رعد: هتقعد معانا هنا انا هطلعها اوضه ترتاح وجهزيلها اكل خفيف ولما ادهم يجيب الحاجات الي قولتلو عليها تاخديهم وتطلعيهم على الاوضه الي جمب اوضتي
داده سعاد: حاضر يارعد بيه
طلع رعد ل اوضه جمب اوضته بالظبط وحط فيها ملاك وفضل باصص ل ملامحها شويه بعدين خرج قفل الباب ودخل اوضته خد شاور وغير هدومه ل بنطلون وتيشرت ورش برفانه لسه هيخرج من الاوضه سمع صوت ملاك بتعيط جامد
ملاك جوا الاوضه صحيت لقت نفسها ف اوضه اقل ما يقال عنها انيقه صحيت حست بوجع شديد ف دماغها وخافت عشان متعرفش هي فين فضلت تعيط بصوت عالي جري رعد على اوضتها فتح الباب بسرعه: ملاك انتي كويسه
بصتله ملاك وبطلت عياط بصتله بستغراب شديد اي الي جابها عنده واي الي هي فيه ده وازاي عرف اسمها: اي ده في اي انا اي الي جابني هنا وانت تعرفني منين
رعد: احم انتي عملتي حادثه وانا كنت ماشي ف نفس الطريق ف شوفتك وديتك على المستشفى وجيبتك هنا
ملاك بغضب: جبتني هنا ليه انا عايزه ارجع بيتي
رعد بشويه عصبيه: صوتك ميعلاش احسن لك عشان مزعلكيش وعايزه ترجعي ل مرات ابوكي الي مبطقيش ولا هي ولا بنتها
اتصدمت ملاك هو عرف منين كل ده
رعد ببرود: ياريت متستغربيش كتير مشي راح اوضته وجيه ف ايده شنط: خدي دول قومي خدي شاور وغيري هدومك مستنيكي على الغدا تحت
ملاك: هو في اي انا مش فاهمه حاجه
رعد: طول ما انتي مستعجله كده مش هتفهمي اعملي الي قولتلك عليه يلا
خرج رعد وقفل باب الاوضه وراه قامت ملاك خدت شاور وطلعت لبست فستان ابيض لحد الركبه وفيه زي عين زرقه كتير متوزعه ف الفستان كله ولبست شوز ابيض ولمت شعرها الطويل على شكل كحكه مش مترتبه ونزلت قصتين ولبست سلسله عليها عين زرقا زي ال ف الفستان وحطت ليب جلوس وخرجت من الاوضه كان شكلها حلو جدا
نزلت دخلت اوضه السفره بصلها رعد وفضل متنح فيها وهي اتوترت جدا من نظراته ليها وحمحمت: احمم
رعد بصوت متخشرج: احم اقعدي عشان تاكلي
قعدت ملاك ف الكرسي الي جمبه وابتدو ياكلو ف هدوء
رعد اتكلم وهو باصص ف طبقو وبيحاول ما يبصلهاش: احم نخلص اكل ونقعد ف الجنينه شويه تفهميني عنك اكتر يمكن اساعدك
ملاك بهدوء لانها اطمنتله: تمام بس انا عايزه ارجع بيتي
بصلها رعد وبعد م كان هادي رجع للعصبيه تاني: مفيش مرواح وياريت متتعمديش تعصبيني والا انتي الي هتزعلي
ملاك بتمتمه وبعصبيه اطفال: يووه
خلصو اكل وطلب رعد من الداده القهوه وطلب ل ملاك عصير فراوله وراحو للجنينه
رعد لقا الحرس بيبصو ل ملاك راحلهم بغضب وقال: تقفو ع القصر من برا ملمحش حد فيكو يعتب الجنينه دي تاني
خرجو الحرس بسرعه بخوف ورجع رعد قعد وقعدت جمبه ملاك على كنبه قدامها ترابيزه قدام البسين
رعد بهدوء عمره ما اتكلم بيه مع حد: ها يلا احكيلي بقا انا عارف عنك حاجات بس اكيد مش زي ما انتي هتقوليلي
ملاك حست بأمان معاه وحست انه طيب وكويس: حاضر هقولك بس خلي بالك انا مش هقولك خوف منك انا هقولك لاني ارتحتلك وانا متعودتش اكدب
رعد بصلها بنظره وهي ابتدت تتكلم وهي باصه للبسين بدموع بتلمع ف عينها: انا ملاك 18سنه ماما توفت وانا عندي 10سنين بابا بعدها بشهر اتجوز سعاد مرات ابويا وكانت متجوزه قبل كده وعندها بنت اسمها روان قدي معوده روان دي ع الكره والحقد ودايما بتكرهني مع اني عمري ما اذيتها دايما ف المدرسه كانت بتخلي المدرسين يزعقولي وف البيت كانت بتقول ل بابا حاجات محصلتش عني عشان بابا يضربني زي اني بكلم ولاد او رديت على سعاد او او وهو كان مبيصدق لانو عمره ما اهتم بيا ولا حبني زي ما بيحبها معرفش ليه وعندي اتنين صحابي دول الي طلعت بيهم من الدنيا وهما الي بيحبوني بس وكل سنه لما انجح سعاد تضربني جامد عشان بنتها بتسقط او بتجيب درجات مش حلوه وانا الي بنجح وبطلع الاولى دايما كانت بتضربني لحد ما انذف ولما بابا يجي تقولو وقعت مع انه مبيهتمش اصلا كلت او لا او هي اذيتني ولا لا
بصتله بدموع قصرت ف قلبه: بس حياتي مفيهاش حاجه مهمه ل درجه ان انا هنا لحد بليل اهو ومحدش فيهم سأل عليا
بصلها رعد وصعبت عليه جدا مسك ايدها وقال: متخافيش انا معاكي وهساعدك تكملي اخر سنه ليكي دي وتدخلي الكليه الي عوزاها وانسي اهلك دول تماما لاني مش هرجعك ليهم بس حاولي تتجنبي غضبي وعصبيتي لان دول الي مبشوفش قدامي بسببهم ايا كان مين قدامي
ملاك: طب انا عايزه اعرف عنك بتشتغل ايه عندك كام سنه
رعد: ياستي انا رعد الحديدي 29 سنه وبشتغل اي عندي شركات كتير بس شغلي الاساسي هو ف المافيا
ملاك بشهقه صدمه: ايههه
♕♕♕♕♕♕♕♕♕♕♕♕♕♕♕♕♕♕♕
متنسوش تقولولي اكمل ولا لا والفوت والمتابعه
