# الأطلس "دمليج اسود"بقلم: زهراء السلامي
لتنسون التصويت + التعليق بين الفقرات + متابعة لحسابي 🌼
♣______.______________.____♣راسة مدفون بحظنهه يستنشق عطرهه والراحة تتخلل بداخلة ، ايدين ناعمة تمسد على شعره بلطف وكلمات هامسة تطرب اذانة تخفف من اللامة ، عگد حاجبة من اتذكز الصار وياه البارحة وهمس بقهر ..
- مادري شصاير
- اششش كافي حبيبي انسى الموضوع
داعبت خده بهدوء وابتسمتلة مطمنة ، بعد قضاء اكثر من ساعتين في حجرها رفع عيونة يناظرلهه بنظرات حايرة ، ابتسمت وقرصت خدة برقة تشبة رقة روحهه…
- لا تعوفيني ..
الكلمتين الوحيدة الي همسهه بعدما اخذ ايدهه وباسهم وحضنهم على جسمة بقوة ،ضحكت وگالت من واحد من اصابعهه وعضهم حيل
- أويلي منك
ابتسم ونهض نفسه عنهه ، وگف على حيلة ورتب هندامة الي تخربط ، شد على ربطه عنقه الزرقاء
ورتب ياخة بدلتة النيلية الي زايدتة وسامة ، وجاذبية سحب شيشه عطر وبخ على ملابسة بطريقة جنونية ، الي يشوف يگول هذا ما شايف عطر لكن هذي ميزتة يعشق الروائح الواضحةاللتفت عليهه وابتسم على نظرات الحب الي مطرتة بيهم سحب ايدهه وباسهه للمرة المية خلال كعدتهم وهمس بكلمة تجمعهم همة الاثنين فقط وطلع من البيت والأفكار والحيرة تعصف ذهنه
ركب سيارتة وتوجه لكوفي الي يلتقون بي دائماً اول ما دخل شافه واستقبله صفير عمر…
-عمر: هاا خاليييييي
-أطلس: نعالي احسن
-علي: يعني الموضوع يشگ شگ
- حمزة: شبيك ابو الشباب خوفتنه
طلع جكارة مثل عادتة وشعلهه بدون لاا يحجي استلمو الشباب ضحك ومداهر وهو باله بعيد يفكر شلون راح تصفى
-حمزة: شبيك اطلس شو عاين علية
-علي: گلبي يلعب مراجيح من وراك شصاير
ذب نفس بدون ميجاوب احد وسحب بطل المي شربة دفعه وحدة..
-حمزة: هسه غير ياكل نعل ويسولف
-اطلس: ابوي يريد يزوجني
لحظة صمت ! محد علق ولا احد انطه رأيه .. صارو يتلفتون على بعض بدون لا احد يصدر همسة ، مضت دقائق هادئة لحدما نز على اصوات ضحكهم الي رجت الكوفي رج… .
- أطلس: سم وزقنبوت بگلبكم يا هتلية
ضحك علي بقوة وصار يرجف اصبعتين ويهز برقبته بقوة ..
أنت تقرأ
الأطلس "دمليج أسود"
Romanceأثناء دوراني حول نفسي بلغرفة بحيرة انفتحت الباب علية اللتفتت اشوف منوو وإذا اللكه زلم ثنين طوال لابسين اسود من فوك ليجوة وينظرولي بأبتسامه ماكرة خبيثة .. _ اهوو فاتت المدلل هيج عروسة _ اشلونك يحلوة حطيت ايدي ع قلبي راح يوكف ابتعدت خطوتين ودورت ع...