සක්වල මහගෙදර ✨💞

( The Untamed group එකේ Valentines game එක වෙනුවෙන් ලියපු පුංචි ff එකක්.. )
#MDZS_VALENTINES_SPECIAL_GAME
#VALENTINESDAY_2021
#MDZS_SL

💙 Wangxian ❤️

✨️ සක්වල මහගෙදර ✨️

🚫 කිසිදු අයිඩියාවක් නොමැති තැන ගැලපූ බොරුවකි. මෙයින් කිසියම් හෝ චරිතයකට හානියක් සිදු වේනම් ඉවත් කරගැනීමට කැමැත්තෙමි. 🚫

.....................💞💞💞.................

ගෙවෙමින් තිබුණේ වසත් සමයේ සුන්දරම කාලයයි. එසෙලියා මලෙහි රත් පැහැයෙන් වැසුනු ගූසු ගිරි කුලයෙහි වෙනදා නොවූ ප්‍රබෝධයක් වූ බව කිව යුතුමය. සුදු පාට ලෝගුවෙන් සැරසුන සිසුවෝ කඩිමුඩියේ උදෑසන දේශනය සදහා පැමිණෙමින් සිටි යෝය. අහසෙහි පියාසර කරන කුරුල්ලෙකුට ඔවුන්ව පෙනෙනුයේ ගූසු හී තැනින් තැන පිපුණු සුදු නෙළුම් වාගේය.

සුපුරුදු පරිදි සුන්දර ජිංශියෙ නිහඬ බව අද ද එලෙසමය. යාන්තමට වැටෙන හිරිපොද වැහි කැට මල් පෙති මත වැතිර තාලයට නටන්නාවූ තුෂාර පෙද ලැහැබ වූයේ ජිංශිය පෙනෙන මානයේය.

හන්ගුආං ජූන් වෙයි වූෂීයෑන් හා විවාහ වී පැමිණි දාට පසුව සුළඟක් හෝ නොමැතිව සැලෙන පුදුමාකාර පඳුරු විශේෂයන් ජිංශිය ආසන්නයේ සුලබ දසුනක් වී තිබුනාය. මේ පුදුමාකාර පදුරු විශේෂයන් විටෙක ශබ්ද පවා පිට කරන අතර කුතුහලය නිසාම ඒවා ගැන විපරම් කිරීමට ගොස් ක්ලාන්ත වී ඇද වැටෙන ගූසු ශිෂ්‍යන්ගේ නම් ලැයිස්තුවද දිනෙන් දින ඉහළ ගිය අතර ඉවසීමේ අන්තයේදි මාස්ටර් ලන් චිරන් ගූසු හී කනිෂ්ඨ සිසුන් හට පඳුරු අසලින් සක්මන් කිරීම පවා තහනම් කළේය.

මේ හිමිදිරි උදෑසනේද සුපුරුදු පරිදි ජිංශිය පෙනෙන මානයේ වූ තුෂාර පෙද ලැහැබ් තාලයට නටමින් සිටියාය.
තුෂාර පෙද ලැහැබ් වලට එපිටින් අතිශය වෙහෙසකර වූ කාර්යයයක නියැලෙමින් ලන් වංජි එම කාර්ය අවසානයේ අසල වූ පයින් ගසට හේත්තු වී සුසුමක් පිට කළාය.

" ආපෝ.......

තනි අතින් මිනි පෙට්ටි ඉස්සුවට, මේ පොඩි වැඩේවත් කරගන්න බෑ නේ...

මහන්සි ද.... "

වෙයිං පිටුපස හැරී දඟකාර ලෙස ඇසුවේ සිනාසෙමිනි.