غدر الاصدقاء

عودة الى الماضى (٢٩)

اللهم صلى وسلم على سيدنا ومولانا محمد وعلى اله وصحبه اجمعين
💞💞💞💞💞💞
أمرت قلبى جيدا ان يجلس
عاقلا حين تمرين بالصدفة
💞💞💞💞💞
لا تنسوا التصويت تقديرا لتعب الكاتبة ⭐⭐⭐⭐

فى فيلا متوسطة الحجم دخل
جلال من الباب الكبير وقعد على الكنبة اللى قدام التليفزيون وفك اول زرارة فى
قميصه بس لاحظ الهدوء اللى
فى بيت  فنادى عليها حبيبتها المجنونة والعنيدة اللى مهما ينبه عليها انها متتعبش نفسها فى شغل البيت وخصوصا انه جايب خدامتين واحدة للتنضيف والتانية بتطبخ / قمر يا قمر حبيبتى انا جيت

مسمعش ردها فنادى مرة تانية عليها / قمرى انت فين

ولم مردتش عليها قال انها ممكن تكون نايمة مسك شنطته
وطلع اوضتهم وبرضوا مكانتش موجودة فيها وهنا
بدا يقلق عليها فنادى على  دادة اميرة هى اللى مربياه وبعد وفاة اهله من سنة رفض انها تمشى وتسيبه واصر انها تستغل فى بيته / دادة اميرة
يا دادة يا دادة انت فين

اميرة / ايه يابنى مالك فى ايه

جلال / هى قمر فين مش موجودة فى البيت كله

اميرة / ما هو يابنى هى خرجت بقالها اكتر من ساعتين

جلال / ومش قالتلك راحت فين

اميرة / لا والله يابنى انا طلبت منها تخلينى اروح معاها بس هى رفضت وقال مش هتتاخر

جلال / خلاص روحى انت يا دادة

بعد ما مشيت طلع تليفونه وبحث على موقعها ومن حظه انها دايما بتسيب الموقع مفتوح وبكدة يقدر يطمن عليها
ويعرف هى فين فى اى وقت

دقيقة واحدة وظهر قدامه موقعها وهنا اتصدم وخرج يجرى لان لو ملحقهاش هتدمر
قدامه دى بتعشق الاطفال ولم
تعرف انها اتحرمت منهم هيكون ده النهاية وحالتها
النفسية هتسوء من تانى ركب
عربيته وطلع بسرعة ومن حظه ان الطريق مش بعيد ٥ دقايق ويكون عندها وفعلا ٥ دقايق وكان بينزل من العربية قدام العيادة وطلع السلالم جرى بس قبل ما يكمل طلوع خرجت هى
من باب العيادة وذى ما توقع
كانت ماشية جسد من غير روح
كانت سرحانة لدرجة مخدتش
بالها ليه وهى معدية جنب منه
انه واقف وهنا مسك جلال ايدها وفوقها بصتلوا فى عينيه
شافت فى عينيه لوم بس بالرغم من دا اخدها فى حضنه فى اللحظة دى دموعها نزلت وكانها دعوة صريحة بانها تخرج اللى جواها وانه معاها
وعمره ما هيتخلى عنها 

مشى وهى فى حضنه وبتعيط
والناس بتبص عليهم بس هو فى اللحظة دى ميهموش حد غيرها حبيبته الصعيدية اللى غيرت فيه كتير وللى بتعانى وهتعانى فى المستقبل بسببه
هو وبسبب غلطته اللى عملها
فى حقها مش هينكر انه نفسه
يكون اب بس دى ارادة ربنا
وهو اتقبلها وفهم ان ده عقابه
على اللى عمله