و بلانا ما ندري اننا اخوان من ابو واحد

البارت { 8 } ..🪄

البارت { 8 } ..🪄
.
.
.
عند عبدالله الي كان محتار و قاعد يتذكر شلون انفتح الباب وهو مسكر
جت لمى وفي يدها كاسة شاهي حطت له و قالت : عبدالله ؟ ،، خلاص لا تهلك نفسك اكثر
عبدالله : اموت و اعرف شلون انفتح الباب وانا مسكره بالمفتاح و وصايف ما عندها مفتاح ؟
لمى ادركت كلام عبدالله السليم 100٪؜ ولا عارضت و بدت تفكر وتقول بصوت كل ما نطقت كلمه يرتفع : لا ،، لا ،، لا
عبدالله : وش فيك ؟
لمى : احنا نسينا نقفل الباب !!!!
عبدالله : لا انا مسكره
لمى : لا مو احنا نزلنا بسرعه وانت نزلت بعدي ؟؟ انت يمكن من الربكة و العجله نسيت
عبدالله ضرب جبهته بغضب و شهق : لا تقولين تكفين
لمى : الله يهديككككككككك
عبدالله شاف جواله ينير و ينبهه انه فيه اتصال رفع الجوال و شاف المتصل "عمي مزهر" رمى الجوال وقال بحسره : ياااااااااا الله !!!!!!
لمى : وش فيككك ؟؟ .
حط عبدالله الجوال في وجه لمى
لمى : يا الله مو وقته

••،،•••
و على الليل قامت وصايف بألم و تتنفس بصعوبه من الم في خصرها قررت تهرب من عند طلال لانه مو صاحي مره يضربها و مره يحبها و مره يبكي وهي مو عارفه تتعاطف معه او تروح منه ، قامت بألم وهي تنقز طاحت بالارض اخذت شهيق زفير وهي تدور اي شيء تقدر تهرب منه او تطلع طالعت في الشباك و كانت بدون حدايد كانت نيتها تطلع منها راحت لها وهي تزحف حطت يدينها و بدت ترفع نفسها عشان تروح ناظرت تحت و تذكرت انها في عماره ضربت يدها على الطاقه بقهر و بدت تبكي و استوعبت انها مخطوفه بدت تزحف لسرير و تقعد عليه ورجعت تنام لانه ما فيه امل تطلع الباب مسكر بالمفتاح ،، سكرت عيونها بسرعه وهي تشوف طلال يفتح الباب بالمفتاح

دخل وشاف وصايف نايمه جلس على الارض وحط راسه على السرير و اخذ يدها و يحطها على جبهته ويقول : انا تعبان .. ساعديني
و يبكي و كأنه ندمان و خايف و ما يدري وش يسوي شخصيته مهزوزه جداً و مو عارف وين يروح كان بختصار ضايع .. و الشخص الوحيد الي وقف معه و سمعه ولا قاطعه و ضمه لصدره .. "وصايف"
وصايف اخذت يدها الثانيه و حطتها فوق راسه و تحك راسه و تقول : انا معك لا تخاف ..
رفع طلال راسه وهو يشاهق و يقول : انتي خايفه مني صح ؟ انتي تحسبيني متوحش ترى والله اني طيّب ولا انا سيء صدقيني
وصايف تتنهد عشان تحاول توصل لجوالها : عطني جوالي
طلال : لا بتروحين و تخليني صح ؟ لا
وصايف : طلال عطني جوالي
طلال : لا تحاولين لا يعني لااااا
وصايف لفت وجهها و مالها حيل بأي شيء ابداً وبدت تدوخ
طلال : تبين اكل ؟
وصايف : جيب اي شيء
طلال : طيب ،،
قام طلال و اتجه للمطبخ و اخذ خبز و جبن و عصير .. عند وصايف و في نفس الوقت تحاول تهرب و تدور بعيونها اي شيء عشان تهرب بس ماش ما تقدر لانها ما تقدر تمشي ضربت راسها بالمخده بقهر و تقول : اهههخخخ
جاء طلال وفي يده الاكل و يقول : كُلي لا تدوخين
اخذ جواله ولقى رساله صوتيه من امه و تقول فيها بصراخ : يا طلال يقول عمك محسن ارجع البيت لا يعلقك مع رجلك ارجع يا طلال ازين لك و ترى ان ما رجعت مالك قعده في البيت و.......
قفل المقطع الصوتي بغضب ورمى الجوال وقال : شفتي كيف ؟؟؟ انا عاني ؟
وصايف : رجعني بيت اخوي عبدالله
سحب يدها طلال بقوه و قال : انا اخوك و من نفس الدم و اللحم و الاسم ،،  اسمك "وصايف مزهر عمير" و اسمي "طلال مزهر عمير" و عبدالله مو اسمه كذذا .. !!
وصايف : الله يخليك انا تعبانه ما اقوى اكثر كل واحد يروح بطريق و كل واحد يرجع لحياته الطبيعيه !
طلال كسر الكوب الي كان فوق الكومدينه وقال بعصبيه و صراخ : مااافيهههه طلعههه
وصايف برفعه صوت : انتتتت ماااا تملكنييي !!!!!
طلال مسك وجه وصايف وقال : انتي وعدتيني ما تخليني وصايف والله انا ضايع اقل شيء بس ننتظر التحليل
وصايف : وش يضمن لي انك اخوي يمكن انك تكذب !
طلال : والله ما اكذب انا فعلاً اخوك ..
وصايف : ابي اروح دورات المياه .
طلال : طيب
نزلها من على السرير وهو ماسك يدها و يده محاوطه خصرها و يوديها الحمام بدت تحفظ اماكن الشقه عشان اذا هربت تعرف دخلت وهو راح لغرفته و بدء ينزع ملابسه و يلبس بجامه لونها اسود شورت و تيشيرت وصايف تناديه طلع وهو يساعدها يوديها الغرفه
لفت وصايف شيء في جسمه اشرت عليه وقالت : ذا وش ؟؟
طلال : هه مو انتي تبين تروحين ؟ ليش تسألين شيء ما يخصك !
وصايف : لا لا صدق وش ذا ؟ الجرح كبير و يخوف
طلال : انا مو اخوك ! ليش تتفقدين ؟ ما يهمك
وصايف بصرخه : الا يهمنيييي !!
طلال طالعها : اعطيتك اكل و ما عندك لي شيء ،
وقبل يطلع من الغرفه التفت عليها : انتي واضح مو عاجبك وجودي لكن انا بروح و برجع لبيت زوج امي و انتي اقعدي هنا الى ان يطلع التحليل و بعدين ارجعك بيتك و بعدها كل واحد يروح بدرب
وصايف الي ما تقدر تقعد لحالها و لازم احد يساعدها ناظرته : لا طلال خلك معي تكفى ما اقدر اقعد لحالي
ضحك طلال وقال : ما يهم كلها يومين و تروحين وانا ما ابي اتعود على وجودك ،،
اخذ مفاتيحه و قال : تبين تهربين اهربي و بكيفك ..
وصايف ضحكت بسخريه : ما اقدر اتحرك من مكاني الحين اهرب ؟ ،، بس لا تروح
طلال : ما يهم ،،، راح يلبس ثوبه لبس و طلع من غرفته
وصايف : الله يخليك اقعد ما اقدر لازم احد معي
طلال تنهد حط يده على مقبض الباب و طلع و نزل بسيارته السوداء و حرك للبيت عند اهله