ياسعود اذا سمعت نجد جابني طاريها

البارت الثامن

يوم الجديد في أبها

لين: ودوني البر مشتهيه اكل تراب
جمانه: بدت الوحام الله يكون في عونك
لمى: اول وحام تراب نشوف وحام جايي
لين: وش وحام انا كيذا مشتهيته
ام محمد: هذا وحام كيذا بدايته
لين: وين فراس يوديني

في غرفة عند الفراس
كان فراس نايم بسرير ورافع رجوله على جدار وحاط سماعة على اذنه وفمه
فراس:
<حاولت اوصف غلاك وضاعت علومي وعرفت ان الغلا لازاد ما يوصفونه>
نجد: صح لسانك ياشاعر اللي راح من الحب
فراس: صح بدنك الشاعر طاح بحب وماعرف معنى الحب الا بعدك
دخلت لين على فراس وشافت شكله وعرفت انه يكلم نجد
لين: شكل فيه طيور الحب يكلمون بعض مايتركون بعض
فراس كان بيعدل جلسته بس طاح
فراس بألم: يويلي ظهري تكسر
لين بضحك: كله من الحب نجد اذا تسمعيني باخذ حبيب روحك لمشوار
نجد بضحك: خذيه ازعجني ماخلاني اتقضى بسم الله عليه بالعدو ولا فيه
لين ضحكت: ماخليت بنت الناس تتقضى
فراس: اهم شيء سمت علي.
لين: ودني لعزبه متوحمه على تراب
فراس: وش ذا وحام الناس توحم على حلاو واشياء حامض
نجد: ودها لايصير لحفيدنا او حفيدتنا شيء
فراس: الله يعيني عليكم يلا بوديك

بيت الجد فهد

العمه حصه: بعد بكره ملكة نجد وفراس وسعود ولين
الجده منيره: الله يوفقهم ويهنيهم
ابو رشيد: الله يوفقهم
الجد فهد شاف حزن بالعيون ابو رشيد
الجد فهد: ماني رايح بجلس في البيت روحي انتي وامك
ابو رشيد: يبه روح ابو محمد عازمك
الجد فهد: ماراح اروح يعزمني ولا يعزمك ليه انت مو اخوه
الجده منيره: الله يهديه
طلعت العمه حصه وهي متضايقه وشافت بشار وراحت له
العمه حصه: بشار
بشار: هلا ياعمه بغيتي شيء
العمه حصه: اي ودني لبيت عمك
بشار: ابشري بس عمي بيطردني
العمه حصه: لاتخاف ودني بس
ركبت العمه حصه لسيارة مع بشار وراحو لبيت ابو محمد

بيت ابو سعود

سعود: يبه تقول نجد ان عمي فهد واهله بيجون
ابو سعود: اي بيجون طلبو مني يجون يساعدونا وانا وافقت
سعود: حياهم الله
ام سعود: ودي نروح نشتري لملكة
ابو سعود باستغراب: للحين ماخلصتو
ام سعود: لا باقي اغراض بسيطه
ابو سعود: يلا مشينا

بيت ابو محمد

دخلت العمه حصه ومعها بشار
ابو محمد عصب: بشار اطلع من بيتي
العمه حصه بقهر: لايطلع خلك
ابو محمد بعصبيه: خليه يطلع ماني عمه
العمه حصه انفجرت بكي: ابغاكم ترجعون لبعض انتم اخواني كيف بتطلعون قدام ناس اذا تزوجت انتم سندي ارجعو لبعض واقطعو الشر وين اخواني اللي كنت افتخر فيهم قدام ناس بوقفتهم ورجولتهم ارجعو عشان خاطري وخاطر امي وابوي
ابو محمد ضم العمه حصه: انا ولد فهد ماينزل دمعتك برجع لابو رشيد بس عشانك ولا كان ما ارجع له
العمه حصه وهي تمسح دموعها: قطعتو الشر؟
ابو محمد ابتسم: قطعنا الشر
العمه حصه بابتسامه: يلا اعزم اخوك لملكة احفادنا
ابو محمد لبشار: اعتبرو نفسكم معزومين وحياكم الله
بشار سلم على راس عمه: الله يحيك