القصر دموي (قصة جزائرية Dz)

القصر الدموي

حلقة 91:
امل مينا ❣️
سهيلة خرجت من مخبأ بعدما جاء وليها ولدها وخبرها بواش صرى في غيابها تمشات بضع خطوات طلعت فوق منصة وهزت كاس زجاجي ومعلقة خبطت بيها كاس
سهيلة : عن إذنكم بغيت نقول قرار بحضور الكل بصفتي ملكة سابقة لذئاب
يوسف : مزلتي ملكة واحلى ملكة امي
سهيلة تبسمت وهزت راسها يمين وشمال علامة رضا عليه : ضيوفنا اعزاء أفراد أسرة ملكية مهددة بلخطف وحدة من اميرات قصر كانت مستهدفة وميش بعيد عليها تخطف وريث عرش باش توصل ليها لذلك حابة تضامنكم معنا وحماية ممالك 6 واتحادهم حتى تفوت أزمة هاذي
ممالك 6  بصوت عالي تكلمو مع بعض وكأنهم روح وحدة وعقل واحد تحيا ملكة دمنا وروحنا فداء ليك ولمملكتك
ملكة ارض : انا 50 جندي من عندي فداء لك
ملك السماء : انا كلي فداء لك سوف اضل في  قصري قريب لكم
ملك النجوم : اذا قبلتي صاحبة السمو انا معجب بلفتاة من اول  نظرة اذا قبلت بي سوف اتزوجها حالا واحميها من كل شيء
سيلينا  : الوغ لا انا نزوج علابلك شحال عمري انا ميش وقت زواج ومسؤولية وناضت تسوطي وتغني انا اصلا مجنونة هههه
ممالك باقين : نحنا ايضا معاكم ارواحنا فداء لكم قسمو ملك انسان حكيم ومن واجبنا كأصدقاء ان نقف في وجه الاعداء مهما كانت قوتهم .....وهي مزالت تنقز شاف فيها استاذ حشمت حبست وتفكرت بلي حركة هاذي تتحسب عليهم وممكن ممالك يجبدو وينوض حرب في مكان 2 يولو 7 لذلك ريحت في كرسي ورجعت سيلينا رزينة تخمم بعقلها وتسمع في كل واحد وش يقول وماريا معها لأنو هي أيضا تعرف شكون لي يحكي صح يكون لالا بفضل قوتهم
خلصت حفلة كل ممالك راحو قصورهم وكانو عند وعدهم بأنهم يسمحوا ل50 جندي من جنودهم يظلو لحمايتهم
__________
عند ادونيس رجعت لقصرها وهي كلها خيبة أمل ماقدرتش توصل لشيء لي حابة هي كانت حابة تدي منهم سيلينا حتى تستعملها كسلاح ضغط وتوصل لحكم مملكتين مع بعضاهم مملكة ذئاب ومملكة تاعها لي حاكمها في اساس ولدها
أدهم كان علابلو بكلشي انما رفض انو يدخل ولا يبين هويتو حتى يتأكد من أضرار شيء لي تدير فيه او نقدرو نقولو كان علابلو رايحة ترجع بخسارة كبيرة وتمنى تموت على يدهم لأنو ساعات يتوسوس منها يقول ميش امو مستحيل تكون ام لأنو سبق وشاف مصاصين دماء كيفاش يعاملو اولادهم وغار تمنى تكون كيفهم هي تستنى فيه غير كشما يصرى ليه يموت ولا حتى تستولي على عرش لأنو سبق خوه ازر رفض حكم وسلمو ليه بعدما هي حاولت انها تاخذو