بعد انتهاء المحاضرة ..خرجنا ونحن نضحك على عبق التي قضت المحاضرة غارقة في نومها ..( ولج عبق قومي امشينا للكافتريا نتريق ...
عبق
خلصت المحاضرة
سارة
ايييي يمة قومي انتي نايمة ومتدرين الله وين حاطج قومي نريد ناكول يلا .
عبق.. يلا امشو) وفي طريقنا الى الكافتريا .. رن هاتفي .. اتصال ؟؟؟ نظرت الئ شاشة الهاتف . !!! هوووف هذا شبي داقلة مو هوليا مو حبيبة القلب . استغفر الله شهالورطة ..
عبق . شبيج توت شكو منو هذا وشنو يريد منج . توت:شمعرفني منو هذا البارحة قاعدة بالحديقة باليل . ودزلي مسج هلاو هوليا وهذا رقمي . ومن هالحكي . وقتلة اخويا انت غلطان . اشو هو بقى يلح ويقول لا انتي هولياا سحر: ولج شكو بيها صيري هوليا لعيونة .. جاوبي وسوي مكالمة جماعية خلي نشوف شيريد هذا ..
عبق :ايييي حبابة ..
توت :ماشي بس مو هسة اليوم باليل عود
سحر لا وج لا باليل احكي وي محمد يتخبل اذا يلقاني مشغول او انتظار العصر العصر اتصلي . وسوي مكالمة جماعية .
سارة :يعني مو الا تسمعين حضرتج عود احنا نحكيلج شحيصير العصر انا انام مو مال سوالف
توت:اي سحر احنا نحكيلج المكالمة كلها .. وابقي انتي وي حمودي حبيب القلب ولج يخرع بس لو اعرف شنو شفتي بي
سحر:القلب وما يهوى انتن شعليجن انا احبة ومقتنعة بي .القاضي راضي
عبق:دباعو ع عيون سحر صارن قلوب حمر .. يمة الحب يمة .
توت . اششش معليجن القلب ومايهوا مثل متقول الاخت سحر
سارة : يبووووة عليكم شقد تلغون يلا شوفونا شي ناكلة ..
توت : انا مااقوم اجيب ترا خلو عبق تجيب
عبق انتي مو تحبي لهذا ابو الكافتريا البنكلادش . يلا روحي جيبي الاكل وهم التقي بحبيب القلب
عبق :مااحبة بس هو من يشوفني يبتسملي يعني عود ديقلي معجب وكذا .. كلة حركات ابو سمرة البنكلاديشي .سارة : ولج عبق حمدي ربج اكو واحد يبتسملج .. انا وتوت ماكو لا عراقي ولا حتى بنكلااديشي .
توت: هههه اي والله حدايق وحالتنا حالة ... بس نتفرج ع المكبلين وننقهر
سحر: غير انتن جكمات .توت:اشش اشش ياانجلينا جولي انتي وحبيبج
كافي خلونا نتغدة.
بعد انتهاء وجبة الغداء التي كانت اغلبها ضحك
عاد هاتفي ليرن من جديد .. توت : ولجن هذا وتاليتها وياااه ترا خبلني .. قومو نطلع فد مكان واجاوبة . خلي نفتهم . منة شيريد ..
سحر .اييييي امشو يلا
.. خرجنا بعدها .. الى احدى القاعات التي كانت خالية .. من الطلاب . دخلنا جميعنا . واغلقنا الباب .. قمت بالرد وفتحت مكبر الصوت .. لكي نسمع جميعنا ماذا .. سيقول .
توت : اشش انتن تسكتن وبس تسمعن انا ححكي وياه . شوفن شحسوي بي .
توت(الووو .
ادم (هوليااا مشتاقلج هواايةة .. شونج . شخبارج طمنيني عنج ؟؟
)لحظة لحظة ياهولياا خيي انت غلطان والف مرة قتلك انت غلطان انا مو هوليااا
لعد منو انتيي . انا كنت حافظ هذا الرقم
واخذو الموبايل من عندي .. وفقدت الاتصال بيها وهسة قدرت احصل ع موبايل . واتصلت
توت(لويش انت وين .. حتى اخذو منك الموبايل ؟؟
ادم ( انا بالسجن بس والله مظلوم .. يلا باي باي بعدين افهمج )
سارة(وايييي صوتة مخنوق ويقهر )
عبق(والنوب مسجون طلع )
سحر(ماعرف شقللكم .. مبينة ورا سالفة ... عليكم الله بس يخابر مرة اللخ سوو اتصال جماعي .. وخلينا نعرف شنو قصتة ) سارة (اييي توت حبابة يمتى يخابرج سوي مكالمة جماعية )
عبق يلا امشو نطلع ترا مبقى احد بالكلية .
