اعـاتبَ طيفـه"!

:أُعاتبُ' طيفه إ لعل الطيفُ''أوعى للعتاب !

ابطال القصه
فـاطمه: 18 سنه
عبـاس:19 سنه

ام فاطمه: الاسم غير معروف العمر 41 سنه
ام عباس: نرجس العمر غير معروف
اخت فاطمه:زينب العمر 20
اختها الجبيره : ايات العمر 25
رقيه:صديقه فاطمه المقربه

هدئ: العمر 18  -----------------------------------------------------------
فـاطمه: جنت كـاعده بالمدرسه اجتي صديقتي رقيه جانت تريدني اروح للصف وياها لان خلص وقت الفرصه
رقيه: يلا ترا دك الجرص مناويه ادخلين؟
فاطمه: اهووو راح اترزل من مدرسه الرياضيات
رقيه: يلا بسرعه امشي

مدرسه الرياضيات: وين جنتن ترا الجرص دك من زمان ؟ مكو دخله للصف يلا للأداره

فاطمه: بعد يوم متعب وطويل بالمدرسه اخيرا اجت نهايه الدوام واكدر ارجع للبيت لان ميته تعب وجان عدنه امتحان عربي واني اكره هاي الماده وطلعت ممجاوبه

ام فاطمه: الله يساعدج يما يلا بدلي وغسلي وجهزت الغده الج
فاطمه : يي ماما هسه اجي. دخلت اخذت شاور سريع ورحت تغديت ونمت قبل لا انام كعدت افكر بعباس!!

منو عباس؟؟؟
خلي نرجع للماضي! قبل سنتين
----------------------------------------------------------
فاطمه:جانت ماما تجهز للزياره لان جانت احتفال بسنه الجديده 2020 فقررنا نروح لزياره اني مجنت طايقه اروح وجنت ضايجه لان جنت اريد اطلع لغير اماكن وبعدين نروح بس ماما جانت مستعجله لان تريد تروح وي اقاربنا
ام فاطمه: يلا يما تأخرنا خابرونا وكالت السياره راح تجي تمر عليكم عيب نتأخر عليهم
فاطمه: يي ماما كملت جايه

فاطمه: كملت وطلعت من لبيت لكيت سياره جبيره وبيها هوايه ناس ونصهم ما اعرفهم لان اني مو اجتماعيه هوايه علاقاتي كلش قليله. لمهم صعدت بس قبل لا اصعد لاحضت اكو ولد جان يباوعلي اول مطلعت من لبيت لحد ما صعدت غلست وصعدت منطيت الموضوع اهميه

اول مصعدت لكيت بنيه اعرفها شفتها بفاتحه احد من اقاربنا سلمت عليها وجان اسمها هدئ كعدت بصفها وكعدنا نسولف منا لمن حركت السياره

هدئ: ههههههه فاطمه تعي شوفي الفون واقري

فاطمه: شقرا ولج شبيج؟

هدئ: بس تقربي واقري شمكتوب ههههه

فاطمه: تقربت ولكيت مكتوب (شنو هذا الجمال) جان اسم الشخص عباس* ستغربت لان ليش تراويني. عبالي حبيبها فه غلست

هدئ:شبيج وجهج انكلب؟

فاطمه: منو هذا؟

هدئ: لجج هذا عباس ابن عمتي شبيج هذاك كدامج ابو الزيتوني

فاطمه: باوعت ولكيته نفس الشخص الي باوعلي بالبدايه!

هدئ: ههههه طلع عندج معجبين ولج

فاطمه: نجبي حقيرااا بارده ولج هيه مال معجبين من لبرد جعت 💔

لمهم مرت ساعه وهمه بسياره. ووكفو يم مطعم علمود يأكلون ويحطون بانزين

فاطمه:جنت نايمه وكعدتني هدئ وهيه تغمزلي

هدئ: ييي يابه طلعو عندج معجبين يجيبولج اكل لان سمعو بيج جوعانه 😉

فاطمه: باوعت لكيت يمي حلويات ولفه ستغربت حيل كتلها هذن من ماما؟

هدئ: ههههه للا من الحب 😉

عفتها وكمت رحت لماما سئلتها

فاطمه: ماما هذول منج؟

يتبعععععععع.........