لكاتبه:اسوو الترهوني💎
الحلقه:4
رواية:طيور النار🔥
ف قصر عيله بيان وتحديدا ف مكتب الجد
ابراهيم.... الي تشوفه يابوي
الجد......مانبوش من يحكي علينا وتعرف الناس تفرح تلقا موضوع
ابراهيم بعدم رضا من كلام بوه......ان شاء لله يابوي
الجد ابتسم وشبح للفراغ يفكر
اسوو..شنو قاله به
:قاله شي يقلب الرواية كلها
اسوو بتعجب.....ماهي اكترها مش مفهومه توا
:العكس مزال ف غموض هلبا ومش حتتوقعي النهايه بكل
اسوو....كملي به
: مش حنطولو غدوا عندي جلسه
عند بيان وشهد
بيان تاكل ....اي مش قتلك نقرا تمريض
شهد حطت الكاشيك....حلمي نكون محاميه بس شكله مش حيتحقق💔
بيان شبحتلها....كم جايبه ف الشهاده ؟؟؟!نسيت
شهد بحزن...99
بيان انصدمت....كدابه
شهد شبحتلها...والله:علاش منكدب متلا؟!!
بيان....بس المدرسه قالو انك جبتي ممكن خمسه مواد وبتعاودي ف مدرسه تانيه
شهد بحزن.....متعرفيش حسام انتي يرشيهم بكم ربطه وتمت
بيان....اوووف قلبنا الجووو خ نهش ندير نسكافيه تبي
شهد ابتسمت......لو طاسه نعناع ف الصقع
بيان ابتسمت....موووو تؤمري😍
شهد ضحكت ع هبالها ورجعت تتأمل ف منظر الجنان
سند....بسست
شهد انخلعت....وووه
سند ضحك....ريلاكس
شهد....تخلع وتقول ريلاكس😏
سند....ممكن نقعمز
شهد ابتسمت...اكيد
سند....مانبيش كترت اسئله بس عارف انك خاطرك تكوني محاميه
شهد ابتسمت......ح يقعد حلم
سند....لو قتلك ح نققلك حلمك
شهد....ولو قتلك شن جابرك
سند.....اسمعيني كويس لما هربتك وجبتك لي حوشنا قبلهاااا فكرتتتت كويسسسس وههلباااا ف اكيد مش حتجي انتي تعلمينيييي صح ؟؟؟!
شهد ابتسمت بوجع.....يعني مافيش فرق بينكم الزوز تحبوووو تتحكمووووو الزوززززززز نكرهكم نكرهكممم اني حنطلع من هني وحنرجع لي حوشنا وحنلقا حضن ماما الدافي حنلقا بابا وخوي يخدمو ف خدمه حلال ولو كانو زبالين كنت حطيتهم فوق راسي
كل ها الكلام كان بودها تقوله بس عرفتت انهه كلامها كله وهمم فضلت تسكت وتهز راسها(واكيد انتم هكي خديتو عليها فكرة الضعف بس تعرفووو انتم توا تشوفو ف انسانه وعنقريب حتشوفو وحده تانيه وحده كل همها حلمها والشخص الي تحبه ونفسها حتششوفو حب الدات حتشوفو🔥)
جت بيان
بيان....سند انت هني
سند ضحك....لا غادي
بيان....مبردكك
سند....المهم وتو روحكم غدوا ماشين بنغازي
شهد نصدمت
بيان انصدمت...كك كيف يعني
سند شبحلها.... انتي تحسابي طلعتها من الحوش بيصفقولها عليها اكيد بيدورو عليها وبعدين غادي اضمن لي قرايتها حتولي محاميه
شهد تخلطت عليها صدمه وفرحه....ج ججد اني منقرا منولي محاميه 😭
سند ابتسم...وعد مني حتولي وشبح لي بيان المصدومه متنسيش وتو شناطيكم مشيه معطله ومعانا مروان وطلع
بيان حضنت شهدد...واخيراااا حلمككك واخيرااا
(لم تكن صديقتي بقدر ماكانت ملتصقه بجوار قلبي ❤)
اسوو الترهوني 💎
اسوو الترهوني 💎
خش سند لي جده
الجد...قعمز قعمز
سند قعمز....نعم جدي
الجد.....خبرني بوك انك مسافر لبنغازي انت والبنات ومروان
سند...اي ان شاء لله ياجدي
الجد....بس اني نبيك تقرا فاتحتك ع البنت قبل
سند بصدمه....كيف جدي
الجد....هيا كلمه يا تقرا فاتحتك عليها يا البنت تطلع من الحوش
سند شبحله....شن تقول ي جدي شن تقول
علي الصوت وخش ابراهيم وصالحه
سند عيونه حمر....تي شن تقول اني منسفرها باش تقرا ومايخدوهاش عيلتها تقوولي اقرا عليها الفاتحه
ابراهيم هز راسه كانه عارف بلي يصير
صالحه نصدمت مكانش عندها مشكله معاها بس ف يوم وليله ياخد ها القرار؟؟!
الجد....كلامي وقلته بتطلع عن شوري حوشي مليكش دخله ليه
سند....حنقراها حنقراهااا بس حتشوفو حتشوفووو وطلع🔥
خشن صالحه خبرت شهد وردت فعلها مقلتش عن ردت فعل سند بس ف الاخر الامر محسوم
اسوو الترهوني 💎
اسوو الترهوني 💎
الساعه 3ليلا🌃
الجو مطر والدنيا غارقه وبارده🌧 بس ياريت تقدر تطفي نار قلب شهد الي طول الليل تبكي ولا سند الي مقعمز مع مروان الي حاول بكل الكرق يهديه وف الاخر خدي بعضه وطلع وقعد سند يفكر شن نهاية ها القصه شن نهايتها يارب (بطلنا اهني مش زي اي روايه عدواني ومتوحد لا بالعكس كان ديما مع عيلته وكان شغله كله حلال حتي كان يد جده اليمين ف كل شي وحنشوفو طبيعة تصرفاته ف الحلقات الجايه )
عموما الروايه بادي فيها الاكشن والحركه هلبا🔥🎬
