بين نيران الحب

الجزء التاسع وعشرون

بِـسـم اللهِ الرحمـٰـن الرحيمُ

#بين_نيران_الحب
الكاتبه ليثم

Instagram :_vjk16
Tik Tok :_vjk16

يلاهي
المالي غيرك يعرف شبيه
انا بنادم حنين وحيل مابيه.

______________________
انَــسام

حياه هادئه مرت بأحلى الايام بـ واسط

جان قُـتـيـبه كُل فتره ياخذنا نطلع نفتر و مَــا يقصر بشيء

قررنا نرجع للموصل لملمنه ملابسنا و كملنا كُل شيء

نزلنا جان قُـتـيـبه هم مخلي جنطته

- وين

- قُـتـيـبه : وياكم مَــا اعوفكم

- بَــس يمه

- اني راح انتقل وياكم اگُعد ببيتنا و هنا خليت اصحابي ؏ المزرعه همَ يتكفلوها

مردينا و طلعنا للموصل

كضيت الطريق نوم كاعده فوكي صَبا مدري شلون نايمه

فزيت ؏ وكفه السياره

- انَــسام : وصلنننااا!!!

- صَبا : لِا ديملي بانزين

انَــسام : مَــا رديت رجعت غفيت بنومه عميقه حسيت بـ ثكُل ؏ صدري فزيت واني الهث عبالك راكضه شفت صَبا نايمه ؏ كلبي

باوعلي قُـتـيـبه مَـن المرايا و جان يحط عينه ؏ الطريق رجع حجه

- سون مكان تعدلن ... ننزل تاخذن استراحه

صَفا : شكد بقى و نوصل

- قُـتـيـبه : ساعه و نص تقريبًا

- سَما : اي انزل مَــا اكدر بعد

قُـتـيـبه : اصبروا الكه مكان

مَــا ردينا وصلنا حديقه و نزلنا كعدنا شويه و انطلقنا السياره هماتين طمست بلنومه صايره انام هواي نمت نومه كعدت ؏ صوت صَبا

- كومي وصلنا وصلنا

فتحت عيوني اتذكر هاذا المكان بمنطقتنه كمت اباوع للشوارع و للشجر العاليه جانت شكدوتها مَـن مشينا مَـن هنا

باوعت سيطره كُلها جيش صفنت و ابتسمت

الله يلموصل صار شكد مَــا شايفيها جيش و ضباط و شوف هسه

كمت اضحك من شفت بيت نيـــران الله شكد مشتاكتلها

عيوني دمعت كلت اشوف بلبيت بَــس للاسف جان الي يم الباب كُله تراب و الاشجار مالهم عليه مبين البيت متروك

نزلت دمعتي و مسحتها بسرعه كمت اضحك مَـن شفت بيتنا

زادت دموعي مَـن تذكرت مكان ابوي زادت دموعي مَـن تذكرت ابتسامه ابوي الاخيره