الهُروبَ 13.

part 3|ضيافة لـمُدة 13 يوم.

# الهُروب 13.
- بقلمي: نيران -

لا تنسوا التصويت و الكومنت و مُتابعة الحساب لُطفاً ✨.

مُشاهدة مُمتعة

----------

- بزون سوداء طفرت علية، عطت بصوت عالي
و رجعت أركض لـ البيت عندي خوف
مو طبيعي أتجاه البزون.

- دخلت للبيت جان هدوء، صعدت فوك
شفت زمن نايمة، أخذت ملابسي و دخلت
للحمام بدلت و طلعت...

- مددت على السرير و أخذت تلفوني
أشوف شكو ماكو بية، تأففت و أني
أشوف شخص مراسلني نفس الشخص
لح كُلش و أكره الشخص اليلح ،

- كتبت اله و أني أتأفف: بابا شتريد؟
هواي لطشت، احترم نفسك و بعد لا تراسل.

- وسعت عيوني من شاف الرسالة !
ما صار دقيقة و شافها، شنو ما ينام؟
لو 24 ساعة على التلفون؟
كأنو جان منتظر رسالة مني، مثل ما نكول
نايم بالمُحادثة نوم، شفت مُتصل و جاي يكتب...

دز: نلتقي ؟

- ضحكت وي نفسي على ثقتة العميقة
بنفسة و كتبت: نلتقي؟على أي أساس؟

كتب: على أساس أني أريد نلتقي و هذا بحذ
ذاته أساس .

دزيت: حلوة ثقتك بنفسك، ما أمشي على
كلامك لا نلتقي ولا هُم يحزنون، بعد لا تدز
شيء حتى لا يكون تصرفي ما مقبول .

دقائق و دز: باجر الساعة بـ 12 مُنتصف الليل
وحدج، اشوفج بهذا المُكان ......

- وسعت عيوني و كتبت و أني عاكدة حاجبي
نار: عفواً !!، تفهم الكلام أنتَ؟

- حظرني !!! شكد سخيف؟
عفتة و بقيت أتابع مُسلسلي، نعست
و باجر عندي شغل يبووو.

- سديت التلفون و نمت بسرعة حتى
ما كدرت أفكر بشيء، هايشة مال نوم.

- كعدت الصُبح و أني نعسانة، فاتحة تك
عين مالي خلك أداوم، دزيت رسالة
لـ صديقتي بـ الدوام تدبر جذبة حتى
ما أداوم، أبتسمت و أني مغمضة عيوني
على بوسة زمن، فتحت عيوني من تكلمت
بأبتسامة: تعرفين اليوم أجتماع الأهل
لهكذا أني و أُمي راح نروح.

- هزيت رأسي و تكلمت بكسل و أجر الكلمة
جر: أممممَ، أني اليوم ما عندي دوام حنام.

زمن: تمام، نوم العوافي.

- غمضت عيوني و رحت لـ عالم الأحلام
كوابيس مُزعجة و أصوات برأسي تمنعني
إن أنام بـ سُكينة و راحة، فتحت عيوني
بتعب و أني جسمي كُلة خمول كأني مُخدرة.

- شفت شيء أسود مِر من يمي !!!
حاولت أكوم أكعُد بس ما كدرت !!
شهكت بخوف و أني أشوفة كدامي !؟
نفس الشخص، مُلثم بس عيونة السودائية
التبعث القوة و الشر و الطغيان منها تبين.