فتاة مسلمة

الخمار

أولاً.
كلنا عارفين إنه فرض صح؟
"ربنا سبحانه وتعالى قال" و ليضربن بخمرهنّ ع جيوبهنّ "علشان نكون صريحين الخمار هنا م الخمار الماليزي كان المقصود بيه الحجاب الطويل الساتر اللي يغطي منطقة الصدر لكن طبعاً الطرحة اللي موجودة دلوقتي مسمهاش حجاب لأنها لا تغطي منطقة الصدر ولا أجناب منطقة الصدر.
ثانياً.
أنتِ عارفة كويس إن الآية دي نزلت ف سورة النور و سورة النور كلها أحكام و فروض ربنا أمرنا بيها ف بالتالي الخمار فرض و أمر زيه زي الصلاة تماماً.
و الفرض بيكون ي إِما جنة ي إما نار و العياذ بالله.
ثالثاً.
كل الكلام اللي هتقوليله دا حجج فارغة هتقوليلي :
أصل صحابي بيتريقوا عليا ،أصل شكلي بيبقا وحش، أصل مش بعرف ألفّه،أصل خايفة أقلعه ،أصل بخاف من كلام الناس!

حقيقي دا كلام فاضي والله العظيم!
ي بنتي ي حبيبتي أهم حاجة ف الدنيا دي رضا ربنا علينا احنا متخلقناش علشان نرضى الخلق! 🙂
كل الكلام اللي فات دا م سبب مقنع ل رفضك للخمار إطلاقاً يعني
سيبك من الناس و كلامها، و الله مفيش حد هيقف يتحاسب بدالك ولا حد هيدافع عنك قدام ربنا وهتتسألي عن نفسك.
افتكري ان لو حد فيهم اتريق ع خمارك لازم تخلعيه هو من حياتك مش تروحي زي الهبلة تخلعي الخمار.
يلا ي جميلة جاهدي نفسك و هواكِ و اسمعي كلام ربنا والبسى اللي يرضي ربنا،
كل واحدة هتبدأ مرحلة جديدة و سنة جديدة أياً كانت ثانوي أو اعدادي أو غيره،
إبدأي السنة الجديدة ب طاعة الله ورسوله علشان ربنا يبارك فيكِ ويحفظك.
يكفيكِ نظرات الشباب اللي هتشوفك تنزل عينيها ف الأرض؛ لأنهم شافوا بنت جميلة محترمة ملتزمة و محدش يقدر يرفع عينه فيها.
وحطي فـ بالك ديما انه فرض وهتتحاسبي عليه زي ما هتتحاسبي ع الصلاه،