ممتليّ قلبـــــيّ حگيّ وآلوقت يفرض عليّ آلسگوت
-عشق الـ جبور
-كاتبه: حوراء ابراهيم
.......................
Back to the blocker
احمد: لا خالو شنو ترحن ما عدچن خوال احنه مثلا نعل؟
ليل: لا حشاك خالو و حشه السامعين
لبابه: خالو بس خاف ما يرضون نيقه هنا
احمد: لا ما يصير شي
وره شويه سمعنه صوت نسوان و بنات دخلن للبيت طلع خالو احمد و عافنه و اني التفتت على لبابه و گلت
ليل: معقول يطردونه؟
لبابه: لا لا ما اعتقد يعوفونه لان احنه عرضهم و شرفهم
همهمت بتفهم و وره ثواني معدوده دخلن علينه نسوان يتماچن احنه فزينه و وحده كمشت بالثانيه وراهن دخلت مره چبيره مطنگره و گالت
: ماااا الللفيي بنااتت العااييگگه (العايقه) بببييتتتييي
طب وراهه خالو احمد و گال
احمد: مو خطيه هنه ايتام شلون نطردهن؟
: يععنيي تصصيرر عااق الواالددين من وره هذني الگ**ب؟
ما تحملت حچيهه و گمت و ما اعرف شلون گلت هذني الكلمات لان ما فكرت بيهن
ليل: كلمن يشوف الناس بعين طبعه
باوعولي بصدمه و اني بنفسي انصدمت من كلامي اتقربت عليه و دفعتني و رادت تتهجم عليه بس كضوهه قبل ما اوگع عالگاع لزمتني لبابه و اني بسرعه بعدت عنهه علمود ما اجيس حرگهه بقت تصيح و تتوعد بقينه على هاذا الحال لحد ما فزيت على صوت حاد و مزمجر و مرعب دوه المكان لدرجة حسيت اطرافي رجفت رفعت راسي و شفت باول الديوان شاب طول بعرض و ضخامه و ملامحه حاده
: ششجججاايي يصييير هههنننااا شكله يخوف و حسيت لبابه راح يغمى عليهه من الخرعه كضيتهه و بقيت ساندتهه
تقدمت عليه مره و واضح انهو امه گالت
: اهده همام اهده ماكو شي
همام: ييمهه شههدهه صوتكم واصل لاخر بساتين عمي ضاهر صدگ تحچين؟
طبوا وراه شباب و نفسه هم ضخامه و طول و عرض صاحت المره
: قيييسس تعال شوف اخوكك اجاه واحد مبين اكبر منه بس بمده بسيطه يعني تقريبا سنه كضه و ثبته و حاول يهدي و همام نوعا ما هدء التفت واحد من الولد و گال بصوت عالي
: شجاي يصيرر هناا؟؟
اتقربلهم احمد و اجو خوالي و بدوا يفهمونهم
باوعوا الشباب علينه و چنهم هستوهم استوعبوا انهو احنه موجودين گال واحد من خوالي
: و ليش يبقن خل نشمرهن بمكان بعيد و نخلص من هالطلابه نتر بي خالي احمد و عرفته هوه اكبر واحد لان سكتوا خوالي من حچه
