النَسر وجبروت امرأة

بارت 2

بارت 2

..
.
.
إنها لذة عظيمة أن يخلع المرء قناعه فجأة
و أن يسفر عن وجهه لشخص آخر
حين يكون في حالة لا يتنازل فيها
حتى أن يشعر بالحياء أمام ذلك الشخص الآخر.
-
-ديار

..........

-كعدت على صوت الاذان كمت طبيت توضيت وفرشت سجادتي والبست زرار الصلاة وتوجهت ربي

- كملت تسبيح وتوكلت على الله طبيت سبحت البست بنطرون اسود وقميص اسود رفعت شعري بعد ما شصورته

- سويته ديل حصان والبست ساعتي فضيه محبسي فضي وسلسله فضيه رشيت عطر ورطبت ايدي. وجهي البست طاكيتي اسوده

- حطيت غراضي بجنطه الي البسته على خصري سحبت الكوت وقفلت الغرفه ونزلت

- بيت هدوء دنيا تمطر وساعه 4 الفجر مشيت الكراج. مظلة شمسيه فاتحته

-صعدت بسيارتي وحطيت شمسيه اليوره وتحركت بعد ما فتحت الباب نزلت سديت الباب الكراج وراي

- وتوكلت على ربي متوجه العماره. على طول الطريق مشغله سيد فاقد. دمان القصيده عندي

انه ابگلبي چبيره النار .. بس ياهو اليطفيها
الناس اتگول ما ملت .. أمي وانحب اعليها

اشلون انساچ يايمه .. صعب فركاچ يايمه ..

اصيح ابدمعي يا هالناس .. بطلوا لا تلوموني
مثل حنية أمي ابيوم .. ابد ماشافت اعيوني
من كسروا ضلعها الگوم .. آنه ايتيمة خلوني

ابغير أمها اليتيمه اشلون چا ياهو اليباريها

اشلون انساچ يايمه .. صعب فركاچ يايمه ..

چنت من اگعد ويه امي .. عن الطف تسولفلي
وحدچ زينب اتظلين .. عگب اخوانچ اتگلي
لا آنه وابوچ اوياچ .. صبري يمه واتــحملي

اصبرها وتصبرني وأظل ابچي البــواچيها

اشلون انساچ يايمه .. صعب فركاچ يايمه ..

إذا نشدها عن محسن .. اتگلي ابداعة اعيونچ
يـزينب لا تهيجيني .. يلچموني اويلچمونچ
تعال اتوادعي وياه .. منه لا يحرمونچ

-شعوري واني احس ارح اشوف اختي وشبع من يمه فرحانه بس كلبي نار عليه. اخخ يكلبي الي طول عمره مشلوع

- ساعه 7ونص الصبح دخلت العماره طبيت المطعم شربت بس الجاي ماشتهي شي مع اني جوعانه

- مر الوقت اني افتر بلعماره صارت ساعه 9 صبح رفعت جهازي والجو بعده يمطر. دكيت على رقم فارس

- ديار " سلام عليكم

- فارس " وعليكم سلام

- ديار " حالين اني بلعماره كدام مطعم *** قريب على سوك المدينه

- فارس " ندليت طلع هسه ورجع واكول لا تلعبين بذيلج وياي

- مسحت على ركبتي وردفت " واني رجع واكول شون العب وياك وريحت ابوي يمك. منتضرتك داخل المطعم