تحت رحمة ألــ جنتل

part 1

#تحت_رحمة_الـ_جنتل

بقلمي:ليال/layaal

التعليق بين الفقرات+التصويت
ــــــــــــــــــــــــــــــــــــــــــــــــــــــ
بين تلك الذكريات التي قد زاحمت افكاري واتذكر جميع العذاب الذي قد تلقيته ممن احب ولا احب  وها انا جالسه امام النافذه التي تطل على احد ازقه البصره الجميله بعد يوم متعب وانا متشوقه لمن قد جعل لي حياه ماسكه في يدي ذلك الدفتر الذي يعيد بهِ حياتي من قبل ان ألد  فتحت الدفتر وبدأت اقرأ به من البدايه من يوم زواج امي وابي متشوقه لتلك الاحداث التي تعرفني على الحقيقه ...

عوده الى ...2001

منار ...

كاعدين كلعاده نسولف ونضحك وامي تذكرنه
شلون جنه نتعارك والوضع جان حلو وهدوء
والوقت جان تقريبا بثامنيه ليل وجان ابوي
يتصل على اخوي يريده يجي على مود
يرحون لصديقهم معرف شنو عدهم الا ان
اندك الباب بصوره قويه ومفزعه لدرجه وكع
الكلاص مني واتكسر وطفرت كزازه وصارت
على رجلي حسيت روحي شاطت ...

ام متيم:اوي وجع هاي منو هيج ايدك فلش
الباب علينه سوده عليه يمه منوره شبيج

ياسين:هاي شنو جاييين جاييين شكوو

راح اخوي ياسين يفتح الباب واني كعدت
اباوع عل كزازه وهيه بداخل رجلي حتى
سمعت صوت ياسين يصيح راح بابا ورا
ركض وبعدها سمعنا صوت بابا هم يصيح
امي لبست حجابها وطلعت ما اسمع الا
صرخه امي معرف شصار بيه كبل طلعت
وراها واشوفه كاعده ادك وتلطم اريد افهم
شي منها مكو ...

منار:ماما شكووو بس فهميني شكو

ام متيم:صخام بوجهي راح ابني رااااح ولج
منار الحكي عليه

منار:يمممه شكو بس فهميني

ام متيم:اخوج متيم ضاربه واحد وشارد

اني من سمعت هيج متت بقيت اصرخ اريد
افهم اخوي شنو نوع ضربته ...

منار:ولج يمهه اخوي بلمستشفى

اسألها ما اجاوب الجيران كلها التمت يردون
ايفهمون كلشي ما افهم من امي عفته ورحت
لبست عبايه فوك حجابي لان ما اكدر هيج
اطلع وطلعت رحت لبيت عمي بالفرع
البصفنه دكيت الباب بسرعه اباوع طلع عمي
محمد مخبوص ...

محمد:ها عمي ولج شبيج

منار:عمي الحك اجو دكو الباب علينه وكلولنه
ضاربين اخوي متيم وشاردين وطلعوا
اخواني وعافونه اني وامي وامي راح اتموت
الحكلي فدوه

محمد:شنو ثواني عمي ثواني رضااا بويه
رضا

اباوع بقه عمي يصيح وطلع رضا ومرت عمي ...

رضا:ها يابه ها منار شكو بيج شي

محمد:تعال بويه هسه افهمك

اخذ عمي رضا وطلعوا...