القصر دموي (قصة جزائرية Dz)

القصر الدموي

حلقة 68:
امل مينا ❣️
يوسف : معك حق في كلامك حكمو سيلينا داوها لغرفة مافيهاش طاقة فيها غير باب حديدي حتى ماتخرجش ويحميوها حاليا لأنو حتولي خطيرة على كل قصر يلزمها تدريب سع باش تتحكم في قدرتها
بالنسبة لزينب بعدما قررت يرجعو صرالهم شيء قلب كل موازين
أكيلا : اجري زينب هذا عدونا انتي مبتدئة مزلتي ماتعرفيش تقاتلي كون يتلاح عليك يقتلك انما روحي لجورج خبريه هو وباباك
زينب تحولت وبدات سع بقصر لأنو تعرفش مكانش جورج حاليا دخلت من طاقة كيما أكيلا لأنو خالطتها مدة وبدات تتعلم وتهز طباعها سقسات بسرعة امها وينو باباها قلتلها فلبلاط ملكي توجهت بسرعة ليه بلا إذن ولا دستور دخلت ديراكت : بابا عندي شيء مهم نحكيه معاك
يوسف تعصب من دخولها بلاإذن هي ماحترمتش كل بلاط ملكي ورايحة تتحسب هذا شيء ضدو : اخرجي ضك نخلص ونجي نحكيو أب لبنتو
زينب : صدقني شيء ضروري ولا ماراحش نجيك
ولد عمتو ( خليل) لازمني نستغل فرصة حتى نكسرلك غروروك ونولي انت ولي عرش اصلي شاف بشر ونطق  : سبحان الله لا إحترام ولا اي شيء خرجت لشي ناس يزدمو على عفسة بلاما يعرفو اي شيء وهذا قلت تربية ووقاحة وعدم احترام لينا كامل بصفتي عضو في مجلس لازمك تعاقبها وقدمنا
زينب شافت فيه وعينيها بعدما كانو لونهم بني ولو أصغر ويديها بدو وشكلها حيبدى يتغير الا ان تغيرت وولات ذئب : قربت ليه حتى وصلت قدمو درتلو كرحت بيها فزعاتو قال صاي رايحة تاكلني الا أنها في اخر دقيقة رجعت كيما كانت ..نطقت بصرامة ...هاذي مرة ماأذيتكش انما مرة جاية نطيرلك راسك قدمت لعرش باباها وهو طلع جلس فلعرش شافت في خليل ..انت ضيعتلي وقتي حاليا بصفتي بنت ملك ذئاب اي أميرة ذئاب جديدة ووعرقي ودني من سلالة حاكمة ميش محتاجة اذن ملكي حتى  نشوف  ولدي لي هو سمو ملك يوسف ولالا بابي
يوسف : اكيد كلشي يهون في خاطرك وش جابك وش هو موضوع مهم لي جيتي عليه
زينب : أكيلا تعرضت حاليا لهجوم من طرف عدو ليكم واي تواجه فيه وحدها وراء لغابة لي في قصر لذلك رجاء ساعدوها لأني مزلت مبتدئة خافت وماقدرتش انا شخصيا  نعاونها