أكابر واقول ما احبها وداخلي يصرخ بشوفتها

البارت الثاني

كان ناصر يفرفر ينتضر اتصال من اخوه فهد
دقايق وسمع رنه جواله
فتح جواله ورد
ناصر"بشر وش صار
فهد "يعني مااقول أنه مو معصب باقي معصب شوي
المهم لا تجي البيت إلا إذا نام ابوي طيب
ناصر "ليه وش ربي حدني اني اقعد في الشوارع
فهد"صدق والله وحد قالك تسرق
ناصر"باقي مصرّين اني انا الي سرقت يا ابني لو بسرق بسرق شي مو كفر سياره
فهد بمزح"ايه هذا الي متفشلين منه
قفل ناصر الخط في وجهه
فهد"اوريك يانويصر

نروح في البيت الي في حي الاندلس تحديدا بالجبيل

امجاد"رغد ياحيوانه لاتروحييين
رغد"يابنت اش عادش تبين جلست عندكم أكثر من أسبوع زوجي يبغاني وعيالي يبغون زوجي
حنين"هذا أقبح عذر شفته بحياتي
رغد"تقلعوا بس معاد باقي الا انتوا أفسر لكن
راحت رغد مع زوجها
كانت حنين تتنهد وهي تناضر
امجاد
امجاد" حنين ياحيوانه ليه تناضرين كذا حرام عليش انا ابكي وانتي تناضريني كذا
حنين"لاحظي نفسش أنش من يوم صحيتي وانتي على الجامعه يختي فكري بشكل إيجابي وشدراش يمكن تتعرفين وتنبسطين احسن من قعده البيت
امجاد"تصدقين والله حمستيني بكلامش
ابتسمت لها حنين وقالت
حنين "اجل بروح انام ابغى افل الاجازه في النوم
ناضرت امجاد فيها وقلبت عيونها
امجاد وهي تكلم نفسها"حشى الكل نام
خطرت فكره براسها ليه ما تطلب بس تذكرت أن ابوها مانعهم من أنهم يطلبون اخر الليل خصيصا أن الساعـ12:44 الليل
بس ما اهتمت وركضت تقيم حنين
امجاد"حنين حنيييين اخلصي علي
حنين "وجعوه يا امجاد خير خير وشفيه
امجاد"قومي خلينا نطلب
فزت حنين لها
حنين "عاد تصدقين بطني قبل شوي كان يغرغر من الجوع
امجاد "يلا وش تبينا نطلب على حسابي
حنين"من وين لك فلوس ابوي عطاك مو عساس
مايعطينا اخر الليل
امجاد"لا تخافي هذي جمعتها
حنين" اجل تمممم
امجاد"نطلب قهوه؟
حنين"اقولك بطني يغرغر من الجوع وانتي تقولين قهوه
امجاد"طيب وش رايك في ماك
حنين"تمممم
بعد شوي كانت حنين تنتضر عند الباب ماتدري في الهوشه بين الهندي وامجاد
امجاد"صديق انت يفهم ايش انا اقول انا اقول هذا مو بيت انا
الصديق"انت يقول هذا بيت انت ليش ما يطلع
عضت امجاد شفايفها من القهر
امجاد "جعلك الباحص والماحص افهم ايش انا اقول
هذا بيت مو انا انا بيت ثاني
انا من الي قالي احول له الفلوس الحين بيسحب علي
ارسل الصديق لها رساله يقول
الصديق"انا يحط اكل عند الشجره خلص شغل باي
بلكته امجاد ومشت صوب اختها حنين
حنين "وين هو ليش ماجاء
امجاد "اه يا حنين قهرني قهرني
حنين"امجاد امجاد شوفي هذاك هو الهندي يحط الاكل قدام البيت الي قدامنا
امجاد" وش دراك انتي أنه طلبنا
صبر بشوف
وخرت امجاد البلوك واتصلت عليه وهم يراقبون
الهندي بس فعلا الهندي رد عليها بنفس الوقت رفع
جواله الشخص الي قدامهم
حنين بحماس"خلاص اسمعي نروح انا وانتي نجيب الطلب
امجاد " مدري أحسها فكره غبيه لكن نجرب
ركضوا الثنتين ولبسوا عباياتهم وغطوتهم
وركضوا
امجاد "يمهههه
حنين "خير وشفيه
امجاد"مدري بس احس ركضتنا بتوضح للناس نحن حراميه
حنين "اجل تبينا نمشي ببطى
امجاد"لا
حنين"اجل هرولي
وقفوا قدام البيت وقعدوا يدوروا الطلب
امجاد"الله يقلعه وين حطه
حنين"هذا هو بس ليه مدخله بقوه في الشجره
امجاد"قهرني الله يقهر عدوه
كان ناصر يفرفر في الشوارع بس لفت انتباهه
ثنتين بنات يركضون صوب بيته كان شكلهم يضحك
كان يراقبهم بعينه شافهم وقفوا قدام بيته وكان يدورن شي
ناصر"خير خير وشفيه
شهقوا الثنتين ووقفوا جنب بعض
ناضرهم ناصر ينتضر جوابهم
امجاد بهمس"الله يلعن الهندي واليوم الي طلبت فيه
ناصر"يهوووه اكلمكم انا مو اكلم نفسي
حنين"ابد جايين ناخذ طلبنا
امجاد "شكله حرامي وش نسوي
حنين"انثبري
امجاد"تراني اختك الكبيره
حنين"امجاد مو منجدك مو وقتتتتك!!
التفت امجاد صوب الشجره وأخذت الطلب
امجاد "معليش ياعم بس جينا ناخذ طلبنا الهندي
ضيع بيتنا وحطه عند بيتكم معاد بطلب منه مره ثانيه
كان ناصر يناضر الكيس وقلب بوجهه "عم؟
أمسكت امجاد يد اختها حنين وركضت
بسرعه ناظرهم ناصر
ناصر "الحمدالله والشكر ترفع الضغط انا ناصر تقولي عم والله هي الجده مو انا العم

يتبع