هلن:
طلعت من البيت و اتجرجرت من هاذا الاسمه ابوي و ما اعرف شيريد، ما انطاني فرصه انزل و حرك السياره، ضليت افتح بالبيبان و ما تنفتح، عندي الموت اهون ولا اروح وياه، وصلنه على طريق ترابي و هوه يصيح حتى اهده و يتوعدلي و اني الاسنه و ارده بالحچي بس ما تجرات اسبه لان مع ذلك يبقى ابوي، طبينه على حي شبه مهجور من الهدوء البي و بس صوت السياره ينسمع، طبگ السياره گدام بيت شبه مهجور و هيكله شبه مبين من كثر ما الحايط قديم، جرتي من شالي و فوتني للبيت و ما احچيلكم، البيت حياطينه مابيهن صبغ و متشققه و اكو جث*ـث حيوانات و طيور بكل مكان و الريحه مال تحليل الجث*ـث مو طبيعيه، فززني بايا من شمرني عالگاع بقوه، حسيت ايدي اليسره انكسرت او فعلا انكسرت، صرخت صرخه لا يعلم بها الا الله، اجه و جر شالي و اني عطت بي
ليل: يالماتستحي هيچ تسوي بعرضك
ابو حيدر: تتجرأيننن و ترففعيين صووتچچ علليهه لليللل؟
حچيت بحرگة گلب
ليل: اني ما اسب و اغلط و ارفع صوتي بس على اليستاهل هيچ اسويله، و انته تستاهل و بجداره
ما حسيت الا عليه من جر الحزام و بده يضرب بيه و يسب بامي و بتربيتهه، بلحضتهه عجزت احچي بس اكو ذرة امل بداخلي انهو اطلع من هاذا المكان، صحت بعلوا صوتي بكلام بي كل الحق
ليل: الرسول (ص) گگاالل رفقاا بالقوارير، لعدد اناهه منوو و جاااي تعذبنييي هااا گكوول ترهه انييي وحدهه من هاي القواريريا دنياا ارحمي بحاليي، انتته يالما تخااف ربك تجي تضربنيي، ليييش يا ابنن ادممم ليييش
صفن بيهه و ما عرف شيحچي و عصب اكثر و رجع ضربني و حسيت عضامي تكسرت، عافني و طلع، فجأه تذكرت اني جايبه موبايلي، طلعته بسرعه من جيب الدشداشه و الحمد الله بي، شحن، دگيت على لبابه اول رقم طلع بوجهي، ردت عليه بسرعه
لبابه: اللوو لييللل؟
ليل: وياچ لبابه وياچ
لبابه: يااا عممري وين رحتيي و وينن انتييي؟؟
ليل: اني بحي شبه مهجور و هاذا احمد شبعني كتل بالحزام
لبابه: حسبي الله و نعم الوكيل، ما تعرفين شنو اسم هالحي؟
ليل: ليش؟
لبابه: حتى نعرف انتي وين
ليل: لحضه خل اتذكر
عصرت عقلي كلش و تذكرت اول ما طبينه شفت اسمه
ليل: تذكرت تذكرت، اسمه حي الـ*****
لبابه: ماشي ماشي
حسيت على خطوات تتقرب من الباب و سديته بسرعه و ضميته بصدري، طب ابوي و هوه مبتسم ابتسامه كلهه شر، باوعلي و گال
ابو حيدر: راح ترحين فصليه
انصدمت و بنفس الوكت تسائلت ليش
ليل: لـ ليش؟
ابو حيدر: من دون ليش يلا گوميي يللااا
