امينة: صباح الخير يمة شلونج
الام: هله يمه تأخرتي بكعدتج ابوج راح يجيي بسرعة غسلي الحوش طلع وره صلاة الفجر لبغداد هسه يجيي يريد الغده جاهز وصاير نار
امينة : صار يمة هسه اكملة ع سريع محتاجه شي اساعدج بالمطبخ
-لايمه بس طببيلي دبات الطرشي من وره البيت
صار يمه .
بهالاثناء اجه احمد من المدرسة كالعاده اجه من وكت وصاير عصبي وكلنه نركض لخدمته
احمد : لج امينة وين شحاطتي ليش الحوش ليهسه مو نظيف وين جنتي سهرانة بالسطح
لا والله بس احس روحي شويه مريضة
اممم يله بسرعة استعجلي وحضريلي الاكل راح اخذلي غفه شوية
الام : يمه انتظر هسه ابوك ع جيه والغده مبقاله شي ويصير جاهز
احمد: شمسويه غده يمه
- ابوك راح تشريب لحم وسويت زلاطة والطرشي سوته امينه يخبل
والتمن هم صار جاهز وهسه اسويلكم ذاك اللبن اللي يخبل جابو لابوك صوغه من اربيل
اممم يله لعد راح انام ومن يجيي ابويه كعدوني صار يمه تدلل روح نام
امينة ركضت غسلت الحوش واخذت هدوم احمد غسلتهم وكملنه كلشي وصارت ساعة 12 الظهر وكت جيه ابويه من يروح لبغداد
محمود رجع من المدرسة سولفلي شصار ويا وضحكنه سوه وتشاقه ويايه وعلمني ويا حرف جديد جان كل ميروح للمدرسه ويرجع شيتعلم يعلمني ويا واني اكيف لأن تعلمت الكتابه والقرأه بفضل محمود اخويه الصغير جان شاطر كلش وفطن وحنين علينه احنه البنات عكس احمد
تغدينه وابوية جان جايبلنه اشكال هداية من بغداد وقطع قماش وكلش جنه فرحانيين راح نخيط ثوابه جديده للعيد
مرت الايام واحنه نفس الوضع اساعد امي بالشغل واكمل كل امور احمد وماخلي يحجي علية ابد وادرس ويه محمود
كبروا اخوتي واني صرت بنية حلوه وشابه والعين صارت عليه والخطابه عليه كثروا جنت بنيه مناقصهه شي اصل وفصل وجمال
جنت طويله ومتروسه شويه مربربه وعيوني صغيرونه ناعسة وبياضي ناصع وظفايري منا ومنا طويله وشاطره بالبيت واركض منا ومنا
يخطبوني وارفض جنت احب ابن خالي بيناتنه نظرات كل وووين وووين من يجون يمنه واخته تسولفلي علي وع اخلاقة وشخصيته القويه واني هم جنت احس بي يحبني من نظراته اللي خصوصاً اخر مره من فتحتله الباب صرت قريبه منه وعيني صارت بعينه حسيت بي يحس نفس احساسي بس بوكتنه اللي تحب تنذبح خصوصاً ابويه جان متعصب كلش ويه البنات
اخوية احمد تغير اكثر علينه وصار مينجرع ونكره وجوده بالبيت نتنمى بس يطلع يضرب ويكسر وبس بوجود ابويه ميكدر يسوي شي
بس علينه احنه البنات وامي جان ميرحمنه
مره من المرات كاعدين اني واختي امينه جان شعرهه عكس شعري اني شعري ثخين وطويل واصفر وهيه شعرهه اسود وخفيف وتعبان كالتلي امينة كصيلي شعري مثل شعر سعاد بيت جيرانة ذيج المره شافت شعري
وكالتلي اني جان مثلج وكصيته
يمعوده شيخلصنه من احمد اذا شافج
ميشوفه اللبس الفوطه من يجيي هوه شويه وينام
واضل احط حنه علمود يطول
بكيفج
كعدنه اني واميره الظهرية بغرفة الطحين كصيتلهه شعرهه كصير وضل فتره تلبس فوطة بالبيت
احمد جان ذكي وميعبر علي شي مره من المرات كلهه شعجب لابسه بالبيت كلتله مو دا اطبخ ويه امي وخاف يصير شعر بالاكل
والمره الثانية طب اول مطب صيح عليهه راحت نزعته حذائة وجر الفوطه من شعرهه وعرف هيه كاصه شعرهه وداها للتنور وصخم وجهه بصخام الرماد الباقي وكتلهه وكطع باقي شعرهه واني ختلت بغرفة محمود وارجف وابجي اخاف تكله اني اللي كصيته وهم يكتلني
جان يسألهه خطيه وهيه ساكته متجاوب وتتوسل بي وتترجاه ميكول لأبويه
بس هوه جان حقير كلش ورفض واول مأجه ابويه كله
وابويه حلف ع اميرة ميشوفهه بالبيت جانت تختل بغرفة الطحين تنتظر ابويه ينام واحنه ننطيهه الاكل
صار عمرهه 14 سنة وتزوجت وخلصت من هذا العذاب اللي جانت عايشه بس اول واحد خطبهه قبل جانت فقيره كلش وتسكت حته من تتأذه متحجي
جانت تكلي تزوجي اخلصي اني مجنت مثلهه جنت شاطره واركض واشتغل مجنت احس بظلم ابد خصوصاً من يطلع احمد من البيت
ترتاح نفسيتي
