البارت الرابع من روايه #حوريتي
حور بقيت بتعيط وبتخبط علي الباب علشان جسمها بدا يتحرق وكمان ماعدتشي قادره تاخد نفسها
حور : م م مراد ووقعت
مراد كان طالع استغرب تأخيرها وفضل يخبط عليها سامع صوت الميه ومش سامع صوتها
استناها عشر دقايق وبعدين قلق فضل يخبط عليها بكل قوته ولكن دون جدوى
مراد خوفه زاد مالقاش حل غير انه يكسر الباب
كسر الباب لقي ازاز الدوش مقفول عليها وكله دخان
جري فتح الباب لقي الميه علي أقصي حراره شال حور بخوف وطلع جري
غطاها
مراد بخوف : ح حور ردي علية وفضل يقلب وشها ولكن مافيش رد نهائي
لقي وشها احمر جدا من كتر الحراره وجسمها كله شبه محروق
ماقدرشي يسيطر علي دموعه وخدها في حضنه وقال اسمها بأعلى صوته
وبعدين استوعب اللي حصل وقام رن علي الدكتوره
الدكتوره جات
مراد جري عليها : بسرعه يادكتوره لوسمحت شوفيها مالها
الدكتوره بعمليه : ممكن تهدي وتعرفني حصل اي بالظبط
مراد قص عليها اللي حصل
الدكتوره حطيت عليها جهاز تنفس
وكتبت علي مراهم للحرق
الدكتوره: هي هاتصحي كمان عشر دقايق
بس هاتصحي تتوجع لازم تدهن جسمها كله بالمرهم دا ضروري وكل اما تحس بوجع تدهنلها
مراد بخوف ظاهر : شكرا لحضرتك ونده علي الخدامه تاخد الدكتوره
مراد بصوت عالي : يا مصطفي يامصطفى
البواب طلع جري
مراد وقف ادام اوضته واتكلم بعصبيه : في دقيقه الاقي المرهم دا جيب منه تلاته اربعه
مصطفي خد منه الروشته وجري علشان كله بيخاف من مراد
مراد دخل تاني كانت حور بدأت تفتح عينها
حور اتوجعت جامد
مراد بخوف: شششش اهدي مصطفي هايجيب المرهم
حور بعياط : جسمي بيوجعني اوي مش قادره وفضلت تعيط
مراد خضها في حضنه واول مالمس ضهرها
حور صرخت ومسكت في هدومه بقوه : م مش قادره بيوجعني كل جسمي بيوجعني وفضلت تتكلم بهستيريا
مراد دمع علي حالتها : اهدي اهدي
كان مصطفي جاب المرهم
خده منه ودخل جري
مراد بدا يدهن المرهم ليها
حور كانت محروجه جدا وبدأت تعيط بقوه
مراد قلق عليها : بتعيطي ليه انا بوجعك طاب في ايه فهميني
حور بعياط: انا انا مكسوفه خليني انا اعمله
مراد بحنيه : ممكن ماتفكريش في حاجه وانا جوزك
وبدأ يدهن جسمها
حور ارتاحت شويه ونامت علي كتف مراد
مراد بصلها بحب : وخدها في حضنه ونام
حور صحيت تاني يوم وكانت بدأت تتحسن فضلت تتململ في السرير
مراد صحي قبلها بثواني
وحور فتحت عينها
مراد بصلها بقلق: انتي كويسه
حور بوجع خفي : اه الحمدلله شكرا جدا علي تعبك معايا
مراد بحب : مافيش شكر بين الراجل ومراته وبعدين انتي حصل معاكي كدا ازاي
حور بدموع : مش عارفه لاقيت الباب اتقفل فاجاه والميه بقيت بتسخن
مراد خدها ف حضنه : شششش اهدي الحمدلله انها جات علي اد كدا هانزل اجبلك الفطار علشان ادهنلك علشان تخفي خالص وماتحسيش بوجع
حور اتحرجت : ا ا بص انا هاقوم ادهنه و
مراد مقاطعا كلامها : كلامي يتسمع ونزل وعلي وشه ابتسامه
هنيه لاقيت مراد نازل
بصتله بشماته : ايه السنيورة كان مالها امبارح لحقت تتعب
مراد بدون مبالاه : تتعب وانا اداويها وراح خد الفطار وطلع
هنيه بشر: بكرا هتشوف هاعمل فيها ايه
مراد حط الفطار على السرير وسند حور وقعد يأكلها
حور ووشها احمر من الخجل : ممكن تاكل انت كمان
مراد بحب : عنيا
وقعدوا ياكلوا سوا
مراد بحب : يالا علشان ميعاد المرهم مكسوفه انيمك ها
حور فركت في ايدها : ط طب هانام
مراد ضحك عليها
وبعدين خلص بالفعل وقعد سرحان فيها ويمشي ايده على شعرها: هو انا وقعت والا ايه
وبعدين بدا يفوق حور
حور صحيت
مراد : انا هانزل الشغل علشان في شغل ضرورى ولازم اروح ومالكيش دعوة بهنيه هانم ماشي في جنينه لو حابه تقعدي فيها
حور : حاضر وبعدين فركت ايدها بتوتر انت انت هاتيجي متأخر
مراد بابتسامه: مش عارف والله بس هاحاول اخلص علطول
حور : ماشي
مراد لبس وحور كانت متبعاه ومراد كان متابعها وبيضحك داخله
مراد بصلها وهى فاقت من سرحانها: انا نازل لو احتاجتى حاجه بلغيني
حور : حاضر
ومشي
حور فضلت قاعده في الاوضه مش عارفه تعمل اى لبست عبايه وعليها طرحه ونزلت
هنيه كانت قاعده حطه رجل على رجل وجايبه صحابها
حور ألقت السلام ولسه هاتتطلع الجنينه استوقفها صوت هنيه
هنيه بتهكم : مش تيجي تسلمى علي صحابي
حور بابتسامه: حاضر
وراحت سلمت
واحده منهم : ايه اللبس البلدى دا متأكده دى مرات ابنك
والتانيه بصيت باشمئزاز ازاى توافقو على دى
هنيه كانت بتضحك : معلشي بقا تلاقيها لفيت عليه إلا انتى بنت مين وبصيت لحور
حور فركت في ايدها ومش عارفه ترد بايه
