تحت رحمة ألــ جنتل

part2

#تحت_رحمة_الـ_جنتل

بقلمي:ليال/layaal

التعليق بين الفقرات+التصويت

" كانت عِراقية جدًا ، بَصرية جدًا ، عينْاها "
" كفيلة بأن تُغرِقك كشط العرَب تمامًا "
ــــــــــــــــــــــــــــــــــــــــــ
تذكير ...

شوي ودخل متيم وكال كلام خلانه مصدومين ما احس الا امي عاطت ...

نور:يمههه شنو متيم ....

ــــــــــــــــــــــ
منار ...

متيم:يمه فدوه لعيونج والله مو بيدي

نور (ام متيم):وتجي متزوج ولك

متيم:يمه وداعتج غصب

نور:ولك لتخبلني غصب شنو انت المضروب
لو الضارب

اباوع اخوي كعد وحط ايده على راسه
والبنيه بقت واكفه كلللش حلوه البنيه
العيون تخبل واخوي هم حلو معايز ...

متيم:يمه لان ضربوني اطوني هاي هديه

منار:شنوو البنات ينطن هديه
ج
نور:اي يمه الماعدهم رحمه ينطون سولفلي
كلشي من البدايه

بده متيم يحجي كلشي ...

متيم ....

وره ما وديت منار لبيت عمي محمد اجه
وياي محمد ورضا واتوجهنه لبيت الولد
بعد ما دز علينه على مود الكعده وصلنه
ودخلنه والناس هم سلمو علينه واستقبلونه
استقبال كلش حلوه كعدنه وبده الشيخ
مالنه يحجي ...

الشيخ:كواكم الله يا جماعه

الكل: الله يكويك شيخ

الشيخ:طبعا احنا اهل واخوان بس الصار
مينسكت عليه واحنا هسه اجينه انشوف
شنو السبب الي خله ابنكم يضرب ابنه بلا
سبب وايضا طلع سجينه وراد ينهي عليه
موت خلاص لو مو صديق ابني وخر ايده
وصارت بأيد ابني وهمزين عدت سلامات
بس احنا مو من طبعنه نسكت

شيخ العشيره المقابله:يا شيخ الي صار خطأ
وابنه غلطان وهسه ابو يحجي كل السالفه

ابو علي:كواك الله شيخ اني ابو علي ابني
هو الي ضرب ابنكم وهو غلطان وحقكم
يوصللكم احنه قبل شهر صارت ويانه مشكله
وابني الثاني اتعارك ويه واحد وضربه وهذاك
الولد خله ابني بحاله حرجه لو ما الله لطف
بينه جان هسه ابني جوه التراب هذا اخو
الوسطاني اتخبل شلون هيج ايضربون اخوي
راح ودور على المشكله لحد ما اتوصل انو
واحد بنفس المنطقه الي جان ابنكم كاعد بيها
بيوم صارت المشكله وعباله هوه وراح فاير
دمه وراد يخلص عليه ومن رجع وسولفلنه
كلشي احنا ما قبلنه لا والله حتى امه هم
مقبلت وكلتله الي سويته غلط ومحد قبل
على تصرفه بس بعد شاب واحترك كلبه
على اخيه وانتم يا اخوان الي تردون يجيكم
بين اديكم ومن هل ركبه تاخذونه الا ابنه
ما ننطي اعذرونه