لم أكن أعلم انكِ سوف تصبحين احد احلامي

بارت 7

*دق جوال ساره*
ساره:هلا سامر وش بغيت
جنى:يييي سامر ماغيره
سامر:ترا سامعك المهم انزلي انتي وجنى ومنى وخذو الاغراض
جنى:لحظه جبت الأغراض الي ابيها
سامر:اي اي انقلعي خذيها*بعد مانزلو واخذو الاغراض*

عند البنات:
جنى:بنات قاعده افكر ازوج ميار لي عبدالعزيز اخوي
ميار:وشش!!
البنات:ليه وش الطاري
جنى بكل ثقه:على قول ام تركي عشان تكونوا قريبين من بعض وتجي عندنا كل يوم
اخت فهد الكبيره:وش رايك نزوجك عبدالرحمن عشان لاتغطون على ازواج بعض
جنى:هاااه امزح امزح بطلت
ميار:ابوس يدك يا شيخخه
اخت فهد الكبيره تمد يدها:هاك بوسيها ههههههههههههههه
ميار:كلي زق بسس
البنات:هههههههههههههه
منى:بس يا بنات والله صادقه يصير ميار اربعه وعشرين ساعه عندنا ومحد يقول شيء
جنى:اييي واخوي ضعيف يهبل مايقول شيء لو قعدت عندنا ورح ينفذ كل حاجه
ميار:حتى اخوي يهبل ينفذ كل حاجه واحس مناسبين*تغمز*
جنى تصرف:لحظه بنات جوالي يدق
البنات:ههههههههههه
ساره:ولا صدق يابنات جنى وعبدالرحمن مايليقون لي بعضض
جنى:اي اي اي
منى:لا يليقون ياحبي ذاك يحب المصايب وهي بعد تحب المصايب هو مايصير له أصابه وهي اربعه وعشرين ساعه اصابه وصديق عبدالرحمن وسامر وش اكثر من كذا
ميار:صح واذا تبون اقول زيي.....
جنى:استووووب لهنا وخلاصص تكفون لاتجيبون ذا الطاري لان احس ذي الليله مارح تمر على خيررر
البنات:ليه وش رح تهببين من مصيبه جديده
جنى:ويي خيرر كل المصايب على راسي؟!
ميار:اي حتى امي بتشهد معنى صارت تقول جنى ام المصايب
جنى:عاد احساسي بتكون يا المصيبه الي بتصير يا منكم يا مني
منى:من كثر المصايب صارت تعرف متى بتصير بس احساسنا كلنا انها منك صح بنات
البنات:صحححح
جنى:انقلعوا اعطيتكم وجهه

عند الحريم:
ام عبدالرحمن:يا ام عبدالعزيز
ام عبدالعزيز:هلا يا قلبي وش بغيتي؟
ام عبدالرحمن:راح نروح الحين
ام عبدالعزيز:ليه وش حصل اقعدوا شوي توها الساعه١:٠٢
ام عبدالرحمن:لا بس دحوم و خالد زوجي عندهم دوام عشان كذا واحنا قعدنا يومين تقريبا زودتها وثقلت عليكم
ام عبدالعزيز:لا ابد ماثقلتو الا انبسطنا بس كان نفسي تقعدين
ام عبدالرحمن:ابشري يوم الجمعه اجيك واقعد عندك الين الأحد اشرد عن عيالي وزوجي اجيك ههههههههههه
ام عبدالعزيز:ههههههههههه البيت بيتك متى بغيتي تجين حياك الله
ام عبدالرحمن:الله يبقيك ياعمري....ميار دقي على دحوم يجي عشان نروح
ميار:تمام يايمه
جنى تحضن ميار:مع السلامه اخخ ياليت تقعدون
ميار:عاد وش نسوي دحوم عنده جامعه و ابوي كمان
جنى:عادي بتجون الجمعه
ميار:متى مين قال؟؟
جنى:سمعت امك تقول كذا وبتقعدون الين الأحد
ميار:اللقافه كنت اعرف ان لسانك طويل بس ماعرفت ان اذنك عند الحريم
جنى:ههههههههههههههه مع السلامه ياورعه
ميار:مع السلامه ياقلبي
منى:فرق شاسع وحده تقول ياقلبي والثانيه ورعه واووو
جنى:سدي نحرك الحين بسلم على خاله منيره
ساره:اي سلمي على حماتك ههههههههههههههه
*البنات ميتين ضحك*
جنى:ماعليك يوم الأربعاء بتسلمين على حماتك*تغمز*
ساره:ياكلبببه
جنى والبنات:ههههههههههه
جنى عند الباب:مع السلامه خاله منيره
ام عبدالرحمن:مع السلامه يا مصيبه
جنى:اححح قويه ترا جيت اسلم عليك تقولين كذا قويه
ام عبدالرحمن:هههههه امزح معك يا بنيتي مع السلامه
عبدالرحمن:هاه يايمه غلقتي؟
ام عبدالرحمن:اي اي راحت ام تركي صح؟
عبدالرحمن:اي قبل شوي راحوا
ام عبدالرحمن:تمام يايمه
في سياره عبدالرحمن:
ام عبدالرحمن:يازين جنى مايضحكني الا هي وساره كل كلمه يقولونها افطس من الضحك
عبدالرحمن:دوم يايمه
ام عبدالرحمن:تدوم لي ياولدي
ميار جات خطه في راسها:اي يايمه جنى منتهيه ههههههههههه صح جربتي مكرونتها؟
ام عبدالرحمن:لا ليه مو حلوه؟
ميار:لا تهبلل حتى دحوم الي ما ياكل مكرونه اكلها*تضحك*
ام عبدالرحمن:صدق؟اذا كذا ان شاءالله اجربها الجمعه
..بس توقعتها ماتطبخ
ميار:لا ماشاءالله عليها تعرف تطبخ شفتي الصواني الي في المجلس
ام عبدالرحمن:اي الي عطيناها العيال؟
ميار:اي اي هي الي سوتها
ام عبدالرحمن:ماشاءالله تبارك الرحمن يبالك تتعلمين منها
ميار:اي ياحظ زوجها المستقبلي*تطالع في عبدالرحمن*
ام عبدالرحمن:اي والله تصدقون كان نفسي اني ازوجها دحوم
عبدالرحمن:هااااه
ام عبدالرحمن:بسم الله قلت كان نفسي لانها ماتبي طاري الزواج لانت وهيي
عبدالرحمن:اي تعرفين ياأمي ماحب الزواج ولا طاريه
ام عبدالرحمن:اي اعرف بس حسيتكم مناسبين غير كذا هي بنت صديقتي واخت صديقك
عبدالرحمن:مو مناسبين ابد
ميار:الا هي تحب المصايب وأنت كمان وهي اربعه وعشرين ساعه تجيها اصابه وانت لا هي ماتداني الوراعين وانت كمان ماتدانيهم هي تحب تقرأ وانت كمان
عبدالرحمن:ميار لو سمحتي ذا الطاري مابيه
ميار:تمام...
  
عند بيت صالح:

ام عبدالعزيز:نفسي والله احد منكم يتزوج عيال منيره
عبدالعزيز:بسم الله ليه وش الطاري؟!
ام عبدالعزيز:لا بس كنت ابي نتقرب من بعض واحس انك انت وميار مناسبين
جنى:اي اي مناسبين مرررره
منى من الغرفه:لا بس انتي وعبدالرحمن مناسبين ههههههههههههههه
عبدالعزيز:كفو ذي المره انتي بنت خالتي
منى:كفوك الطيب
ام عبدالعزيز:كنت الصراحه ابيهم لي بعض بس مره ماينفعون لي بعضض ابد لانه محترمم اخاف يرجعها لي من أول ليله وانا ماني فايقه ترجع لي
جنى:اححح تبين الفكه بس الجانب إلاجابي مارح اخذ احد
ام عبدالعزيز:وذي النكبه*جوال ام عبدالعزيز يدق*مين يدق الساعه ٢:٤٠
جنى:أعوذ بالله اكيد مصيبه جديده لي
منى بالعبايه تقعد معهم:وش سويتي مصيبه جديده
ام عبدالعزيز:اصص دقيقه ذي ام فارس
*جنى تطالع في منى*
منى بتوتر:لاتطالعين فيني اكيد المصيبه لك
ام عبدالعزيز:هلا هلا يا ام فارس
ام فارس:هلا فيك يا ام عبدالعزيز شخبارك شعلومك
ام عبدالعزيز:الحمدلله بخير كيفك انتي
ام فارس:نحمد الله المهم يا ام عبدالعزيز
ام عبدالعزيز:وش؟
ام فارس:ازورك الاحد وتكون نوره وبناتها موجودين؟؟
ام عبدالعزيز:تم بس اشوف اختي نوره وابلغك
ام فارس:تمام ياعمري مع السلامه
ام عبدالعزيز:مع السلامه*قفلت*
جنى:وش بغت ذي ام فارس؟
ام عبدالعزيز:تقول ابي اجيك الاحد وتكون اختي نوره وبناتها موجودين
*جنى تطالع في منى بحده*
منى:انتي علامك ترا ماسويت شيء!!
جنى:متأكده؟؟
منى:اييي يعني وش بسوي!
ساره في المطبخ:جنى عرفتتت السالفه شوي اقلك ههههههههههههههه
جنى:تممم ولا الحين جايييه
عبدالعزيز:وراكم بلا مصيري اعرفه
جنى:اقول اسكت خليك على موضوع صديقتي ميار ههههههههههههههه
عبدالعزيز:يا معتوههه
*تضحك جنى*اي يا ساره وش السالفه
ساره:اعتقد اعتقد ان فارس ذا شاف منى والحين يبون يخطبون ولا يبون يشوفونها ههههههههههههههه
جنى:اماااانه يعني اول وحده تخطب هييي!!
ساره:اسكتيي معرف بس اقول لك اعتقادي هههههههه
جنى:ان صار كذا لاتزبط واتكشخ في خطبتها ههههههههههه
ساره:كلناا ههههههههههههههه

اتمنى عجبكم البارت مع انه قصير بش بعوضكم في البارتات الجاية رح تكون اطول وإذا تبون تعرفون متى ينزل البارتات الجايه تعالوا انستا(xoxe.rix)،وإذا في أخطاء املائيه تجنبوها اشوفكم البارت الجاي🤍.