الورثه

البارت الاول

في منزل فهد المنشاوي

فهد: صباح الخير ي ولاد

حمزة: صباح الجمال والحلاوة ي حجوج ي قمرر انت

فهد ببتسامه: ياض ي بكاش انت مش هتبطل المهم عملت اي ي عدي في الشحنه الجديدة

عدي بهدوء: هند هروح تستلمها انهاردة

فهد بأستفسار: لوحدها

عدي بحدة: هي صغيرة ما تروح تستلمها لوحدها مش هي الي عايزة كدة

فهد بهدوء: براحتكم بقي انا خلاص تعبت منكم انتوا الاتنين وتعبت من الكلام معاكم

حمزة : يبني مينفعش الي انت بتعمله دا هي اول مرة تستلم شحنه كبيرة زي دي افرض عملت مصيبه انت والشركه وهي هتروحوا في داهيه

عدي بهدوء: تعمل وهي الي هتلبس في الشرط الجزائي لأنها هتستلمها ب اسمها

ادم بعصبيه: والله وانت هتبقي مبسوط لما تودي بنت عمك في داهيه اي الجنان دا

عدي بحزم: مش هي الي عايزة تستحمل وبعدين انتوا شاغلين بالكوا بيها ليه مش هي الي قالت انا زي زيك ومش سكرتيرة عندك وبتاع خلاص تتحمل بقي

فهد: خلاص هنبقي نشوف الموضوع دا بعدين متنسوش ان جدكم عازمنا كلنا انهاردة

سليم بهدوء: انا مش هقدر اجي ي بابا معلش ورايا كذا حاجه اعملها هبقي اروح انا اسلم علي جدي يوم تاني

فهد بعصبيه: يبني انت لو عايز تتبري من العيله قولي بس مش كل تجمع تقولي مش فاضي انتوا بتعملوا فيا كدة ليه لما اموت ي سليم ابقي سافر وابعد عن اخواتك وعيلتك لكن طول ما انا عايش مسمعش حد يقولي مش فاضي دي انتوا سامعين

ادم: خلاص ي بابا هدي نفسك سليم هيخلص مشوارة علطول ويجي مش كدة ي سليم

نظر له سليم بصمت

فهد بعصبيه: داري عليه يخويا داري

ثم اتجه الي مكتبه بغضب

حمزة : هو في اي ي جدعان مش قولنا مينفعش بابا يتعصب خالص الايام دي انتوا نسيتوا الي حصله بسبب العصبيه هترتاحوا لما يروح مننا

سليم بحزم : هو انا قولت ايه غلط اصلا قولت مش هينفع اجي انهاردة التجمع وبعدين هو انتوا بتتجمعوا تعملوا ايه يعني غير الخناق بسبب عدي وهند احنا مبقيناش نتجمع الا عشان نحل مشاكل ست هند والاستاذ عايزيني اتجمع معاكم ليه هو انتوا مرتاحين بالحياه دي والعيشه دي

عدي بعصبيه : مالها العيشه ي استاذ وبعدين مش علطول بتحلوا في مشاكلي في مواضيع تانيه بنتكلم فيها انت الي حاصر نفسك في صندوق لا عايز تكلم حد ولا تتعامل مع حد اي ي سليم للدرجادي كارهنا ومش حابب حتي التجمع احنا حتي لما بنبقي هنا كلنا وقاعدين والدنيا حلوة بتقول ايه انت انا ماشي انا طالع اوضتي انا هنام انا هروح مش عارفه فين انت الي بتبعد ي سليم