في السياره:
جنى:تتوقعون يفصلون علينا
سعيد:مين؟
بندر:قصدها المدير
سعيد:طيب وانتي ليه يفصل عليك
جنى:انا مو خايفه من مديركم ذا مدير على نفسه مو علي بس خوفي من ام سامر لاتفصل علي
بندر يضحك:كلن على همه سرى صدق
سعيد:صح امكن يفصل علينا والي بيفتن علينا هو سعد
جنى:يا ذا السعد لو كلمني بفصل عليه معليش تعبت منه
سعيد ميت ضحك:تم ماعليك افصلي عليه
بندر:وانا بفصل عليه معك مايهمك
جنى:كفو،وانت ياسعيدوه اسرع
سعيد:طيب
في المستشفى:
المدير بندر:وين كنتم؟
بندر:والله كنا في البقاله
المدير:وخليتم المرضى هنا؟
سعيد:بس مافي اي مرضى هنا
سعد:الا فيه
جنى تطالع في سعد:وانت وش دخلك حدك في الاستقبال
سعيد يمسك فم جنى:هي مو قصدها تفصل على الممرض سعد
المدير يبتسم:خليها تتكلم
سعد:بس انا لو شفت شيء لازم أبلغ المدير يا ست جنى
جنى:والله من اللقافه الزايده فيك خلك في مكانك واسكت مايخصك ماتقدر خمس دقايق تسكت ولا تعلم على احد وضنتي بعد اذا احد عطس بتعلم بعد ولا لا ياممرض سعد
بندر ماسك الضحكه ولا قادر يكتمها وسعيد ينتظر رد المدير على كلام جنى على سعد
المدير:طيب من حق الممرض سعد يعلمني اذا احد قصر في الشغل وهو مجتهد
جنى تحط يدها على خصرها:لا بالله اجتهاده على نفسه اما انه مايقدر يمسك لسانه ذي مشكله ثانيه الاوادم راحوا البقاله ياكلون جوعانين
المدير:طيب يقدرون يستنون زي غيرهم الين يفتحون الاكل
جنى:لابالله يستنون ساعه ونص عشان ياكلون وهم ميتين جوع وش قصرت البقاله ياخي
سعد:واحنا مالنا رب احنا بعد نستني الاكل
جنى:ياخيي محد ضربك على يدك ماتروح البقاله وانت بعد شايفنا يمديك تقول جوعان نبي اكل ولا فالح في الرقص
بندر وسعيد يمسكون فمها والمدير ميت ضحك من كلامها
ام سامر:لحظه وش صاير وليه ماسكين فم جنى
سعد بطقطقه:امسكي بنتكم لسانها طال
جنى تفك يدين سعيد وبندر:لساني طال ولا ماتعرف تسكت يا الفتانن كارفهم من الصبح وانت ماتشتغل بس تخلي الشغل عليهم ذا الي فالحه فيه ترا حالك حالهم ممرض ولا بس توفر الطاقه عشان تر
سعيد يمسك فمها وبندر ماسك بطنه من الضحك:اسكتي اسكتي بتنكبينا انتي
المدير يضحك:خلاص مارح اسوي لكم بس جيت اشوف وش تقولون
بندر يضحك:ليتنا احنا الي قلنا مو هي
سعيد يهمس لها:ليتني ماقلت عادي افصلي لو قلت لك اسكتي كان أفضل
ام سامر:الحين وش السالفه
المدير:لا ابد مافيه شيء وانبسطنا معها
سعد يضحك ويطقطق:عني مانبسطت
جنى:عس*يمسك فمها سعيد مره ثانيه:تقول عساك المره الجايه تنبسط
المدير:يلا الكل على شغله
جنى:خيرر كان خليتني اكمل كلامي
سعيد:انتي ناويتها من ربي سعد ذا يقرب لي المدير
جنى:اما كان يبغالي افصل على المدير بعد
بندر:عاد انتي عجبتيني
جنى:اسكت بس قال ايش بفصل معك توكل
بندر:خير طيب وش دراني بتفصلين كذا
علي:ليه فصلت على مين
سعيد:هفف فصلت على سعد ونص فصله على المدير
علي:يوه وش وقالت
بندر:بالمختصر قالت لي سعد" محد ضربك على يدك ماتروح البقاله وانت بعد شايفنا يمديك تقول جوعان نبي اكل ولا فالح في الرقص"
علي مصدوم:وشششش
جنى الي تمشي حبه حبه عشان تروح مكتب احمد و
علي يمسكها من العبايه:وش ذا الكلام
جنى:هاه
علي يضحك:وش ذا الكلام الي قلتيه
جنى:وش اسوي قهرني علم عليهم ليه يكرفون من الصبح ويجي بارده مبرده ويعلم عليهم عشان ياكلون
سعيد يطبطب على كتفها:شكرا ماقصرتي الصراحه وطلعتي الي فخاطرنا وماسوى لنا شيء
جنى:ابد ماسويت شيء
نايا تركض:ثعيد
سعيد:عيون سعيد بشويش ياقلبي
جنى تهمس لي لانا:طيب والي يقول اني ذبت الحين
لانا:والله كلنا بس عاد اولا في واحد يشتغل حق اسعاف لو شفتيه اففف
جنى:كذابه فاتني
لانا:ترا امكن يجي بعد شوي
جنى:كلمتيه
لانا:اي جاني شافني ومدح لبسي وقعد يسولف
جنى:واضح كتكوت يمدح لبسك وهو ماش
لانا:اسكتي
جنى:شسمه؟
لانا:اسمه جاسر
جنى:لازم اشوفه ذا
لانا:وصح دحوم هنا
جنى:هااه
لانا:اي دحوم هنا فنحاشي اي مكان دبري عمرك اهم شيء بعدي عن الممرضين
جنى:ولييه عشان القرد ذا
لانا:مدري بس احس انحاشي
سعيد:لانا اخبارك
لانا:انقلع
سعيد:افا لييه
لانا:ابد ماسويت شيء اولا
سعيد يضحك:مزح ياخي موقصدي شيء
لانا:طيب
عبدالرحمن:نايا
جنى تمسك يد لانا:يلا نهرب
نايا:دحوم
عبدالرحمن:ياهلا السلام عليكم
سعيد:وعليكم السلام تو مانور القسم بوجودك يادحوم
عبدالرحمن:بنورك
نايا تدور:ننى وين؟
بندر:صح جنى ولانا وين؟
عبدالرحمن:جنى؟
سعيد:اي بنت اخت ام سامر جنى
عبدالرحمن:هي هنا؟
بندر:اي غريبه دوبها كانت هنا
عبدالرحمن:واقفه معكم؟
سعيد:اي كانت تسولف معنا عاد صرنا نمون معها
عبدالرحمن:امم كويس
سعيد:تعرفها؟
عبدالرحمن:اي اعرفها دايم ازورهم
بندر:عاد يادحوم اول مره اشوف سعيد يفصل مع حرمه
عبدالرحمن:عاد جنى اي احد يفصل معها لسانها طويل
سعيد:اي بس محترمه وحبوبه
عبدالرحمن:اي اي طيب تعرفون وينها
سعيد:لا المشكله كانت دوبها هنا مع لانا
بندر:لايكون مفجوعه منك
عبدالرحمن:لا بس مشكله بسيطه وزي كذا
سعيد يمسك كتف عبدالرحمن:عاد شوف تتمشكل معها هنا وتجي تشتكي لنا ياويلك
بندر:ايي تراها صارت اختنا ومنا فينا
عبدالرحمن:ابد مالقيتو الا انا ومن متى ذي الميانه
بندر:اقولك خلاص صارت منا ونسولف معها وعادي بس ياويلك
عبدالرحمن:ابشر ابشر ههههههههههه
القسم الثاني:
احمد:بسم الله اشبكم؟
جنى:هاه؟
احمد:عيني عينك سويتي مصيبه؟
جنى:لا ابد
احمد:وليه انحشتي
جنى:بس انحشت من واحد اعرفه
احمد:لايكون عبدالرحمن
جنى:وي تعرفه؟
أحمد:اي دايم يجي مع سامر سوى لك شيء؟
جنى:لا ابد
احمد:اذا صار شيء لاتتردين وتعلمينا احنا موجودين موجود سعيد وبندر وعلي وانا ماعليك
لانا:ماعليك منها بس هي تمشكلت معه قبل وماتبي تشوفه
احمد:تمام:بس لو صار شيء تقولون لي سامعين تراني زي اخوكم
جنى:تم
جاسر:اهلا احمد
احمد:اهلين جسور اخبارك
جنى:هاذا جاسر؟
لانا:ايي
جنى:اويلي على شعراته
لانا تضحك:اسكتي بس
جاسر:اهلا التقينا مره ثانيه يا لنو
لانا:اهلين اي
جاسر:اهلا اول مره اشوفك
لانا:ذي بنت اخت ام سامر
جاسر:اتشرفنا
جنى:لي الشرف
جاسر:ماشفتك اولا
احمد:ماقلت لك في وحده دشرت مع سعيد وبندر وان اول مره سعيد يمون مع حريم
جاسر:اي؟
احمد:هاذي هي
جاسر:من اليوم استني اشوفك ابي اعرف مين الي مانت مع سعيدوه ذا مالومه الصراحه
احمد:جنى هاذا جاسر أصغر واحد فينا
جاسر:ترا عمري23 مو مره صغير
أحمد:بس اصغرنا
عبدالرحمن:اهلا يا احمد وجاسر
جنى مفجوعه واحمد يأشر لها تجي تحت المكتب وتدخل تحته
احمد وجاسر:اهلين دحوم
عبدالرحمن:اهلا لانا
لانا:اهلين
عبدالرحمن:وين جنى غريبه يقولون كانت معك
لانا تطالع حولها:غريبه كانت هنا
جاسر:اي كانت هنا غريبه
عبدالرحمن:بسم الله ذي تلعب الغميضه ولا وش
احمد:مادري شكلها راحت عند خالتها
عبدالرحمن:امكن تمام بروح جيت بس اسلم واشوف اخباركم
احمد:تمام سلام ..راح اطلعي
جنى:ياربي جتني خرشه
جاسر:بسم الله اشبك؟
جنى:هاه ولاشيء
احمد:ياربي ضحكتيني كيف انتي مفجوعه
جنى:اسكت بس
جاسر:ليه مفجوعه دحوم طيب
لانا:ابد تمشكلت معه مره ولا تبي تشوف وجهه
جاسر:غريبه اعرف دحوم مايقرب من الحريم ولا يأذيهم
لانا:اي بس يتمشكل معها دايم
جاسر:قليل ادب دحوم مالقا الا هي يتمشكل معها
احمد:عاد هي فيها الحيا فل بس صار نص
جنى:احس تعبت بروح المكتب
احمد:بسم الله وش تحسين فيه
جنى:احس دوخه وصداع
جاسر:تعالي معي اجيب لك حبوب صداع
جنى:لا ماعليك برتاح وأطيب
جاسر:اقول قومي معي اجيب حبوب محتاج استشيرك
جنى:طيب
جاسر:مسخنه انتي ولا بس صداع
جنى:بس احس حراره في جسمي وصداع
جاسر:أوقفي عند سياره الإسعاف الحين وبدخل داخلها واجيب العلاج
جنى:طيب
جاسر:قربي اشوف حاره ولا لا
جنى:مايحتاج
جاسر:وش الي مايحتاج اشوف عشان اعرف اي علاج تحتاجين *يمسك جبينها وهي عاد مستحيه مره*
سعيد يطالع:وشفيه؟؟
جاسر:بس هي تعبانه وبعطيها علاج
سعيد يسمك جبينها:يوه مسخنه ليه ماقلتي لي انك تعبانه هاه؟؟*يضربها على راسها بشويش*ماقلت لو فيك شيء أو تحتاجين شيء تعالي؟
جنى:ياخي ماحسيت في التعب الا قبل شوي واخذني جاسر عشان اخذ حبوب ولا كنت بقعد في المكتب
سعيد:وبعد بتقعدين في المكتب لو دختي او صار شيء ومحد دري
جنى:طيب معليش
بندر:اشبكم هنا
سعيد:جنى مسخنه
بندر:اماا *يمسك جبينها ويخبطها خبطه خفيفه*وليه ماقلتي لناا
جنى:ياخي معليش خلاص راسي يعورني
جاسر:يلا خشي داخل عشان حراره الشمس لاتلعب فيك لعب
جنى:طيب نايا وين
جاسر يمسك كمها:اقول خلي البزره وخليك في نفسك امشي
سعيد:اي خليك منها وهي اصلا عند مساعد بس امشي
جنى:طيب فكني
جاسر:عشان ماتنحاشين تعالي معي
وداخل المستشفى:
جاسر:تعالي
جنى:اساسا بجي انت ماسكني مارح تفكني
جاسر:اي الين اوصلك بعدها افكر اروح
عبدالرحمن:اخيرا طلعتي يا الهاربه
جاسر يطالع جنى:نعم وش تبي ماني فايقه لك ياخي
عبدالرحمن يشوف جاسر ماسك جنى:اكيد منتي فايقه
جاسر:خلي البنت تراها مصدعه ومسخنه مهي فايقه تسمع اصوات مرتفعه
عبدالرحمن:اجل انا بوديها عند خالتها
جاسر:معليش لا انا بوديها عشان لو صار لها شيء اكون موجود لاني في الطوارئ
عبدالرحمن:بس انا اعرفها عشان كذا فك كم عبايتها وخليها تروح معي
جاسر:ماله دخل انك تعرفها وهي ماتبي تشوفك افهم وخليها معي بوديها انا
عبدالرحمن:ماتبي تشوفني؟
جاسر:هي مصدعه الحين وماني فايق اتجادل معك
جنى:خلاص ابي اجلس ياجاسر تعبت
جاسر:طيب الحين يلا بعد
عبدالرحمن بينه وبين نفسه:ماتبي تشوفني؟ وذا ماسكها طيب
جاسر:ذا مكتبي اجلسي فيه تبين بطانيه؟
جنى:مايحتاج
جاسر:كل شيء عندك مايحتاج خذي البطانيه واذا بغيتي شيء انا موجود تمام؟"يطلع"
جنى:تمام*تشم ريحه البطانيه*نفس ريحه عطره يجنن ياخي وبعد يوم يقول مالومه وش قصده احس استحيت منه بسبب الكلمه بس يهبلل بس احسه بلاير من كلامه ياخي خلاص ياجنى قفلي السيره بسسس بطني فراشات مو قادره يقلع ام الحاله ياخي صدعت اكثر
الممرضه:السلام عليكم
جنى:وعليكم السلام
الممرضه:وين الممرض جاسر؟
جنى:قال بيروح عند الممرض سعيد
الممرضه:انتي بنت اخت ام سامر
جنى تبتسم:اي
عند ام سامر في قسم الحريم بدو يشغلون الاغاني وفعالياتهم الي تبدأ في كل مناسبه بدو يرقصون ويقلدون حريم زمان بحركاتهم ولبسهم ومكياجهم ويدق جرس قسم النساء*قسم النساء مقفل واذا احد من الممرضين يبي احد من الممرضات يدق الجرس القسم لأنهم يكشفون فيدقون الجرس عشان يغطون ويقولون لهم ادخل ولا يطلعون لهم*
ام سامر:مين؟
عبدالرحمن:انا ياخاله
ام سامر تطلع:هلا وش بغيت
عبدالرحمن:جنى كانت مع الممرض جاسر
ام سامر:طيب وبعدين؟
عبدالرحمن:وهي تعبانه قلت له خليني اوديها عند خالتها قال لا خليها عندي في المكتب عشان اشوف اذا خفت او لا
ام سامر:يوه اكيد ضربتها الشمس وماقصر جاسر
عبدالرحمن:بس هي قاعده في مكتب واحد غريب!
ام سامر:جاسر ماهو غريب هو واحد منا وواثقه فيه وفي جنى وعاد هي لو صار شيء بتقلب الدنيا وجاسر طيب وبيساعدها دامها عنده
عبدالرحمن:بس حتى ولو ماينفع ياخاله مانظمنه
ام سامر:اقول تراك شكاك وغير كذا العيال موجودين سعيد وبندر وعلي بعد مايقصرون فخليها*جاء جاسر*
جاسر:السلام عليكم ام سامر
ام سامر:وعليكم السلام
جاسر:جيت اقلك بنت اختك في مكتبي تعبانه عطيتها علاج وبطانيه لان فيها سخونه وشوي كذا بروح اشوف اذا خفت ولا لا
ام سامر:يعطيك العافيه ماقصرت ياخي تعبناك معنا
جاسر:ابد تعبكم راحه عندي وهي بمثابه اخت لي وعاد صارت منا وفينا من العيله خلاص
ام سامر:مادري صدق كيف اشكرك واشكر الباقين انكم تعتبرون كل شخص قريب لي من اهلكم وماتقصرون معاه
يطب عليهم بندر:مو لازم تشكرينا يا ام سامر
جاسر:أعوذ بالله
بندر:وش شايف جني مثلا المهم جنى ذي خلاص دقت معنا ميانه هي ولانا وغير كذا محترمه واعتبرها اختي الصغيره هي الي صدق قدرنا نمون معها من عيلتك بذا الكثر ماتظن بأحد سوء وتساعد صح ان لسانها طويل بس ان تحط حدود لي كلامها الله يحفظها لكم ونبي زيارات لها كثير قولي تم
ام سامر:صدق اني محظوظه بناس اشتغل معهم زيكم وكويس انكم حبيتوها وتم ان شاءالله لها زيارات.
"عبدالرحمن الي مقهور من رده فعل ام سامر توقع انها بتطلعها من المكتب أو انها تسوي اي شيء بس ماتوقع كذا"
نايا:ناسر *جاسر*
جاسر اشتالها:لبيه من متى تقولين اسمي بس شبهه مشوهه بس كويس
بندر:وذي بعد جيبيها فزعه ذي سحبت شعر الرئيس
ام سامر تضحك:ذي سوسه واشوف وقتها امها
جاسر ونايا بين يدينه:استأذنكم بروح اشوف جنى اذا خفت
ام سامر:يعطيك العافيه
جاسر:الله يعافيك
بندر:وانا بجي بعد بنكد عليها
جاسر:لا خليك مهي ناقصه صداع زياده
بندر:امزح مارح اسوي شيء
عند مكتب جاسر:
جاسر:اتوقع الحين هي خفت
بندر:مم امكن
جاسر وبندر يطالعون جنى جالسه ونايمه
بندر:شكله من التعب نامت ضعيفه
جاسر يبتسم:شكله بس خليني اتأكد إذا خفت ولا لا،كويس صارت احسن
بندر:الحمدلله
جاسر:اسمع بقولك شيء
بندر:وش
جاسر:طيب اجلس
بندر:اي وش عندك؟
جاسر:ياخي عبدالرحمن
بندر:ايش فيه تكلم زين
جاسر:هو مافي شيء يعني بس
بندر:بتتكلم زين ولا اضربك؟
جاسر:أعوذ بالله طيب هدي ماخليتني اتكلم،يعني جاء يهاوشني وانا مع البنت ويقول خليها عندي ماتاخذها يعني مدري ليش سوا كذا هو انا مارح اسوي لها شيء مثلا في النهايه مستشفى وبنت اخت ام سامر يعني وش بسوي وغير كذا ماله شغل دامه مايقرب لها
بندر:لحظه مايقرب لها؟!
جاسر يطالع بحده:كل الي قلته وماركزت الا في ذي
بندر:مو قصدي بس استغربت
جاسر:اي مايقرب لها الي اعرفه امهاتهم صديقات ومن كثر قعدتهم مع بعض صاروا قريبين
بندر:انا عندي جوابين
جاسر يرفع حاجب واحد:وش ذي الجوابين
بندر:اول شيء امكن يعتبرها من اهله زي اخته لا أكثر
جاسر:والثاني؟
بندر:الثاني يحبها سهله
"يتبع"
أنت تقرأ
لم أكن أعلم انكِ سوف تصبحين احد احلامي
عشوائيشاب يريد تحقيق أحلامه لكنه لم يعلم انها احد احلامه
