بين نيران الحب

الجزء الثالث وعشرون

بِـسـم اللهِ الرحمـٰـن الرحيمُ

#بين_نيران_الحب
الكاتبه ليثم

Instagram :_vjk16
Tik Tok :_vjk16

الـ نِذرتلهم سنينك
عَيِشوك بلايا واهس
واللي صرتلهم بحر
ما صاروا بجُرفك نوارس .

_____________________

قُـتـيـبه يوسُف

مواليد ١٩٩٢

اني الجبير العائله و بعدها اختي مواليد ١٩٩٥

ابوي عشك امي و اخذها جان فلاح و حَب أُمي و خطبها من ابوها بَــس ابوها مَــا قبل ينطيها مره مرتين يلا اقتنع اخذ أُمي و صرت اني بعدها صارت اختي و أُمي مَــا مَـن نوع الي تحب الجهال جانت مكتفيه بينا

ربتنه حالنا حال اي ولد و بنت عشنه بلموصل

بنهايه الـ 1999 صارت مشاكل ورث بين ابوي و عمامي و تقاسموا الورث جان جدي المرحوم عنده املاك هواي

ابوي اخذ المزرعه هوَ و عمي و اشتراها من عمي لان عمي مَــا قبل ياخذ المزرعه فا ابوي انطه فلوس لعمي و عمي انطه المزرعه كامله لـ ابوي

و ابوي بعدها اشتغل بلمزرعه و صار عنده فلوس و اشتره بيت قريب ؏ المزرعه اذا نروحلها نبقئ بلبيت حتَ اثاث كامل

ابوي حاول يقنع أُمي نكعد بلبيت الي بـ واسط هم قريب ؏ المزرعه و هم احسن بَــس أُمي مَــا قبلت و جان كلامها الوحيد

:- اني مَــا ابعد عن اهلي

عشنا بلموصل حالنا حال اي عائله بيوم ابوي صار بيه هذاك المرض " سرطان "

ابوي تعب حيل و جان عنده محل باعه و يصرف ؏ الجرع سنه و نص ابوي عايش ؏ الجرع يون من الالم الي يمر بي

بهلفتره أُمي تغيرت حيل اسلوبها ويانه كُله بلضرب و تصيح علينا و اهتمت بأبوي

مَــا جنت اعتب عليها بس لان تهتم بـ ابوي

بيوم المغرب أُمي دزتني ع مسواك تسوكت و رجعت ؏ البيت سمعت صراخ تعوذت الشيطان و فتت ؏ البيت اشوف أُمي مملخه روحها بباب المطبخ كعدت يم باب الكراج احس روحي عجزت

عرفت بهذاك اليوم ابوي مات ، بجيت ، تعبت ، عجزت

ابجي و دموعي مَــا تخلص و رؤئ مصدومه تباوع يمين و يسار تمسح دموعها بجفوف ايدها و مَــا تفهم شَـنـوو و شصاير

بعد الفاتحه أُمي لمت ملابسها و راحت ؏ اهلها و كالتلي كلام مَــا انسى

- اني بعدني صغيره شكو اكضي عمري اربي و اداري روحوا ؏ عمامكم

رحنا ويا عمامنا اخذونه و رحنا عشنه عد عمامي من ٢٠٠٣ توفى ابوي الئ ٢٠٠٩ ...

جان عمي يلف و يدور يريد يخليني اوقع ؏ الاوراق حت الاملاك تصير بأسمه و اني جنت ذكي مَــا قبلت نهائيا