مەیەنە ژیانمەوە
خۆم نازانم چۆن لێی دەردەچم
.......................................
یەكەم شت كە هەستم پێ كرد دەنگێكی یەک لە دوای یەکی تیژ بوو كە بەر گوێم دەكەوت . چاوەكانم تەواو قوڕس بوون بۆ كردنەوەیان . برۆكانم گرژ كردن كاتێک لە ناكاو هەستم بە ئازاری سەرم كرد
بە هەر جۆرێک بوو چاوەكانم كردەوە كە ئازارەكەی سەرم زیاتر بوو بەهۆی ڕووناكیەوە . تەنها سەقفێكی نوێم بینی . جیاواز لە سەقفی ژوورەكەم . كەمێک نامۆ بوو و وای لێ كردم كە بكەومە بیر كردنەوە
«هەڵسایت؟»
تەزوو بە گیانمدا هات لەگەڵ ئەو دەنگە گڕ و بەهێزە . وەكو پەیكەرێک مامەوە و زیاتر كەوتمە نێو بیركردنەوە . چاوە فراوانەكانم بچووک كردەوە كاتێک گەشتمە ئەنجامی كارەكە كە ئێستا لە دوای ڕووداوەكە لە نەخۆشخانەم و براكەم كە پێشبینیم نەكردبوو لە پاڵمەوەیە
لام كردەوە بۆ لا ڕاستم و چاوە شینەكانیم بەدی كرد كە بە بێزاریەوە سەیریان دەكردم وەكو هەموو جارێک . بەڵام كەمێک جیاوازتر بوون لە جاران . وەكو ئەوەی ڕەنگە تۆخەكەی پێم بڵێت تۆ باشیت؟
«تۆماس؟»
«دەمەقاڵێكەی ئێوەم بینی....لە دواوەی تۆوە هاتم بۆ قوتابخانە تاوەكو بێ هۆشیت تۆی خستە ئەمەی ئێستا»
سەیرێكی خۆمم كرد كە چەند بەشێكی دەستی ڕاستم ڕەنگیان گۆڕابوو وە دەستی چەپم لە گەچ درابوو . قاچەكانم كە سەلامەت بوو لە شكان بەڵام ئازاریان هەبوو . دەستێكم هەڵبڕی كە هیچ ئامرازێكی پێوە نەبوو و خستمە سەر لا نێوچاوانی ڕاستم بۆ ئەوەی هەست بە برین پێچێک بكەم
ئازارەكەی لەشم شاهێدی ئەوە دەدەن كە زۆر خراپ تووشی ڕووداوەكە بووم . بەڵام سەرەڕای ئەوە پێم وابوو كە كەمێک درەنگ بە هۆش خۆم هاتوومەوە بۆیە پرسیارم لە بارەیەوە كرد
«چەندێک دەبێت بێ هۆشم؟»
«سێ ڕۆژە»
«چی؟»
سەرسام بووم كە هێندە بێ هۆش بووم . خێرا زەنگێكی گەورە لە سەرم هەڵبوو . بێ ئەوەی وەكو هەموو كەسێكیتر پرسیار دەربارەی دایک و باوكم بكەن بە خێرایی لە باری پاڵكەوتنەوە دانیشتم و هەوڵم دا گوێزرانەوەی دەستم دوور بخەمەوە كە براكەم بە ڕستەیەک وەستاندمی
«نیگەرانی پشیلەكەت مەبە......خواردنم پێی داوە»
وەک پارچە سەهۆڵێك ڕەق بووم . دەستم هەر لەسەر گوێزرانەوەكە بوو كە مێشكم وەستا لە كار كردن و سییەكانم بە هەمان شێوە . 'تۆماس' چۆن دەزانێت من پشیلەیەكم هەیە لە ژوورەكەم؟ . تەنها سەرم بۆ لا ڕاست سوڕاند تاوەكو ئەو ببینم كە هێشتا لەسەر ڕووكەشی خۆیەتی و پرسیار بكەم
YOU ARE READING
𝙸𝚁𝚅𝙸𝙽𝙰 || 𝙺𝚞𝚛𝚍𝚒𝚜𝚑
ChickLitمرۆڤ هێندێک جار لە لووتكەی هیواوە لە پردا دەكەوێت ، بە شێوەیەک كە نوقمی تاریكیەک دەبێت بە هێواشی دەیكوژێت ، ئەوە نەبوو كە بیریان لێی دەكردەوە ، ئەوە نەبوو هەوڵیان بۆی دا ، ئەوەش نەبوو كە ئەنجامیان دا ، منێک لە لوتكەی هیواوە وەستابووم تاوەكو ئەنجامە...
