أبــي مـدمـري

أبـي مـدمـري

كمنه وكفنه ثنينه تقدمت علينه وحجت
مستغربه

رغد: هلو ايمت اجيت

ابتسم وحضنه وهيه بادلتو الحضن

ملهم: قبل شويه شمكعدج

ابتعدت عنو بهدوء وحجت

رغد: كعدت عطشانه وشفتكم

ملهم: اهاا تمام شلونج

رغد: زينه بوجودك

ملهم: دومج أيمن وين

رغد: اعتقد بغرفتو واذا مو باغرفه معنى طالع

ملهم: اريد جواب اكيد شنو اعتقد

التفتت عليه وحجت:- غدير شفتي أيمن

غدير: مادري بس اعتقد بغرفتو

ملهم: اجت الثانيه تكحله عمته

رغد: اييي مو نعتقد

انتبهت ليش گال هيج وضحكت ورغد
ضحكت وياي وهو صافن

رغد: زين انتو ايمت تعرفتوووو

ملهم: تقريباً قبل أقل الساعه

رغد: هاا زين يلا اني اشرب مي واروح

ملهم: وين الغرفه

رغد: غدوره دلي مابيه حيل اصعد

قبل مجاوبه حجه هوه

ملهم: اي غدوره تعالي دليني

حجاها وغمز بدون ماتنتبه رغد
حجيت بهمس متنرفزه

غدير: يااا دبسزز

رغد: نعم؟

غدير: لا هيج وبعدين غرفتك فوك

ملهم: اي اعرف بس اخاف اتيه بين
غرفتي وغرفة اخوي

رغد اخذت مي وطلعت مطفيه المطيه
عافتني جان رحت وياها

غدير: شوف اكو ثلاث بيبان ثنين بيض
واحد أسود اكو واحد من البيبان الأبيض
قريب على باب الاسود هيه هاي غرفتك

ملهم: ماااافهمت كلشي

غدير: ليش اجذب متسول والله شرحي واضح

ملهم: احترمي خطاركم منا ورايح لازم
نصير حبايب وهسه يلا امشيي

حجاها وسحبني وياه واني مصدومه
هاذ شبي المتسول سحبت ادي منو بنتر

غدير: متسووول عوفني اني محجبه

ملهم:  استجني

غدير: مكروه لا تلمسني بعد

ملهم: ام عيون خليني ساكت لاتخليني اذكرج
بذيج اليوم

غدير: لا تگول ام عيون متسول

واحنه نصعد فجة التفت عليه وحجه بهمس

ملهم: لعد لا تگولي متسول