" بـسـم اللّٰه الـرحـمـن الرحـيـم "
#جمرنيراني
#بارت"3"
بقلمي :- الكـاتـبه زهـراء الـ تميم
اميمه :- لا مستحيل عندي حلم اريد احققه فدوه يبا
"صك على سنونه وحچه بعصبيه "
هليل :- ماكو دوام يعني ماكو دوام مااريد اعيد كلامي
لزمني من ايدي وطردني برا الغرفه كمت ابجي بجي احس بضيق بصدري لأن نضلمت اني نجحت بكلشي بس هذوله الدرسين لأن مادرستهم ماجنت اعرف راح اكمل دوام أصلاً رحت لأمي في سبيل انو تحجي لأبوي تقنعه
اميمه :- يما .. شهكه .. ماريد ابطل
خلود :- هاي شبيج
اميمه :- يم .شهكه. ااا شهكه
خلود :- وغما يلا روحي من وجهي انه عندي سلطه احجي وي ابوج
"حسيت بحرگه بداخلي وكتله واني ابجي واشهك واصرخ عليها "
اميمه :- ليش ما عدج سلطه ها كولي ليش ، اذا انتي ماتوكفين ويانه ذيج الساعه لو نظلمنه منو يوكف
خلود :- لاتصرخين علييه فتهمتي منو ظالمج هسه انتي شو تأكلين وتمسحين ايدج شمسويه
اميمه :- هوه هذا المضوجكم عمي حتى الگمه ما احطه بحلكي بعد
" لزمت الجفجير وكامت تضربني بيه خلت طبع على ضهري تضرب من كل كلبها"
خلود :- مرا ثانيه صوتج ماتعلينه
اجت اختي الزغيره كامت تبجي
خلود :- كومي شيليها يلا
- اخذت اختي وطبيت للغرفه كمت ابچي بكل حرگه گلب يعني امي هيج تحجي وياي وماله دخل بيه ولا تهتملي يعني دائماً اشوف امهات صاحباتي يوكفن كدام ازواجهن اذا ضربوا بناتهن وتتلقى الضرب واني امي تباوع وتسكت وهم تضربني من كل كلبها نقهرت حيلل بس جان ملجأي لوحيد بهاي الحياة هو بيبيتي خالديه كمت مسحت دموعي ورحت لبيبيتي
اميمه :- بيبي الله يساعدج
خالديه:- ويساعدج حبيبه شلونها نتيجتج
اميمه :- بيبي طايحه بثنين
" فكت عيونها على وسعهن "
خالديه :- هاي ليش يمه مادرستي
اميمه :- بيبي يا مادرست غير طحت بالأسلاميه واني مكلولي تمتحنين ماقبلو بيوم الأمتحان الصبح كلولي روحي امتحني رحت درست بالقاعه نص ساعه وهو كتاب شكبره والأنكليزي ماخليتوني اداوم واني شعرفني بالأنكليزي وابوي اكله درسني مايقبل
أنت تقرأ
جمر نيراني
Roman d'amourبـقـلم:الـكـاتـبـه زهـراء الـ تميم 🤍. {الام،انكسار،فقدان،حزن،حب،كره،اجبار،عنف} نـبـذه عـن الـقـصـه :- تتحدث عن اخوات يتزوجن اجباري ويتعرضن لل اهانه من قبل عماتهن ولم يعيشن طفولتهن لم يكملوا دراستهن ومرت عليهم حروب وأيضاً شجارات كثيره تابعو...
