيج رايحه لاهلج صدكيني اقتلهم بدم بارد وبدون لا افكر واتعب نفسي خوووش لو لا يلا امشي ولي لغرفتج

بقيت مصدومه من كلامه التفتت للكل ساكت وادهم دمارات وجهه بارزه صعدت فوك واني ابچي اجا ادهم للغرفه معصب وصوته مشحرج وكام يعيط

::-ويكلك صير بار باهلك اتفل على اليكول هييج

كومي شياار لمي ملابسج خل نولي اذا ابقى هنا يوم انجلط

كمت واني ابچي واجمع بملابسي وهو روحه بخشمه جمع اغراضه وطلعنا من البيت بليل وبدون لا يودع اي احد من اهله
صعدنا بالسيارة متوجهين المطار وكانت السياره مضلله مشينا من كدام بيتنا شفت عمو الابسم كان كاعد بالباب وبحلكه جكااره وجان وجهه مبين عصبي جنت اباوع اله واني ميته قهر ومركزه بحركته حسيت اريد احفظه راح ياخذو مني

وصلنا هناك للمطار وهو مچلب بايدي حيل بحيث المكان الي لازمه صار احمر من قوه لزمته
حجيت بالم

::-اد ادهم ايدي. ايدي

انتبه بسرعه كال
::- اسف اسف

عاف ايدي واني باوعت اله بطرف عيني
اجه كعدني ع الكراسي وكال

::-كعدي هنا لا تتحركين بس اروح اكمل شغله وارجع لج خووش؟

هزيت راسي بخوش

راح مني واني بقيت افكر هسا نيار من تدري سافرت بدون علمها شراح يكون رد فعلها
لـ لحظه حسيت اريد ابچي
كمت ابچي بصوت عالي والناس تجمعت عليه اجه ادهم من بعيد شافني انخطف وجهه واني ازيد بالبچي
اجه يمي يحاول يهدى بيه كال للناس::-مرخصتكم يجماعه نريد شوي خصوصيه