و بلانا ما ندري اننا اخوان من ابو واحد

البارت { 7 } ..🪄

البارت { 7 } ..🪄
.
.
.
{ عند وصايف و طلال }
وصايف تبكي و تصيح ضمها طلال وهي تبعد منه و تحاول تبعده منها و طلال يصيح من صيحتها : والله اسف انا مو كذا انا والله مو كذا اسف يا وصايف الروح
وصايف تبكي و تبعد منه و مصدومه هو وشلون يعرف اسمها الي الناس و ابوها بذات ينادونها كذا ؟؟؟؟
مسك وجهها و هو يقول : انا اسفف سامحيني ..
وصايف وهي متعجبه من الي تشوفه : انت وش سالفتك
مسح دموعه و قال : بقول بس ما تقاطعيني ؟
وصايف تهز راسها بمعنى "ايه"
تنهد طلال و قال : قبل 23 سنه ابوك الي هو ابوي مزهر كان محروم من العيال لمده 3 سنوات من زواجه بأمك تزوج بسر امي ومن اول شهر حملت فيني و بعد ما صارت امي في الشهر التاسع و كانت نية ابوك انه يطلق امك و يعلن زواجه من امي و في يوم من الايام وقبل ولاده امي لي بساعات ابوك رجع من دوامه وراح عند امك عشان ما تشك فيه فاجأته وقالت انها حامل فيك بالشهر الثاني ابوك فرح و توتر في نفس الوقت و سحب على امي في ذاك اليوم للاسف امي ولدت فيني في البيت ولحالها انتظرت ابوك الظالم اليوم الاول و ماجاء انتظرته اليوم الثاني ولا جاء انتظرته اليوم الثالث و الرابع ولا جاء اسبوع ورى اسبوع شهر ورى شهر ولا جاء و بعد ولادتي بثلاث اشهر جاء ابوك الكلب الي بدون احساس ولا ضمير
وصايف انزعجت من الكلام طلال عن ابوها الي مستحيل اي احد يرضى على ابوه بذا الكلام و قبل تتكلم ..
طلال : اششششش ولا كلمه انتي ما ذقتي المر الي انا ذقته ما عشتي الي عشته انا قلت لا تقاطعيني اسكتي ، ( كمل كلامه ودموعه تنزل و هو يشاهق واول مره طلال يفضفض لأحد ) ،،،،، رمى ورقه امي قدامها حطتني بين يدينه وقالت ولدك طلال سميته طلال ابوك تدرين وش قال "ما احتاجه بتجيني وصايف الروح" ؟؟ يحسب اني بضاعه مو حرام عليه مو حرام ؟؟ و من بعدها امي كرهتني و تشوفني السبب بطلاقها و كل شوي تدعي علي وبعد سنه من ولادتي الي عساني مت دامني مو مرغوب في ذي الحياه تزوجت من زوج ظالم و يحرقني و يضربني و امي تشوفه وعادي تقول عشان تصير رجال !! وعشت مع الضرب و عشت على المر وانتي معززه مكرمه ""ضحك ضحكة بسخريه"" ولا يوم طردني وانا لسى عمري ما تعدى الـ 18 سنه طردني وانا عمري 13 سنه هه و امي عادي تدرين اني مره رجعت من المدرسه قال لنا المدرس ارجعوا من المدرسه و بوسوا راس امهاتكم وقولوا لي وش يقولون رجعت اركض لها و ابوسها تدرين وش سوت ؟؟
وصايف وهي تبكي من حياته المؤلمه الي يعيشها هزت راسها بمعنى ""وش""
كمل طلال و قال : بعدتني منها وقالت انت تعاستي انت غلطة عمري انقلع مني "بكى بقهره" ولا عمري جاني حنان من امي او ابوي ولا عمري احد مسح على راسي وقال لي : انا اشوفك غير في عيني ولا عمري امي حضنتني بحنان والله ولا عمري احد ضمني على صدره ومسح علي ولا عمري تعبت و احد عالجني يقولون دلع عيال اخر زمن و فوق ذا كله اذاكر لنفسي و المصيبه ان امي و ابوي عايشين ولا فكروا مره وحده يحضنوني ولا عمري احد جهزني للمدرسه ولا مره احد وجهني ولا مره رحت المكتبه مع اهلي اشتري اغراض المدرسه ولا عمري امي قالت استودعتك الله لا كانت تقول عساني اليوم قبل بكره اعزمهم على عزاك هذي ام ؟؟ و اضحك اذا سمعت احد في المدرسه يتكلم عن حنيه الام !! ،،،، و كل الي تسويه امي عشان ما ترجع لـ اهلها مطلقه للمره الثانيه تفكير غريب عجيب !!! ولا بعد ابوي ما كان يعترف فيني و كنت احاول اعرف من هو احاول اتواصل معه احاول اثبت نفسي و يا ما حاولت تدرين وش بعد ! كان زوج امي ما يخليني انام الا و المكيف بااارررد في ايام الشتاء و يفتح الطيّق حقت الغرفه و ما خليني البس الا فنيله داخليه و يا ويلي لو البس غيرها و كان قبل انام يجيب سطل مويه فيه ثلج و مويه بارده و يحط رجلي فيها بس عشان اموت ولا يصير فيني اي شيء و فوقها اذا مرضت يخليني غصب اداوم و استحاله يخليني اغيب و امي تشوف و ساكته و عادي عانيت يا وصايف عانيت هذا غير السب و الشتم و اللعن كان يضربني عند باب المدرسه و قدام كل الطلاب و يسميني قدامهم "الخيخه" و صاروا عيال المدرسه يسموني كذا و كانوا يتنمرون علي و يضربوني كنت طفل ابغى احد يحتويني كنت احاول ادافع عن نفسي بس اني مكسووورررر من داخلي خايف اتضارب معاهم و محسن يدري كنت اعيش في رعب و خوف و قلق !! كان يشقق ملابسي و ما يخليني البس جكيتات اذا رحت المدرسه و الفسحه ما يخلي امي تعطيني كنت اموت جوع و اموت برد تدرين كم مره فكرت في الانتحار ؟؟؟؟ كثيييييير فكرت من يومني صغير وانا افكر فيها ،، وصايف كان يحرقني و يعذبني كأني مسوي شيء له و انا طفل ما افقه في الحياه شيء ،، و اذا صارت مشكله في المدرسه و استدعوه كان يجي للوكيل حق المدرسه و يقول ذا صفقوه خلوه يتأدب و المدرسين ما يصدقوني خبر يصفقوني الين ابكي و جسمي ينهلك ،، و ارجع البيت و يكمل محسن ضرب و تصفيق فيني و على حسب مزاجه يعذبني مره يحرقني مره يموتني جوع مره يحرمني من الحمام مره يحبسني مره يمصطني بالعقل و مره يمحطني بليّ الشيشه ، ولا ابوك ! وش اقول و وش اخلي ! ابوك تارك ولده ولده ؟! بس عشانك جيتي على الحياه انا ولده طز فيه عايش ولا ميت ما همه !! وش ذنبي اعيش كل ذا !!!