الاقفاص

(البارت ٣٠)

علي يكول لعذراء

أحببتكَ رُغم اني , لا أحتضنكَ و لا اراكَ دوماً .. احببتكَ لاني كتبت بكَ , و قرأت لكَ , وَضحكت من اجلكَ , وَ تغيرت لأجلكَ , احببتكَ و انتَ - بعيده

امنيه.....

عذراء: وهنا ماشوف غير الضلام محاوطني

علي: خدرتها وكعت بايدي امي نايمه بغرفتها بعد مانتضرت عذراء وتاخرت وهنا تعبت حيل ونامت

اسف حبيبي اسف لان اذيتج بس مابيدي غير حل انو اخليج يمي اريدج نصيبي

ياريت يرجع الوقت ذاك واخليج نصيبي انه امن بالقسمه والنصيب ولهذا مؤمن بالله راح تكونين الي

خليتها بغرفتي وطلعت وانه حاير شون راح اقنعها بيه انه غلطت بس تندمت احبها بس ماتسمعني بس بهل طريقه راح تسمع مني

مرت ساعه

عذراء: ماعرف شكد وجان اصحه بوجع براسي قوي فتحت عيوني بصعوبه واعاين حواليه انه بغرفه علي ومربطه وحلكي مسدود جنت اصرخ بس مايطلع صوتي بقيت ارفس واحرك الغراض يلي يمي بلكي خالتي تسمع وهنا

علي اجه اتجاهي حسيت بخوف لدرجه ردت اموت صرت اتخيل اشياء مخيفه ادمر حياتي

علي: لاتخافين ماراح اسويلج شي بس عذورتي اذا وافقتي عل ذاك العار وازوجتي راح ادمر حياتج وادمر حياتي وياج اعرف راح تكولين مخبل

بس صدكيني مخبل بيج اريدج حلالي اريدج لكلبي لحبج

كلبي غبي ضيعج مره بس هل مره لاااا مستحيل اقبل اضيعين

عذراء: هذا مو علي يلي اعرفه تعبان لحيته طولانه هالات جوه عيونه 

(هالات لو عمات 😂😂🫣 امزح اشاقه تلطيف جو)

والدموع يلي اجمعت بعيونه رجفته وكلامه وياي ويه نفسي خوفني منه صرت ابجي بخوف ياريت ما اجيت جنت اريد اعاقبه وافهمه ماريده بس ماتوقعت علي واصل لهل مرحله من التعب والقهر اول ماشفته قرب تراجعت وضميت راسي بين رجليه

علي: تخافين مني عذورتي تخافين مني اميرتي انه ماذيج ابد اريد افك ايدج هسه تاذيتي موو ايدج وجعتج

عذراء: صار يحجي بهدوء ورتباك قرب مني وصار يفتح بايدي احسه مو بوعيه فتح ايدي وهنا دفعته واول ماردت اوخر هل لاصق عن حلكي لزم ايدي وعيونه صارت حمر دم وكال

علي: لاتحاولين تتخلصين مني انه وراج اميرتي باحلامج وبمنامج وبصحوتج انه راح اكون ابالج وياج ماعوفج انه راح اتركج هسه بس ترفضين ذاك العار اريد يوصلني الرفض لا اسوي شي ماتتوقعي ابد
فهمتي اميرتي