البارت السابع من رواية #حوريتي
بقلمي #هدير_بدر
حور طلعت غيرت ولبست بيجامه ستان هاديه ورفعت شعرها علي هيئه كحكه فوضويه وكان شعرها خصلات نازله من الجنب وكان شكلها يجنن ونزلت المطبخ بدأت تطبخ وهي بتتمايل بكل خفه وفرحه
مراد نزل علي الريحه ودخل المطبخ تنح اول ماشافها وفضل متابعها بشغف
مراد قرب منها حور حسيت بيه وفجأه اتخضيت
مراد بضحك: اهدي اهدي شوفتي عفريت بس ماقلتليش ايه الريحه الجنان دي
حور بفرحه: بجد عجبتك ولسه لما تدوق
مراد فرح من جواه انها بقيت واخده عليه حتي لو كانت بنسبه بسيطه : يالا ياستي كلاب بطني بتهوهو
حور ضحكت وبدأت ترص الاكل وكان مراد بيساعدها قعدوا ياكلوا وكان بيملئ قلب كل واحد فيهم السعاده
...........
هنيه كانت قاعده مع احد صديقاتها
هنيه بغل : انا لازم اتخلص منها لازم ابعدها عن ابني
نوال بشر : امممم عندي فكره
وبداو يخططوا
هنيه بابتسامه خبيثه: دا ايه الجمال دا بس دماغك دي الماظ
وبداوا يشوفوا هايعملوا اللي بيخططوا ليه ازاى
........
نايا طلعت وهي خايفه جدا من مرات عمها وجسمها كله كان بيتنفض اول ماطلعت
مرات عمها بشر : كنتي فين
نايا برعب : ك كنت انا عملت حادثه
سوزان بشر ومكر : بجد حادثه وايه دي ووريتها صوره ليها وشهاب قريب منها اوي اتصدقي الحادثه دي حلوة اوي
نايا فتحت بؤها بصدمه وبدأت تتكلم بتلعثم وحاسه ان الحروف مش راضيه تتطلع منها : انتو انتو فاهمين غلط والله العظيم ما كدا
مرات عمها قربت منها بشر وغل : الصور دي صح والا غلط
نايا مش بتعرف تكدب مهما حصل : ايوة حصل بس مش مانتو شايفين
مرات عمها شديتها من شعرها : بتقولى اييييه ورابطه دراعك ليه ها وبدأت تشدها منه
نايا بصريخ: ااااه والله مكسور والله وفضلت تعيط بقوه
لكن مرات عمها وسوزان فضلوا يضربوا فيها
سوزان كانت حاسه ان نايا دايما احلى منها علشان كدا قعدت تخربشها من وشها
نايا اغمي عليها من التعب
ادم بيبص جنبه لقي التليفون بتاع نايا
ادم خبط علي دماغه: اهي نسيته وطلع بيتها بس ماكنشي عارف انهي شقه وفاجاه سمع صوت صريخ وضرب جري علي الشقه كانت بابها مفتوح
بيبص علي الملقاه علي الارض لقاها نايا ووشها مش باين من كتر الدم
ادم وقف بزهول : ايه اللي بيحصل هنا دا .
اتفزعت كلا من سوزان ومرات عمها
.........
حور انتهو من الاكل
مراد بصلها بحنان : اطلعي بقا غيري البسي هدوم البحر وانزلى وماتلبسيش طرحه المكان دا لينا لوحدنا ماشي
حور ابتسمت ليه بحب : تمام وبالفعل غيرت ونزلت معاه
حور بصتله بخوف : لا انا اخري هنا ماشي انا هفضل واقفه بس علي الميه
مراد ضحك علي خوفها : تعالي ياستي تخافي وانا معاكي
ومد ايده ليها : هاتي ايدك
حور بخوف : ل لا لا انا كويسه هنا
مراد قرب ليها وخدها في حضنه ونزلو
حور ماكنتشي مركزه في حاجه غير انها في حضنه وفاجاه جسمها اترعش من بروده الميه
حور برعشه: الميه ساقعه اوي
مراد ضحك عليها بقوه وحور فضلت سرحانه في ضحكته. : انا جاي مع بنت اختي والله انا عارف
حور ضربته بخفه علي صدره: انا مش بنت اختك هه
مراد ضحك اكتر ودخل بيها لجوا
حور فتحت عينها بقوه ورعب: ل لا ماتدخلنيش هاغرق
مراد محاول كتم ضحكته: علشان ما تعترضيش علي حاجه تانيه وفاجاه سابها وهي نزلت في الميه وفضلت تضرب بايدها في الميه وتبصله بخوف: الحقني ب ب بغرق
مراد ضحك بقوه وشالها تاني وفضل سرحان في عيونها
بعد مده مراد فاق وبعدين غمزلها وهي وشها أحمر من الكسوف
مراد بضحك: يالهوي علي الطماطم ياناس
حور بدأت تتناسي خوفها من الميه وفضلوا يضحكو بقوه وحور كانت حاسه انها ماضحكتشي في حياتها قبل كدا
حور بامتنان : شكرا بجد انك حاولت تفرحني
مراد بابتسامه: مافيش حد بيشكر زوجه والا انا مش زي جوزك برضو
حور ضحكت وسكتت
بعد مده
مراد : يالا نطلع
حور بتاكيد: ايوا علشان احنا عايزين ننام
مراد بابتسامه.: يالا بينا
حور طلعت الاوضه تغير فاجاه حسيت بحركه مش طبيعيه في الاوضه بس حاولت تتلاشى خوفها
جات تدخل الحمام لاقيت شخص واقف ملثم مش باين حاجه منه ولابس قناع
حور اترعشت جامد ولسه هتصوت كان حط منديل علي بؤها لحد ماغمي عليها
تفااااااااااااااااعل
