النهوه الى داعش

بــ33

-تمسكنا بما يكفي اهلاً بلتخلي..

حور..ركض اله عباس وهو يصيح ركضت عمتي

ام هيثم..ويه تلطم يبوووو وليدي راحححح

حور.. ععمه الله يخليج لا تصيحين بس ماااي اباوع اله خشمه ينزف بقوة طب واحد ابن جيرانه وعباس كوة شالو خلو بل سيارة وطلعو ضلينه نبجي وعسا ان يطمنونه بشي بس ماكو طبت جيرانه

ام عامر ..وهي تبجي  صدك الي سمعته ولج يمه حور

حور .. اي والله يايمه انهجم بيتنه عمهه كعدت تواسي بينه وتجبي طبت ريتاج وععاطت بل حوش وتذب شكو تراب علا راسها ووجها وتصرخ شكت زيجها والنسوان يريدني يهدن بيها ماكدرن وبس تصيح

ريتاج.. ولججج يما نهجم بيتنا ولككك يابه اااخييي ويننن أخيتي بعدها بعمر الورد حرام تروح جوة التراب يبووووووووووو

حور.. كعدت يمها واني ابجي طبت عمتي ام تماره ونفس الحاله كعدت تملخ بروحها اجو الولد وضهرهم منحني هيثم يصرخ ويبجي مثل النسوان وعباس ينحب ويدك على راسه والولد الباقين يهدون بيهم فعلن بذيج المغربيه جانت أصعب مغربيه بحياتي كلها طبوو عمتي ام رنيم ونادين عمتي شب فاقدة وتصرخ بقوة ريتاج ما وكفت عن الصراخ طب زوجها يهدي بيها وهي حاضنته وتسوي

ريتاج..ولكك راحو اهلي زاهد انهجم بيتنه ولججج يماااا وهو حاضنها

زاهد.. انه اهلج واني ابوج بس اسكتي فتتي  كلبج يا بعد روحي

حور.. وهي ما تسمع كل صرخه أعلى من الثانيه ومتكابلات هي وعمتي ام تماره ويطمن وجهن ازركت  امي وياهن تلطم نادين تبجي بصمت اني وتمارة كاعدين على درجه ونبجي همست

تماره..راحت يعني بعد ما نشوفها

حور.. لاا لا ما راحت ماعتعوفنا كافي لا تبجين هسه يطبون

تماره. ااي اي هسة تجي ما نبجي

حور.. هزيت راسي ودموعي غصب عني تنزل من اتذكر ضحكتها وبرائتها لو تصرفاتها لو طيبه كلبها لو عمي للي جان احن من ابوية علية لو برهان الي جان يعملنه كلنه خواته شنسه واحد ثنين رفعت رأسي وصرخت بكل قوتي وكمت الطم بحركه كلب ونسوان كرايبنه يحاولن يهدن بينه بس ياريت تبرد النار الي بل قلب طبت بيبيت رنيم ام امها وكامت تنعي وتبجي بجت النسوان كلها

بيبيه رنيم..ولججج يماا سهاد راح ابوو بيتج وراحت وردتج رنيمه وراح ابنج ولج يمه الله يعينج الله لا يوفق الي جان السبب

حور.. ساعه ٩ بليل والبيت انترس والزلم صارو كومه بس ما نصبو فاتحه للصبح يعني هاذا هو راحت رنيم وحتى كبر ما الها صعدت فوك لغرفتها ورميت نفسي على فراشها واشهك بقوة وينججج ياروحي رنيم وينج شلون تعوفينه مو جنتي دكولين انتي ونادين أغلى شي يمي تعاي جا تعاي رجعي ولججج رننيمممممم حسيت الباب انفتح رفعت راسي ومااشوف من الدموع وشعري الي منكوش باوعت عباس ضليت اباوع اله واشهك كمت اريد اطلع وهو لازم مقبض الباب وبس دموعه تنزل بهدوء وصلت يمه اريد اطلع اشو هاذا ذب نفسك بحضني وضل انحب بجيت بقوة من صوت بجيه يبجي مكسور ويهمس بكلمات ما فهمتة مسحت على ضهرة وما ابالي اي شي ولا فكرت احد يشوفنه ويفهم غلط وليش سكتت وما ما منعته مادري ضلينه بل عشر دقايق حسيت كمت اخذ النفس كوة من البجي رفع راسه مسح دموعه وحجه بصوت مبحوح