قـسوه مُبكره

بارت 3

الكاتبه ( طيبة الـدليمي)

part 3

(لا تنسون تصويت حبايبي)

~~~~~~~~~~~~~~~~~~~~~~~~~~~~~~~~

شفتهم تقربو للتابوت ونزلو يشيلو

ايلن...وين ماخذين امي خلوها هنا
بهاء...بنتي بطلي سوالف الجهال هاي
ايلن...سوالف جهال؟!!!!
بهاء...بطلي دلع ايلن خلي يعدي اليوم ع خير
ايلن... كلشي ما حجيت لان نبرته صوته جانت عاليه ف الكل اجه والكل انتبه واني كعدت بس ابجي من ها موقف حرف ما نطقت بعد
اخذوها وطلعو واحس روحي طلعت وياها حسيت الدنيا خلاص وكفت هنا بعد متمشي جنت مافرق اذا هذا حلم لو واقع الي ديصير واني بس ابجي
صار العصر والبيت صار عباره عن نسوان ولابسين اسود ضجت ورحت للغرفه لكيت كاعدين بيها بنات عمي وعماتي رحت ونمت ع سريري واني رايحه بعالم ثاني مو يمهم
رقيه...ايلن ليش نمتي تعالي ويانا
ايلن.. لا رقيه تعبانه
لينا..رقيه عوفيها خطيه خل ترتاح الشي صار مو قليل
بهل اثناء دخل يمان
يمان.. هاي حفيدات سيد صالح مجتمعات هنا
لينا ..لعد وين نروح غرفه ايلن الوحيده هدوء بهل بيت وفارغه
يمان.. ديلا بلا جذب كلكم حاطين عينكم ع غرفه ايلن
رقيه.. اوي عيني ع منو اجيتي لينا تتحارشين ببزر الكعده
لينا... اها عمي كايمين كومو حفيدات سيد صالح
يمان.. صدك حفيدات سيد صالح بسرعه تزعلون
ايلن ...هسه وكتكم تعاركون ع غرفه فوك راسي ترا هيا غرفه
يمان..شوفو ضوجتوها يلا الكل برا
ايلن...اولهم انت تطلع برا
رقيه...هيهيي انت اول واحد نطردت دروح
يمان.. هاي عليه ايلن
ايلن...اييي عليك استاذ يمان
يلا طلعو اريد انام عود من اكعد تعالو وطلعو البنات وبقيت بس اني ويمان
يمان...ايلن شبيج صايره بس ساكته ووحدج
ايلن..شنوو الي يخلني احجي ليش واطلع ؟!
يمان.. يعني ارجعي لدوامج
ايلن.. انت تحجي صدك او تشاقه شبيك يمان انت العقلك ضرب مو اني والله
يمان.. شبيج تحجين هيج عادي واذا داومتي لازم ترجعين لحياتج الطبيعيه
ايلن.. يمان انت شو من سافرت ومحد يدري ورجعت متغير شبيك شصاير ؟!!!!
يمان... غير علمودج ياايلن
ايلن..علمودي عوفي وحدي علمودي خلوني ارتاح وانسه لصار بكيفي علمودي كولولي منو سوه هيج
يمان .. بعدج طفله تفكرين هيج ايلن راح تخبليني وياج
ايلن... حقكم اذا بابا يكول سوالف جهال ودلع وانت تكول بعدج طفله حقكم والله
يمان... ايلن بس....
ايلن.. بلا حجي اريد انام عادي اطلع او اصيح خاله عليك اختار
يمان...طالع وحسابج بعدين
ايلن.. اي بعدنا باول يوم تبدون تحاسبون
يمان..ايلنننننن نامي احسن
طلعت من يم ايلن واني افكر
بحجيها بعدها بهل عمر وهيج تحجي لو جبيره جان شلون حجت بس الله يكون بعونها الصار مو قليل بس ايلن قويه عكس اخوها ايدن ولا كان صاير شي يلعب بشارع ويفتر

(فلاش باك)
اني يمان اصير اقرباء ايلن يعني امي وابو ايلن ولد خاله من اني وصغير ويا اهل ايلن اربع وعشرين ساعه لو هما يمنا او احنا يمهم يعني بيت جدها لحد ما ايلن اجت للدنيا ولكل جان حاير باسم الها اني وبنت عمتها ل ايلن اختارينا اسمها وجان يسموها مثل مختارينه احنا من اجت ايلن مو لان اصغر الاحفاد بس جان بيها شي مختلف بحيث للكل انجذب الها بسرعه رغم اني جنت ابو منها ب١٥سنه بس جان اكو شي يجذب الواحد الها