صرت لي اكبر من الدنيا واهلها

Part 8

السلام عليكم بارت يديد 

 بس بعده مب جاهز الي يبا يقرا  كيفه بس بكمل بعدين 

اتمني انكم تحبون البارت سويته في المدرسه ولا كليت عشان اكتب لكم 

مقصود/ه

احبك ورجيتك لاتخليني!!
انا دونك اعاف دنيتي..
لانه ما به شي يستاهل؟!
ولاحتى شي يحلالي!!
غير ذكراك وصورتك اللي فبالي..
دايم معي ما تفارقني ولا لحظه تتنور حياتي!!
وتزيدني شوق على شوقي وعذابي؟!

في المقام في بيت صغير كان في بنت  اسمها مزنه كانت مخطوفه من 15 سنه خل اقولكم شو سالفتها 

قبل 15 سنه تقريبا في سنه 2008 انخطفت  هالبنت الي كانت عايشه في قصر كبير ومب ناقصنها شي ويت في بيت جدا فقير  كانت بتطلع من هالبيت  وبتسير لمكان ثاني ماتعرف وينه 

الحين :

تمت تجوف وتهوجس شو بيستوي لها هالمزنه كانت تفكر وايد بس خلاص لازم تطلع لانه ام ناصر طردتها بعدين بتعرفون قصتها في البارتات اليايه بتعرفون كل شي تمت تطالع وتتلفت تشوف الشوارع الي كانت بس تجوفهم يوم كانت تسير المدرسه الحين خلاص من سنه ماخلوها تكمل دارستها مفروض تكون بصف 12 بس ماخلوها تكمل لانه مايبون يدفعون  لها لانه مدرسه خاصه وماعندها الجواز الاماراتي بسبب انها انخطفت وطلعو لها جواز من دوله ثانيه بدون ذكر الاسم 

اول ماوصلت البيت  كان مثل بيت ام ناصر بس بيت الحرمه الي اسمها فاطمه اسوء بمليون مرا كان عباره عن الارض متشققه وصخ بكل مكان تلوعت لكن دشت 

فاطمه:امم انتي الخدامه الي عطتني اياها ام ناصر 

مزنه انصدمت كانت بترمس لكن ام ناصر رمست بدالها 

ام ناصر:هي هاي الي قلت لج عنها وايد زينه واسمها صوفيا 

مزنه تمت تطالع مصدومه يعني خلاص هي بتشغل خدامه  كانت ماتروم ترمس لانها تدري شو بيستوي فيها لو تكلمت

دشت داخل  البيت وروتها فاطمه شو بستوي وجي كانت  شوي مرتاحه لانه مافيه عيال كبار شوي جي لانها تخاف من الي كانت تجوفه في مدرستها قبل