-: امشي ويا واني ما اعرف شنو اسوي تافئفت بخوف ورعب همست بيني وبين نفسي: ياربي شون بيه يارب ساعدني بجاه الله
-:لازم اديها حيل ويركض واني اركض ويااا للمجهول بمكان بعيد عن اهلي وناسي بعيد جداً من قاره ودوله بجيت واني اركض ويا بين الاشجار دنيه ليل وصوت الحيوانات المرعب الأشجار العاليه من گد ما عاليات كلش حتى ضوه القمر ما نشوفه
-: ضلام دامس بس اصوات ركضنه واصوات الحيوانات والفلاش الي بيده صار صوت رمي عالي من خوفتي ورهبتي صرخت مفجوعه
-: محسيت عليه اله وضررب حلكي بضهر كف ايده ودفعني على أحد الاشجار الكبيره من عرضها وطوله اختفينه بيها حسيت على طعم الدم الي بحلكي من ضربته احد اسناني شگ شفايفي ونزفت دم
-:صرنه وره الشجرة وهوه حاط ايده الي مغطي وجهي كلها تقريباً على فمي وانفي حتى محد يسمع لنه صوت او نفس حتى ما نموت على ادين هال مجرمين ابجي والدموع توكع على كف ايده صار ضوه خفيف واصوات ركضهم تنسمع ويا كلامهم الاجنبي وصواتهم العاليه
-: ركضو مكملين طريقهم كل ضنهم احنه شاردين بعد لكدام مجان ابالهم احنه خلف الأشجار مشو مكملين طريقهم وبعد ربع ساعه اله وخر ايده من وجهي بعد ما تأكد همه راحوا دفعني على التراب واوراق الأشجار بعد ما جنت بحضنه تنهد بعصبيه وبصوت حاد
: شجابج عليه شورطج وياي خرب باليوم الشفتج بي
-: سكتت واني دموعي تلالي على وجهي كل دمع توكع احسها جمر يوكع على خدودي كمت من الترابه واني كل ملابسي متربه شعري الي صاير بي اوراق شجر ومليان تراب حطيت باطن ايدي يم انفي استنشقته مليان ريحة تراب وعاد اني شون احب التراب؟
-: نفسي لعبت وزدت بالبجي اكره نفسي من اتوصخ وتلعب نفسي بذات اذا اشتميت اكو تراب بايدي او ايدي ملطخه بي نفسي تچز
-: قاطع كعدتنه صوت رصاص الي اخترق اذاني صرخت حيل حسيت حتى حنجرتي تجرحت من كد ما اعيط رجلي بعد ما تشيلني واني اشوفهم يتقربون علينه اكثرررر......
