ياسعود اذا سمعت نجد جابني طاريها

البارت الثاني

بعد اسبوع ليله مهمه لفراس وسعود مع حضور اهل سعود واهل فراس { ملاحظة اهل سعود سافرو عشان مباراه}
لين: احسني بلاير.
نياف يضحك: ليش؟
لين وهي تأشر: حبيت ذيك بنت كأنها مو من سكان أبها.
لمى:صادقه في احد يكشف وفوق هذا متحجبه ونص شعرها طالع شكلها من الرياض.
ام محمد: شكلها اخت من لاعبين.
لين: اي قال لي فراس ان خويه عنده اخت وشكل ذيك اخته
ياسر: ترانا في مدرجات اهجدو مو في بيت اذا وصلنا بيت حشو على راحتكم.
لين سكتت وانقهرت منه
.......................
عند سعود وفراس بعد ٩٠ دقيقه فازو في مباراه
سعود: الف مبروك فوز لنا.
فراس وهو ماسك رجله بتعب:يارجال اسكت قاهرني الدب كل ماشافني معي كوره نط علي يحسبه مصارعه
سعود:هههههههههههههههههههههههههه.
فراس: بروح لمدرجات ادور اهلي
سعود: وانا معك
راحو سعود وفراس يدورون اهاليهم
..................
عند سعود
نجد بفرحه وهي تضمه: الف مبروك ياسندي
سعود وهو يضحك عليها: الله يبارك فيك
ام سعود: مبروك ياولدي
ابو سعود: مبروك ياولدي عقبال اكثر
سعود: الله يبارك فيكم
كان فراس يدور اهله ولمح بنت مع سعود اللي شعرها طويل واسود وعيونها الفاتنه وناعسه وفكها الحاد ،فراس ابتسم لاشعورياً
وقال من داخله: {وش فيه قلبي يدق بسرعه لايكون حبيت بنت وانا اكره بنات}< فراس يكره بنات بس لين غير يحبها>
فراس سمع صراخ اهله وهم ينادونه وراح لهم واحتفل معهم ورجع الكل لبيوتهم
......................
عند بيت ابو محمد
محمد: بمناسبة فوز فراس خلونا نسهر في حوش
الكل:قدام
ام محمد:اذا جت ساعة وحده كل واحد ينام عشان ابوكم مايعصب
ياسر:معليك يا اميمتي
راحت ام محمد تنام ،وراحت لين تجهز شاي ومعها لمى ونياف يجهز الحطب
فراس: لين صبيني من شاي
لين: ابشر
نياف: فراس انت شاعر عطنا بيت الحين يتكلم عنك
ابتسم فراس وقال:
<مابين كل هالوجيه الي تمرني
وجهك وحده اللي خلاني اجيك
ياليتنا جيران كل ماطلبتك تلبني
وامر واشوفك وامسك ايديك>

محمد وهو يضرب كتف فراس بالفخر: صح لسانك
نياف: حركات وش ذا شعر
لين: ياحظ زوجتك مستقبليه كل مازانت جلسه تقول لها شعر
نياف بضحك: عادي انا موجود
لين: انت اول شيء افلح في حياتك وبعدين تكلم
قامت لين ركض ورا فراس عشان مايضربها نياف
فراس بضحك: خلاص بدون مشاكل خاطري اسمع قصص جن
ياسر: حتى انا
محمد: دامكم تبغون تسمعون قصه جن عندي لكم قصه بس بشرط عمر مايخاف
عمر: انا ولد محمد يعقب جن يخوفني
فراس وهو بحضنه عمر ويبوسه بضحك: ابعدي طالع على عمه
بعد ماقال محمد القصه عمر وفراس ‏ضامين بعض ولين ولمى محشورين في زاويه ونياف منخش ورا ياسر من رعب
لين بصوت خوف: وين وتين لايكون جني خطفها
الا ويسمعون صوت مرعب ويدخل عليهم شخص شعره مغطي وجهه وكلهم صارخو وعمر راح يبكي بحضن امه ولمى تبكي مع ولدها
وقامو ام محمد وابو محمد مرعوبين وطلعو يشوفون السالفه
وتين شغلت نور حوش
وتين: وش فيكم خايفين هاذي انا
ابو محمد ومعه ام محمد: وش علم
وتين: جدو انا طاح علي مويه وجيت اعلمهم وكلهم صارخو
الكل من صدمه وضحك جلسو يناظرون بعض وام محمد ماسكه ضحكتها
ابو محمد بعصبيه: للحين سهرانين روحو ارقدو لا احط العصى في ظهوركم
الكل راح ينام وميتين ضحك
........................................
يوم جديد عند ابو سعود