فتاة مسلمة

مهم💛

الكلام ده يتحط حلقه فـ القلب مش بس فـ الودن.💛🥺

1_ مفيش شاب ملتزم هيدخل لبنت على الماسنجر أو غيره ويعلقها بيه ويحببها فيه ، لإن الملتزم بجد بيدخل البيت من بابه مابينطش من الشباك ، ولو حصل (وضعف) فبيعرفها بس إنه هيتقدم رسمي إن شاء الله وبيبعد تاني لحد ما ربنا يرزق بالحلال ، طريق البيت معروف وغير كده يبقا بنضحك علي نفسنا.

2_ مش كل واحد شكله ملتزم في الفيس يبقا ملتزم في الواقع ولا كل بنت حاطة صورة لمنتقبة تبقا مؤمنة وصالحة ، بلاش نغتر بالمظهر الخارجي علشان مانتصدمش بالواقع.

3_ قلبك في صدرك بلاش تفقده وترجع تدور عليه وانت بتبكي ، بلاش تسلم قلبك لحد ، أياً كان ، بلاش تفتحه لكل طارق ، لان فيه ناس بتخبط وتجري.

4_ ماتخليش الظروف إللي انت بتمر بيها في البيت أو  في حياتك عموماً تخليك ترمي نفسك في أحضان حد ، أو تطلب الاهتمام من حد ، دي مش حجة بالله عليك ، فامتعملش زي اللي عاوز ينقذ نفسه من المياه ف ينط في النار.

5 _ بلاش تصوم تصوم وتفطر علي بصلة ، بلاش بعد الحرمان ده كله والمجاهدة تفطر علي حب حرام ، أصل المياه المالحة عمرها ما هترويك.

6_ انت اللي بتأذي نفسك ، وتفرط في ربك ، والبناء الجميل إللي بنيته من الطاعة، علشان لذة ساعة بتهدمه بإيديك ، مع إن قلب من تحب بيد من عصيت.

8_ بلاش تستهلك قلبك في علاقات انت عارف إنها حرام ، طيب قولي لما يجي الحلال هيلاقي إيه من قلبك المستخدم ده.

7_ قبل ما تنزل بأرض ، لازم تختبر قوتها وصلابتها ، بلاش تندفع بكل قوة للمجهول ، اصبر واحتسب صبرك لله.

9_ انت أكبر من إن حد يخفي وجودك ، أو إنك تحصر نفسك في مربع شات يتمسح كل ليلة بعد ما يؤدي الغرض منك.

10_ كل ما تتركه من أجل الله وطاعته ، حتى ولو كان قلبك متعلق به أشد التعلق ، تأكد إن ربنا هيعوضك بأفضل منه في الدنيا والآخرة بإذن الله تعالى. 💛
الإرتباط".🤸‍♀️🐣

"طبعاً كلنا عارفين أن الإرتباط الغير شرعي حرام ،💙
ربنا بيقول ف القرآن" وآتوا البيوت من أبوابها ، واتقوا الله لعلكم تفلحون".
"ولا تواعدهن سرآ".💙
طب ليه يـ جميلة تعلقي قلبك بـ شئ حرام ، ليه مش تصوني نفسك ، انتي غاليه ، ربنا مكرمك فـ القرآن ،ليه انتي تعصي ربك ، وتخوني ثقة أهلك ، ليه تباني انك خاينه ، ليه مش تكوني عفيفه،  وده كله علشان مين علشان واحد مش يستاهل ، هو لو بيحبك وبيخاف عليكي ،  مش هيرضي إنك تاخدي ذنوب، وإنك تخوني ثقة أهلك ، اللي مش يستاهلوا منك ده ، ابوكي الراجل الطيب اللي طول النهار شغال علشان تعيشي مرتاحه، وامك اللي ع طول تدعيلك وعايزة سعادتك ، ده يبقا مش يستاهل حبك ومشاعرك ، ارتبطي ف الحلال لـ الراجل اللي هيصونك ، ويقدرك ، ويغليكي ، ويرفع راسك قدام اهلك ، أنه داخلك من الباب ، اللي فكر ف رضا ربه ، علشان تأمني مع نفسك معاه ،طب الناس اللي بيقولوا لا الارتباط حلال طالما بنحب بعض  ، لا يـ حبيبتي بتحبيه ، احفظي حبه ف قلبك ،اوعي تعصي ربنا ، ادعي ربنا أنه يكون ليكي بالحلال ، دايما الحرام ف الاول طريقه سهل بس فـ اخره وجع قلب ،
ليه كل ده ، ما تستني الحلال ، الحلال ليه مذاق خاص ، كفاية أن ربنا يباركلك ف الارتباط ده , ارجعي الي ربنا وتوبي إليه ، ربنا بيقبل التوبه ، وان شاء الله ربنا هيعوضك كل خير