احباء يجمعهم القدر

الفصل السابع

احباء يجمعهم القدر
البارت السابع

فارس لالا انت فهمت ايه انا عايز اتجوزها
مجدي بصدمه تتجوزها ??
فارس اه اتجوزها عندك مانع
مجدي بصدمه لا طبعا يا فندم هي مطولش اصلااا بس يعني هي مش من مستواك
فارس بحده ده شئ ميخصكش انت ليك اللي تطلبه هتاخده وخلااااص
مجدي بتمثيل حزن اكيد يعني يا فارس بيه دي مهما كان زي بنتي وانا اللي مربيها فالازم اكون وكيلها واخد مهرها كمان وطبعا مش اي. مهر ده انت فارس بيه مره واحده وقعتي واقفه يابنت المحظوظه
فارس بحده بقولك ايه بطل شغل القرف ده والصعبنيات انا عارف انك مش بتحبهاا ولا بتعتبرها بنتك ومع ذلك الفلوس اللي هتتطلبها. هتترمي علي اقدم جزمه
مجدي بضحك يبقي اتفقنا
فارس بحده اتفضل انت غور وانا هاجي بليل
مجدي تمام يا بيه
ومشي وهو مبسوط جدا ان هيطلعله فلوس حلوه من ورا جوازه شروق
ودخل يوسف
يوسف يلا الاجتماع هيبدا
فارس وهو بيقوم اكمل الغي اي اجتماع انهارده يا يوسف
يوسف بستغراب ايه ده ليه
فارس كتب كتابي انهارده
يوسف بصدمه متهزرش يا فارس
فارس وانا ههزر ليه روح هات تولين وداده نفين ومعتز وتيجيلي علي العنوان اللي هبتعه ليك بليل
يوسف بستغراب تمام اللي تشوفه
ومشيوا الاتنين
----------------------------------
في بيت ليلي
سوسن بت يا ليلي يلا اصحي
ليلي وهي بتقوم اكملت حاضر يا حبيبتي صحيت اهو
سوسن يلا خدي شاور لحد ما اعملك تفطري
ليلي تمام وقامت خدت شاور ولبست بنطلون جينز وبلوزه بيضه ودخلت السلسه جوا البلوزه و سابت شعرها وطلعت وقعدت علي السفره
سوسن مش ناويه تحكي
ليلي وهي بتشرب عصير اكملت علي اي بلظبط
سوسن بتنهيده علي دموعك اللي نمتي بيها امبارح علي. خدك
ليلي ماما مفيش حاجه ولو في كنت قولتلك ويلا انا هروح علشان الحق لحسن مديري رخم اوي سلام
ومشيت
سوسن بتنهيده ربنا معاكي يا ليلي ويخيب ظني من ناحيه دموعك طول الليل دي
------------------------------------
في بيت شروق بعد حلول الليل
روح بدموع والنبي كفياكي عياط بقي
شروق بتعيط وساكته بس
روح حضنتها واكملت ممكن تهدي اكيد ربنا مش هيسيبك
شروق بدموع كتب كتابي بعد ساعه انتي متخيله
روح بدموع لبسوكي فستان مفيش منه وحاطه تاج وميكاب اكن مبسوطين روح منهم لله
شروق بدموع حقيقي مش قادره اصدق اني هتجوز احمد ده هيطلع عليا القديم والجديد يا روح
روح حضنتها واكملت بدموع كفياكي عياااط بقي وجعتي قلبي يا شروق
شروق مسحت دموعها واكملت اديني سكت وقامت وقفت بصت علي نفسها في المرايه واكملت اافستان حلو اوي وباين عليه غالي بلزمه العالم المعفنه دي جابته منين
روح بضحك يخرب عقلك فايقه تهزري وبصت بحزن واكملت بس تعرفي طالعه زي القمر وانتي عروسه وشعرك مموج حلو اوي وشكله حلو علي ضهرك بس كان نفسي تفرحي كده وتلبسي كده لحبيبك مش لحد تاني انتي مش عايزاه
مجدي بحده يلا ياختي انتي وهي مش خلصتوااا
روح بخوف طالعين 
ومسكت ديل فستان اختها وطلعت في وسط زغرطه وفرح من الجيران
المأذون هو فين العريس
مجدي بتوتر جاي حالا متقلقوش
روح يخش غاره تاخده وهو جاي نرتاح
شروق اللهم امين يارب
المأذون الجواز مينفعش غصب يابنتي لو مش عايزاه مش هجبرك
مجدي بصلها بحده واكمل ازاي يا مولانا بس دي بتهزر مش كده يا شوش
شروق بدموع اه كده
المأذون بضيق طب ايه هيتأخر اكتر
روح بمرح انا رايي نلغي خالص يلا يابت
شروق وهي بتقوم اه يلا
مجدي بحده اترزعي منك ليها
شروق دموعها نزلت واكملت في سرها حقك عليا يا فارس انت عارف انا بحبك قد ايه وفضلت فعلا قد وعدي ومستنيه بس انت اللي اتاخرت ومحققتش وعدك ليا
فارس وهو داخل بهيبته ووسامته اللي خلي كل بنات الجيران اللي واقفين عنيها عليه اكمل اظن اني متاخرتش وجيت في معادي بلظبط
مجدي بضحك حقيقي ياباشا اتفضل
روح بصدمه همست لاختها ايه ده مين الموز ده
شروق قامت وقفت بصدمه. واكملت انت
فاارس بص وراه واكمل وهو بيشاور علي نفسه انتي تقصديني انا يعني علي العريس اه انا يا حبيبتي. معقوله معرفتنيش
شروق بصدمه قعدت واكملت بدموع وهمس لروح ده فارس يا روح جوز امك باعني بلغاااالي اوي
روح يخربيت اهلك بقي انتي مش عايزه ده علشان قصه الحب الملزقه بتاعتك
شروق بوجع همست ممكن تسكتي
روح بضحك يا مفتريه القمر ده يضرب بلقلم منك لله اديه جيه يتجوزك وهيطلع عليكي القديم والجديد
شروق فضلت تدمع وبس
المأذون هل تقبلي بي فارس نبيل زوجا لكي يابنتي
شروق عنيها دمعت وسكتت
فارس بحده ردي علي المأذون
شروق بدموع ووجع وحروف متقطعه اكملت موافقه
المأذون بتنهيده متخافيش قولي رايك
فارس بصلها فاكملت بوجع موافقه
المأذون وانت هل تقبل بلانسه شروق وليد زوجه لك
فارس حس بنغزه في قلبه واكمل بوجع اسمك شروق
شروق بسخريه تخيييل جاي تتجوز واحده انت متعرفش اسمها
فارس بصلها بحده واكمل موافق
والمأذون بدا يكمل بقي الزواج ومضت شروق وهي ايديها بترتجف ومضي فارس
المأذون بارك الله لكم وبارك عليكم وجمع بينكم في خيير
تولين من علي الباب اكملت بفرح ده احنا جينا في الوقت الصح بقي
فارس بضحك حبيبتي يا تولي والله
تولين بقي يا فارس اقولك جايلي عريس تتجوز انت بس مش مشكله الف مليون مبرروووك يا قلب اختك
فارس بحب الله يبارك فيكي يارب
معتز دخل واكمل بضحك لالا مش قادر اصدق قدرت تعملها يا فارس بيه
فارس بضحك حبيبي يا معتز عقبالك يا غالي
معتز تؤ انسي الكلام ده
روح بصدمه ايييه ده الحقي يا شروق ده واحد تاني من جوزك
معتز بضحك انتي هبله يابت انتي ولا ايه واحد تاني ازاي يعني انا اخوه التؤام معتز
روح بضحك ااه منا بقول بردو
يوسف دخل واكمل بفرح وهو بيحضن فارس مبروك يا حبيبي مليون مبروك
فارس بحب الله يبارك فيك يا حبيبي عقبالك يارب
روح اتصدمت من وجود يوسف وعلاقته القويه بفارس بعدين افتكرت المكالمه اللي جات ليه وهي عنده لما قال ايوه يا فارس وفهمت انهم صحاب وفرحت جدا ان حبيبها صاحب جوز اختها اللي هي شيفاه قمر وميتعوضش وان اختها محظوظه بيه
نفين بحب حضنته واكملت بفرح مبروك يا نورعيني من جوه فرحت قلبي والله يا فارس
فارس باس جبينها واكمل الله يبارك فيكي يا حبيبتي
نفين بحب عروستك قمر وحضنتها واكلمت اسمك ايه يا قمرايه
شروق بحزن اسمي شروق
معتز بضحك الله ده انت عامل عقد مع الاسم بقي
فارس داس علي رجله واكمل بهمس انت اتجننت ايه اللي بتقولوا ده
شروق استغربت بس سكتت
نفين حضنتها واكملت زي القمر يا حبيبتي والله ربنا يحميكي يارب ويخليكم لبعض ويرزقكم بلذريه الصالحه
شروق في سرها ده لما يشوف حلمه ودنه 
فارس لشروق مش يلا
شروق لا انا مش هسيب روح اختي هنا لوحدها مع الراجل ده اديه باعني ليك وارد يبعها لحد زيي
نفين بصدمه ايه الكلام ده هو انتي يابنتي حد اجبرك
شروق بدموع لا بس الموضوع جيه بسرعه بس يا طنط وعموما انا مش همشي واسيب اختي
روح بحزن يا حبيبتي متقلقيش عليا روحي انتي بس دلوقتي
شروق بحده قولت لا الراجل ده زباله وياما ضربنا بلحزام وغيره مضمنش يعمل فيكي ايه وانا مش هنا
مجدي بعصبيه رايح يرفع ايده مسكه فارس واكمل بحده تؤ تؤ تؤ مش مرات فارس العامري اللي كلب زيك يرفع ايده عليها ااكلام ده كان زمان انما دلوقتي تنسي يا حيوان وكفايه عليا بعد اللي سمعته من مراتي اني هسيبك تكمل شغل عندي
مجدي بخوف خلاص يا فارس بيه مليش دعوه بيها تاني اوامرك حاضر
فارس بحده ده غصب عنك كده كده ياروح امك مش بمزاجك وبص لروح واكمل حضري شنطتك وساعديها يا تولين بسرعه
تولين حاضر
شروق بجمود شكرا
فارس اظن ان ملهاش لازمه كلمه شكرا دي
وفعلا تولين حضرت معاها الشنطه ونزلوا ركبوا عربيات متجهين للفيلا