:النظرِة من ؏ـَينك
يبعِد عيوَن اهَلنـه هِـواﻱ تسوة
-----------------------------------------------------------
فـاطمه: بعد ما رجعت من الزياره انشغلت بدراستي ومدرستي وصديقتي رقيه ساعدتني اتخطئ الموضوع وجانت تدعمني بكلشي.
وجان عندي تواصل وي هدئ وجانت دائما تجيب طاري عباس وهوا يسئل عني
زينب: حسيت نضراتج انتِ وعباس غريبه ببنكم شي؟ ديربالج تفكرين
فاطمه: باوعتلها وكتلها للا مبيناتنه شي ومباوعنه لبعض اصلا لتبقين تحجين من يمج
اختي متحب هلشي ولا تريد احد يحبني او ينعجب بيه وهلشي ماعرف اذا جان بدافع الغيره او الخوف او الشك لان تصرفاتها غريبه وياي ودائما تحذرني من هلشي.
عباس:من رجعنا واني افكر بيها مكدرت انساها ابد ولا تروح من بالي جنت دائما اسئل هدئ عليها وجانت تكول انو هيه متجيب طاريك ومتحب هلسوالف بس مدري ليش احس بداخلها شي ثاني جانت نضراتها ومن صفنت بعيوني اخر مرا جانت تشرح كلشي.
فاطمه: جنت كاعده بصف واجت رقيه وسئلتني
رقيه: شنو عمري عشنو صافنه وضايجه؟
فاطمه : مشتاقه لعباس بس دا اكابر ماريد اراسله ولا اريد شي يربطني بي خايفه من لنهايه وخايفه من كلشي 💔💔
اني كلش حابه فكره ارتبط بي ويصير من نصيبي بس اني من خلال كلام اختي زينب كرهت كل العلاقات وكلشي يخص الحب لان جانت دائما تحذرني وتفتش بفوني متخليني اسوي شي صح تحافض علي بس مو هيج سببتلي عقده خلتني معرف اتصرف بهيج مواقف عالجت الغلط بالغلط.
ايات: جنت اريد اروح لبيت اهلي اشوفهم لان صارلي هواي مشايفتهم ومشتاقتلهم وصلت الهم وسلمت عليهم ودخلت وجبناها سوالف عن الزياره وكعدو يسولفون من بين الكلام لاحضت فاطمه مو ع بعض كل مذكرو اسم شخص اسمه عباس ينكلب وجها وتضوج وكأنو تعرفه او مكسوره اختي واني اعرفها
رحت سئلتها
ايات: فاطمه صاير شي داحسج مو ع بعضج؟
فاطمه: جنت كاعده ادرس وافكر بعباس وكتبت حرفه ع كتاب واجت ايات وسئلتني اذا صاير شي سديت الكتاب وقررت احجيلها كلشي لان هيه قريبه مني حيل واحب احجيلها كلشي عكس زينب ايشي احجي الها تكلبه ضدي وطلعني غلطانه ولازم اتحمل غلطي وتخليني احس بذنب غصب فه محب احجيلها
كعدت كدامها وكتلها راح احجيلج واريدج تفهميني عدل وكلش زين ماريدج تفهميني غلط اريد تفهمين مشاعري فقط......
ايات: من كالت هل كلام خوفتني حسيت صاير شي وحسيتها تحجي ولدمعه بطرف عينها وجان صوتها مخنوك
كتلها احجي اسمعج خوفتيني
فاطمه: حجيتلها كلشي وكل مشاعري تجاه عباس وشون احس. وشون مشتاقتله وعن كلشييي حرفيا ادق التفاصيل حجيتهن الها حتئ نضراته ولمعه عيونه كعدت اشرحلها شون عيونه حلوه من يباوعلي ويلمعن ✨
ايات: هيه تحجي واني صافنه ع طريقه كلامها حسيت من صدك الكلام طالع من كلبها وحسيتها تحبه صدك مو حب عابر او مشاعر وقت وتروح ولا حب مراهقه واضح مشاعرها حقيقيه
خليتها تخلص كلامها وكتلها انو لساتج زغيرا والعمر كدامج يروحي انتِ وادا من نصيبج. رب العالمين راح يقربكم من بعض واذا مو من نصيبج راح يبعدكم بقدر المستطاع اقبلي بحكم ربي مهما صار لا تتضايقين كلشي يصير من صالحج اريدج قويه وفاهمه فطومتي لا تنجرحين ولا تنكسرين ولا تنقهرين محد يستاهل انتبهي لدراستج 💔
فاطمه: هيه تحجي واني كوه لازمع الدمعه واحس اشتاقيتله بشكل مكدر اتحمل بعد وايات كلامها جان عجرححح
كملت كلامها وطلعت واني كعدت افكر. ولزمت القون لكيت هدئ مراسلتني رديت عليها وجانت كاتبه...
هدئ: هلا فطومه شونج اكلج عباس يريد اي حساب يخصج يكول عندي كلام وياها تكدرين تنطيني حسابج مالت السناب؟
فاطمه: استغربت من شفت كلامها وتعجبت حسيت فراشات ببطني وشعور حلو واجتني رجفه بأيدي واني اكتب الها
كتلها هلا حبي اني اخجل احجي وياه وحدي شنو رايج نسوي كروب ع سناب وانتِ ويانه واشوفه شيريد؟
هدئ: تمام دزيلي حسابج وهذا حساب عباس
فاطمه: دزيت حسابي وهيه دزتلي حساب عباس جنت متوترا ودارجف اول مرا اخطو هيج خطوه جنت خايفه من اهلي وخايفه من اختي زينب اذا عرفت كلامها حيكون مثل السجين بكلبي كلشي يجرح كلامها فجنت متردده بس كلت يلا شحيصير واذا حجيت وياه؟
------------------------------------------------------------------------------ يتبععع 💋✨
أنت تقرأ
اعـاتبَ طيفـه"!
Lãng mạnبين محاوره القلب والعقل رأيت فيه شي كسرني وجعلني في جحيم هل انسى ذلك أم لا؟ السلام عليكم شونكم بالبدايه اني معندي اي خلفيه عن القصص والروايات بس حبيت اكتب قصه واقعيه ولطيفه وتفاصيل واقعيه يعني القصه حماس 💪🏼فه القصه حتكون عراقيـه حطلع افضل ما ا...
