ضحية عنيد ♡

الجزء الثاني عشر 💕

ضحيه عنيد 💞
(الجزء الثاني عشر والاخير )
من الفصل التاني 💛

داوود بيبص مالقاش داليدا طلعت معاه

داوود : داليدااااا .. داااليداااا

ابو فراج : اضرب نار
الراجل اللي معاه : اكيد ماتوا يا ابو فراج السقطه نفسها تموت
ابو فراج : ( بنرفزه وشخيط وهما فوق ) بقولك اضرب نار علي المايه

الرجاله كلها ابتدت تضرب نار علي المايه داوود شاف كده
داوود : يونس خد نفس بسرعه وحط ايدك علي مناخيرك
يونس : يعني ايه
داوود : حط ايدك علي مناخيرك بسرعه

يونس حط أيده علي مناخيره وداوود نزل تحت المايه عشان يتفادي الرصاص

واخيرا الرصاص وقف

الراجل اللي معاه ابو فراج : كده بقي اكيد ماتوا
ابو فراج : مش متأكد داوود ده بسبع ارواح مش هطمن الا لما اشوف جثته بعنيا تعالوا ورايا

داوود طلع هو ويونس من تحت المايه وطلع علي الشط
حط يونس علي الشط
يونس : بابا ماتسبنيش 🥺
داوود : انت راجل خليك هنا انا جاي حالا
داوود حط يونس وخباه ما بين الصخور

ونزل المايه فضل يدور علي داليدا .. يدور علي داليدا بس مكانش بيلاقيها لحد ما نفسه يخلص يطلع ياخد نفس وينزل يدور عليها تاني .. بس برضوا مافيش امل الأمواج عاليه جدا
بقلمي مآآهي آآحمد
بتاخده وتجيبه في كل حته .. داوود بقي ينادي وهو في المايه دااااااليداااااا .. دااااليدااااااا

وبيبص لقي ابو فراج ورجالته جايين من بعيد وهو حاطط داوود ما بين الصخور وللاسف بيبص لقي داوود طلع وكان واقف علي الشط
داوود طلع مره تانيه علي الشط بسرعه عشان ابو فراج مايشوفش يونس  واخد يونس في حضنه واستخبي ما بين الصخور بقي ابو فراج ورجالته يدوروا في كل حته بس الحمدلله ماشفوهمش داوود بعدها قعد علي الشط وبقي ولأول مره دموعه نزلت منه هي المره دي بيبص لقي دمعه نازله علي خده لمس خده ومسح دموعه .. وقال فينك ياداليداااا ما ينفعش تسبيني وتمشي.. يارب ما تخودهاش مني
يونس : بابا انت بتعيط
داوود : لا ابدا يايونس مش بعيط
يونس : فين ماما
داوود : ما تخافش ماما جايه ماما بتعرف تعوم احسن مني انا مستنيها هي زمانها جايه

الليل ليل علي داوود وهو قاعد مستني علي الشط وحاطط يونس علي رجله والمايه تيجي علي كل جسمه

يونس : انا .. بابا .. ااانا .. جعااااان يا بابا
داوود  بيبص لقي يونس سنانه بتخبط في بعض من كتر السقعه الدنيا كانت تلج
داوود من كتر الألم اللي في قلبه محسش بالسقعه ولا بالوقت

داوود : حااضر ياحبيبي بس ماما تيجي ونمشي علي طول

داوود بيبص لقي شفايف يونس ازرقت

مكانش قدامه حل غير أنه يقوم

شال داوود ومشي علي الشط مش عايز يبعد عنه مشي مسافه اكتر من ربع ساعه علي الشط وهو واخد يونس في حضنه وحاجه جواه بتأكدله أنه هيلاقي داليدا حاسس ان داليدا عايشه زي ما هو عايش وبيتنفس اصل طول ما داوود في نفس يبقي داليدا كمان فيها نفس