محي الدين : مش مصدق اننو افنان
رمش تقي مربع يديه :جعت!
التلو بهاء: نعم! اختك هربانة و انت
تقي : اختي مهربتش... اختي كبيرة و واعية... كان طول عمرنا نربيو و نحميو فيها... لازم نوثقو في تربيتنا قبل من نفوسنا.. الزايد كان كانت افنان حابة تغلط... مكانش لازم عليها توصل لروسيا... تقدر تغلط في اي وقت و أي مكان!
سكت بهاء منزل راسو
تنهد و مشا فك لاوركيد إسراء يتبسم معاها.... : انا و أو كي ماشيين... اصلا اننا نباتو هنا مش فالحساب..... تبسمت اوركيد و كبشت في يدو ماشية معاه
همست :تقي.. حابة نطلب شي..
تبسم : باش ناخذك تأملي برا
. ضحكت :زيماه عرفت...
تبسم : نعرفك!
ضحكت معاه كابشة في يدو!
____________________
تكمشت في بعضها ناعسة بحذا شاهين و شيرين بعدما سهرت طول الليل مع شاهين تعس و تفقد فيه... تنهد إدريس وقت فتح عينيه من غفية نوم خفيفة... خزرلها زيماه مكمشة مد يدو ليها يتبسم عدللها الغطا و مسح على شعرها اللي ريحتو كانت ريحة امانو و هربو مالدنيا الكل!..
نزل يشم ريحتو.... تبسم و هو يخزر لعيونها ناعسة شفايفها مكمشين تبسم و حط نيفو على خدها.... مد يدو يتحسس وجهها و خدها.... قلبو يحس فيه يتحرق.... يتحرق من شوقو و حبو ليها.......
حس بيها تفتح عينيها بعد داخل للدوش
فتحت عينيها تخزرلو رايح للدوش... جيست دخل مدت يدها لخدها تتحسس فيه.. شدت قلبها تحسو يوجع فيها... تحس قلها انتفخ و معادش يوسع في صدرها.... تقلبت تفاقد شاهين لقات الحمى مشاتلو... تبسمت َ باستو.... تلفتت عند شيرين ناعسة شاد يد خوها.. تبسمت.. تعرف توا كان تفيق با يصعب عليها ترد تفرقهم.... و محال تقعد هنا... و محال إدريس يخليها تاخد الولاد..... وقفت تلبس سباطها وومونتوها... خرج إدريس لابس قشو
رمشت تسأل فيه مع انها تعرف جوابو : حابة ناخذ شاهين
رمش يلبس ساعتو : انتي توا عارفة الجواب او تتصنعي عدم معرفتو
رمشت تلبس شرين فاستهاا : نسأل فيك
رمش يحط خاتمو متع زواج : لا
جات ترفد مفاتيح كرهبتها شدلها يدها : مزالك مرتي... و مزال انا راجلك.... لبسلها خاتمها
جات تمشي ترفد بورطابلها اللي لقاتو سيلونس و ثلاثة و عشرين مكالمة من عند غزلان.. عقدت حواجبها و رفدت تعيط.. ثمثم ردت ابرار
ابرار : غزلان... خير... فما واحد يعيط الثلاثة متع الصبح ؟
شحڨت غزلان : ابرار..... أمين مات... ذبحوا نزار
أنت تقرأ
💘الــعــشــق مـكـتـوب و الــقــلـبـ فــداكــ 💘 كرونيك باللهجة الجزائرية 🇩🇿
Romance*مابه القلب مهموم___💘____فكانت الروح مغموم *نادي الفؤاد رائد______💘__فصده القدر رافض *فكان الأمل ورده يائسه____💘___ و الحلم أرضا بائسه ما وصل للميت مدرك ____💘___ كما وصل للرضيع ادارك يهوي الولهان الهامه _____💘___ كما يعشق الملهم ابداعه كذالك ا...
