__
دخلت البيت بالمفتاح الي عندها ... دخلت الصاله..
شافتها نايمه على الكنب
جلست عن راسها تصحيها اكثر من مره بهدوء
: أجيد يلا قومي بسك نوم
فتحت عيونها وقامت تعدل جلستها
ملاك: صح النوم
أجيد بصوت مبحوح : صح بدنك
ملاك: ليش نايمه هنا؟
أجيد وهي ماشيه: بكيفي
راحت تغسل..
ملاك: تعالي هنا لا تهربين
راحت وراها: كم مره اقولك لما اتكلم توقفين وتسمعيني
ضحكت أجيد وهي تمسح وجهها بالمنشفه: تخوفين
ملاك: اقول خلينا نفطر وبعدين نتفاهم
أجيد: نتفاهم على ايش؟
ملاك: موضوع كذا براسي
تركتها وراحت المطبخ تسوي فطور
أجيد: تكلمي اسمعك
ملاك: قلت لك نفطر اول
أجيد: طيب
___
نزلت تحت شافت اختها واهلها جالسين مع بعض يسولفون
سلمت عليهم وجلست جنب اختها
أثير: الله اختي رورو وجع متى جيتي؟
أبرار: وجع يوجعك من امس وأنا هنا
أثير: شدراني
أبرار: اكيد حبيبتي انتِ ماتدرين وين الله حاطك اصلا
أثير: على قول أجيد اسكتي مالي خلق
أبرار: صدق شخبار أجيد ؟
أثير: امورها ماشيه هالفتره الحمدلله
أبرار: الله يعينها
اسمعي أنا وملاك بنروح الشاليه اليوم شرايكم نروح كلنا مع بعض ؟
أثير: مدري
أبرار: لا تروحون غصب كلمي بيان وانا اخلي ملاك تكلم أجيد هي عندها الحين
أثير: انتِ بكيفك تقررين؟
أبرار: اييه بيكفي
أثير: ماعليه
أبرار اتصلت على ملاك وقالت لها على روحت الشاليه
.....
أبرار...عمرها ٢٨ متزوجه وحامل بشهر ٨
طولها ١٦٣
شعرها اسود طويل يوصل لآخر ظهرها بشرتها بيضه وعيونها كبيره ولونها عسلي..وشخصيتها اجتماعية وصريحة بس حبوبه.
__
في حمامات النادي كانت تغسل وحاطه المنشفه على كتفها
..خلصت وجات بتطلع
دخلت وحده بسرعه وشكلها كانت معصبه
ضربت كتفها بقوة
بيان: بشويش شفيك؟
تكلمت البنت بطريقه مستفزه بالنسبة لبيان
: بالغلط لا تبالغين
بيان: هذا بدال ماتعتذرين؟
البنت: اعتذر على وش زين اني بررتلك اصلا
انصدمت بيان من وقاحتها
بيان : صدق والله ؟ على وش شايفه نفسك ؟
البنت : والله عاد نفسي وانا حُره
دخلت بنت ثانيه : سمر صوتك واصل لاخر النادي شفيك؟
سمر: اسألي هذه
تركتهم وراحت
بيان: شفيها صديقتك؟
البنت: معليش هي اسلوبها كذا مع الكل
بيان: اها تحسب انها حلوه
البنت : شدخل؟؟
سكتوا اثنينهم وراحت البنت
بيان: هي فعلاً حلوه
سمر...عمرها ٢٤ بشرتها حنطيه بس مو مره.. عيونها حلوه وكبيره..شعرها طويل يغطي نص ضهرها
عصبيه ومغروره ومايعجبها شي طولها ١٦٥.
____
: هاه ملاك تفضلي قولي وش الموضوع
شربت ملاك من كوب الشاهي وقالت
: أجيد أنا حجزت وبنسافر بعد بكره
أجيد: صدق؟ وين بتسافرين؟
ملاك: تركيا شرايك؟
أجيد: اييه كويس بفتك منك كم يوم
ملاك: حبيبتي ترا بنسافر مع بعض
أجيد: نعم؟؟
ملاك: نعم
أجيد: لا مو على كيفك وبعدين انتِ وين زوجك عنك
ملاك: مالك دخل وبتسافرين معاي يعني بتسافرين
أجيد: يصير خير ان شاءالله
ملاك: ان شاءالله ويلا جهزي نفسك اليوم بالليل بنروح الشاليه لان أبرار هنا وتبغا تنبسط
أجيد: وانا شكو تبغا تنبسط؟ روحوا انتوا
ملاك: كلمتي وحده وماتتكرر مفهوم؟؟؟
أجيد: مفهوم
ملاك: كويس شالت الصحون وقامت من الطاوله مرت من جنبها وباست خدها
_____
: ليال قومي بنروح ونخليك
ليال فتحت عيونها وقالت: وين بتروحون؟
لمار: أمي تقولك قومي خالاتك ينتظرون بالشاليه
ليال: افففف ماابغا اروح
لمار : بقول لها انك ماتروحين
ليال اشرت لها بيدها اوك
ورجعت بتنام
....شوي واتصلت عليها زينه
زينه:لولو حتى ماما بتروح وقالت لي اجي معاها
ليال: بسم الله عليها لمار استخبارات
ضحكت زينه : يلا قومي بسرعه مافي وقت
ليال: طيب طيب خلوني اجهز على راحتي
__
بيان: الو هاه خير
أثير:اجهزي بعد المغرب بنمرك
بيان: كذا على طول؟ وين طيب
أثير: الشاليه
بيان:من جدكم مو وقته
وصلها صوت أبرار: وقته اجهزي وانتِ ساكته
ضحكت بيان وقفلت راحت تجهز
لعلّ الصُدفْ الحلوةْ تَنصِفُنا.. فَتجمعُني بِكَ مرّة أُخُرى.
