جمعتنا الاقدار

24

ليوم حنتي ولازم افرح راح اخلص من سقراط
اه الحقيقه الولد ما يتعيب راح افارك اهلي واروح للبصره راح اشتاق لاهلي ما متعوده افارگهم يا رب ساعدني بحق ابو الحسن علي ع اني زغيره واهلها باعوها

كملت صلاتي اجتي ماما

تقبل الله

منا ومنكم حبيبتي

اجراس

ها

اريد احاجيج انتي بعد مو زغيره دير بالج على نفسج
وشرس مو اخوج حتى تتعاركين وياه وتكتلينه لا تخليهم يكولون حمديه ما عرفت تربي

حضنتها لا ماما ما انزل راسج

راح اشتاقلج حبيبتي ودير بالج على زوجج وعيالج وتحملي بس لا تخلين واحد يهينج اخذي حقج بس لا تتجاوزين صيري زينه ما تخسرين شي ادري بيج كلبج ابيض لا تخبثين امه عزيزه عليه لا تكليله امك حجت وهيج كالت مهما كان امه ولا تحجين على اخواته صيري زينه يحبج ولحب يجي بلعشره لا تكلبين خلقتج اني ادري بخلاقج بس لا تسولفين وتشاقين زايد وي حماج احترميه يحترمج صيري ثكيله يحترمج شلونك خويه وشمحتاج لا تتعاجزين عمج داريه مثل ما انتي جنه راح تصيرين عمه اذا ما عنده لا تلحين عيله اريد واريد بس لماشايفه توكف على رجلها طيني شوف فلانه رجلها طاها لا تقارنين نفسج بوحده انتي نفسج عزيزه لا تنكين وتحجين هواي اذا مهموم سئليه حضنيه وشوفي شبيه الي بينكم ما يطلع من غرفتكم لا تخلين واحد يتحرش بيج كليله وكليلي وكتليه اهم شي الشرف اذا محتاج طيه ذهبج انتي وياه واحد لا تصيرين مبذره لمي نفسج بس لا تحرمين نفسج انتي بداية شبابج بس بميانته ماشي حبي اهم شي الطباع الاول اذا زينه يعاملونج على هذا الاساس خوش

اي بس كتبيه بورقه خاف انسه

هههههه فلا تكبرين اجراس تبقين قطعه من كلب

حضنتها وشميت ريحتها راح اشتاق الها

ماما

يا عيونها قبل اكتلج حتى تكولينها بس تعودت على حمديه

ههه ماما خل ابقه يمج

مو بيدي يا عيوني يله ناخذج للصالون وتلكين اختج هناك واني اوصلج وارجع تلكيني بلقاعه

هزيت راسي

بدلي لو اخذتي هدومج كلهن

لا خليت هسه اكمل واجي وراج خابرتي شمس

اي كالت عمها يوديها هناك

اي

سبحت جسمي بعده بيه زراك شكله من يسالني كملت وبدلت