Hindi tayo ang bida...
Hindi tayo kagaya ng mga nasa pelikula na may sinusunod na diyalog,
Hindi tayo kagaya ng mga palabas sa telebisyon na pawang kathang-isip lamang,
Ngunit kung may isang bagay akong alam iyon ay sa ating istorya hindi tayo ang bida.
Hindi tayo ang bida...
Hindi tayo kagaya ng bida sa pelikula na mahal ang isa't isa,
Hindi tayo kagaya ng mga palabas sa telebisyon na sa huli ay magkakaroon ng masayang pagtatapos,
Dahil kung may isang bagay akong alam iyon ay may mahal ka kasing iba.
Hindi tayo ang bida...
Hindi tayo ang bida kasi mahal kita pero mahal mo siya,
Hindi tayo ang bida kasi sa istorya nating dalawa ay ako lang ang nagmamahal,
Hindi tayo ang bida kasi nandito ako sa istoryang "Ikaw at Ako" pero ikaw ay nasa istoryang "Ikaw at Siya",
Hindi tayo ang bida kasi iba ang gusto mo at hindi ako iyon.
Hindi tayo ang bida...
Hindi tayo kagaya ng isang nobelang nagtatapos sa isang masayang pangyayari,
Hindi tayo kagaya ng isang istoryang mayroong happy ending,
Dahil hindi naman tayo ang bida...
Ikaw at siya... kayo ang bida,
Ako lang naman kasi ang extra sa istorya niyong dalawa.
Hindi tayo ang bida
Hindi tayo ang bida dahil sa simula pa lang ako lang naman ang nangangarap na may "Ikaw at Ako".
--
Bored meh
