تحت رحمة ألــ جنتل

part6

#تحت_رحمة_الـ_جنتل

بقلمي:ليال/layaal

التعليق بين الفقرات+التصويت

ــــــــــــــــــــــــــــــــــــــــــ
تذكير ...
مارد عليه ومشه سمعت واحد يصيحله ...

_جنتتتل يمعود

اتصنمت من سمعت هذا الاسم هذا الولد الي يجي لخاله سعاد من يطلعون اهلي ...

ــــــــــــــــــــــــــــــــ
ياقوت ...

بقيت حايره ما اعرف شسوي ماعندي الجرأه اروح ورا واصيحه اخاف منهم كمت وكملت طريقي للبيت من وصلت لفرعنه لكيت هوسه كبال البيت طبيت اركض واشوف عمتي منار تبجي وتملخ بروحها ...

ياقوت:عمههه شكووو

منار:ماتتتتت ولج امي ماتتتت

حسيت انضربت على راسي وحاوطني الضلام ومن بعدها حسيت على وغزة ابره بأيدي فتحت عيوني بثقل اباوع في المكان غرفه مال مستشفى بسرعه اذكرت الي صار وفزيت ...

ياقوت:بيبي وييينها شكووو شصار وين عمتي

سيلان:حبيبتي اني هنا

ياقوت:ماما وين بيبي شبيها

سيلان:انطتج عمرها

ياقوت:لاااا تخبليني بيبي الصبح بوستني واطتني مصرفي ورحت للمدرسه شلووون ماتتت

بقيت ادك والطم ملخت شعري صار بأدي ما عرفت شسوي اني كللش متعلقه بيبي .... مرت ايام الفاتحه بحزنها وعمتي منار كلللش متأذيه وجدو ابو متيم مرتضى كلش تعبان وبقه بلمستشفى وابوي وعمي ياسين مو احسن من حالي ....

بعد مرور 40 يوم ...

متيم:يلا بويه خلصتوا سيلان خويه انتبهي على نفسج انتي حامل مو تنسين روحج يلا انزلوا وتعالوا

وصلت لقبر بيبيتي عمتي منار ذبت روحها عليه ...

منار:ولللججج يمهههه وين رحتتتي وعفتيني يمهههه ولج يمهه وين عفتينه شلووون بعد من ادخل البيتنه ما اسمع صوتج يمههه ولللج يمه شلونههه رمل المكابر يمههه خشن على اديج الحلوووه يابععد روحي يمهه

ياقوت:بيبي وييين رحتي بعععد منو يدافععلي بعد منووو يريدني بعدج ولجج يمهه شلووون هيج ترحين كووومي البييت مو حلو بلياج البييت مايندخلله ومابي صوووتج ولللج يمههه كووومي بيبيي

كومتني بلكوه ماما سيلان واخذتني لسياره وهي تبجي وتناشغ كلش متعلقه أبيبي حضنتها اني ابجي وهي تبجي كعدنه نبجي لحد ما اجو ورجعنه لبيتنه ومحد أله نفس بكلشي نمنه وكعدنه ثاني يوم رحت للمدرسه ومر يومي عادي مغلف بحزني من رجعت ودخلت للبيت ...

ياقوت:خاله خاااله وينج

بقيت ادور بالبيت ماكو رحت فتحت الغرفه لكيتها موجوده هيه وولد بس مو بابا شهكت ...