وصلنا ف الحلقه الاخيره الي حتحسم حياة أبطالها وحتورينا اسرار ومفاجأة كبيره وحتورينا انه التقهه وما ادراك ما التقه شي مهممم جداا يخلي الانسان يقرر كل حياته بمجرد مايوتق بشخص ويمحلاها لما نلقو اشباهنا الي بستهلو ينحبو بجديات ربي يرزقنا اشخاص قنينه ف حياتنا ويبعد عنّ الناس الي ب الف وش💘
ف صباح يوم جديد 🌞❤
كان يوم جميل ع اكتر الناس الي يستنو ف حلمهم يتحقق وناس حيتغير مجري حياتهم وحيشربو من الكاس الي خلو غيرهم يبلعوه💔🔥
ف بنغازي ❤
جو عيلة سند استقبلهوم احلي استقبال
نشوفو صاحبة التخرج
شهد:لاا ياحسام الطاوله هادي ع اليمين يا مروان دنيها شويه بس 😥
سند ضحك:ياسر به خليك ريلاكس كله ح يجي حلوو متخافيش
روفان:تي حولها مش اهني
حسام:مدخلكش
روفان نفخت:شهد تصرفي معاه
شهد ضحكت:خيركم
روفان:يخمل يخمل
حسام:مش فاضي لي جو التفقعيص راه😏
شهد وشوشت لي سند:نهايتهم مروان وبيان
سند ضحك:موافقه هيا
شهد غمزتله:اي اي
نخلوهم هما يكملو ترتيباتهم ونجو لي طرابلس الحبيبه شويه هي💜
ساميه تعيط:حيعلياا الفلوس ويننن وووهعلياا
فرج جي يجري: تي خيرك ؟!
ساميه:الفلوس مهناااش حي عليااا وووه عليااا وووه
فرج ضحك بخبت:جي وقت لازم تعرفي فيه كل شي
ساميه وقفت تشبحله: ششش ششن نعرفف؟!! .
فرج :اني ميلاد مجد يا ساميه ميلاد الي رقد قدام حوشكم يترجي فيك توافقي عليه لانه كان يموت ع الارض الي تمشي عليها كنت نخدم ليل نهار باش نبني حوش لينا نكونو فيه فرحانين وعايشين حياتنا زي الباقي على اساس ان في هذا الموضوع مسببلك تفكير من قبل ومتأكد انه كلامك صح تبي تعيشي حياتك يوم كملت الحوش وجيت جبت عيالي ودرتهالك مفاجأة انتي فاجأتيني تعرقي شن حسيت وقتها ؟؟!. لما يزفو فيك لي غيري ع قد ماكنت نحبكك وليت نكرهك اضعاف وحلفت لما نحرقلك قلبك زي محرقتي قلبي ومشيت لعبت ف الاجهزة ف العيادة متاع راجلك ال& بس طلعتي من غير ضمير وحتي ع راجلك محزنتيش خساره دفل عليها (حشاكم ) شوفي كيف حنحرق قلبك وطلع
ساميه مصدومه مش قادره تتكلم
شويه تشبح نار تركب
ساميه 😳
نرجعو لي شهد ولي اليومم الي كلنا نحلمو نصلوله ❤
كانت تناقش مع الدكاتره و معاها سند و حسام لانه زي ماتعرفو يمنعو دخول اشخاص هلبا كانت شهد فاقده اهلها هلبا لانه ف يوم زي هدا وجودهم مستحيل يجي زيه حدد محرهااا (تخيلوو انه حنعيش ع الشعور منغير بابا💔)
ف الوقت الي كانت شهد تناقش فيه كانو البنات برا يجهزو ف الترتيبات والمنظررر كانن حرفياً خيال وما هيا الا دقايق وكانت شهد طالعه فرحانه فرحانه لانها حققت حلمها لانها جنب خوهاا لانه بجديات حست بطعمم العيله❤
وياعيلتي يادوا جروحي
ويا عيلتي يابلسم روحي
ياعيلتي نا من ليا دونكم
وياعيلتي بعد الله الدنيا ماتسوي بدونكم
ياعيلتي خلوني ف قلوبكم
وياعيلتي راني بنيتكم وحق الله مانهونكم
ياعيلتي لا متهونوني
ياعيلتي صونوني
ياعيلتي لين انموت ادكروني
ياعيلتي بالصيت الباهي تفكروني
وياعيلتي يادوا جروحي
ياعيلتي يا بلسم روحي
(كلماتي )
تسريع احدات اليوم 💗
كان الكل هايم ف الحفلة وشهد متبي تطلق يد حسام وحسان فرحته مش عاطيها الحد ومروان كان شادها جرت بيان وحسام كان هوا وروفان ناقر ونقير زي النار والبنزينه 😂🔥
ع سيرة النار تعالو نشوفو شن صار ف ساميه
كانت ساميه مصدومه مش قادره تتكلم او شن بتقول هيا فعلا كسرة بخاطر راجل كان شاريها فكرو معاي شويه لو هيا تزوجاته وجابو صغار كانت حتحبهم وحدلعهم علاش؟؟!لانه متزوجه الشخص الي تحبه هواااا مش تحب فلوسه بس تبيلكك كان نحكيلك ع قولة المتل (تحب تفهم ادوخ☺) ماهيا الا دقايق وكانت ساميه تشم و تشبح ف النار بس هيا مدارتش ولا ردة فعلل كانت تفكر ف الي داراته لي بنتها لي ولدها وتحطله ف حبوب كل ها الشي مر شريط قدامها قدمت ووقفت قدام الباب والنار قوية كانت هيا تقدم من الباب والنار تزيد تركب كانت مش معدله ع دوشة الجيران ولا دوشة المطافي كانت تقدم وتبكي ليننن للهيب النار انبك ف وجها وايدها وعيطت عيطه كانت ح تشق الارض من قوتها ادخلو المطافي وطفو النار و طلعوها من الحوش وهيا عينها عالورقة الطايحه المكتوب فيها(رفقا ب قلبي فقد ارهقته الايام)اكيد عرفتوو شورر منو💔
ف لحظتها مانت تفكر اني حرقت طفلة صغيرة لانه كلت شكلاطه اتي درت هكي لولدي اني راجلي وقت مات مايعرف حتي القبله وبدل مانتوب من موته نحكي ع الورته جتهااا وقتها لحظةة ادراك ع كل شي فات بس يا ساميه ربي سبحانه وتعالى قال:{وَلَوْ أَنَّهُمْ آمَنُوا وَاتَّقَوْا لَمَثُوبَةٌ مِنْ عِنْدِ اللَّهِ خَيْرٌ ۖ لَوْ كَانُوا يَعْلَمُونَ}
صدق الله العظيم♥
