رهـب الـريـلان *5*

الرهب العاشر

اܠ𐫘ُܩّܢ ࡎَܠِّࡉ 𐭦ٙߺܠܨ ܩُܥٙܩ𐫔 ࠁَ𐬦ٓܠࡉ ܩُܥٙܩ𐫔ٍ

متابعه +تصويت:+تعليق. بين الفقرات يا عيناني 🌿

بقلمي بابير |𝐏𝐀𝐏𝐈𝐄𝐑

ذكرْتُك فانهَلَّت عَلَيَّ مَدامِعي
‏وعادَت إلىٰ قلبي الكَليمِ مَواجِعي
‏بكَيتُ وليتَ الدَّمعَ يُرجِعُ ما مضىٰ
‏ولٰكِنَّ يَومًا قد مَضىٰ غيرُ راجِعِ
ــــــــــــــــــــــــــــــــــــــــــــــــــــــــــ
⊰اريان ⊰
-

جيبي كلشي يخص المشروع وتعاي 
-طلعت  متوجهه للمكتبه طبيت حطيت  مستلزمات ع المكتب وهو يترقبني مخلي ايده تحت حنكه  جريت كرسي وكعدت  
-تفضل استاذ بشنو نبدي
-عيونج
-عفواً.؟؟
نتبه وعدل نفسه جر ورقه يأشر عليه يوضحلي شلون حيكون التصميم
- شوفي احنه المفروض  نميز هل تصميم لاززم 
شي مهم  يميزه
-ممكن تكون طريقه تصميمه
-شلون؟
-  ندمجنه نشرح ونتشارك  الاراء جريت جهازي باوعت ساعه 7  كمزت من مكاني
رفع راسه 
-ها شكو

-ساععه7 اكيد الكل طالع   تاخرت
-ماكو مشكله هسه  اوصلج
-لا لا شكراً  اني اروح  
-لمي غراضج  ويله اوصلج 
- ما ناقشت رحت لمكتب جبت جُنطتي 
وغراضي واخذت نسخه من التصميم وجهازي وطلعنه   وكفت بوابه الشركه جاب السياره 
صعدت  دليته عنوان بيتنه
ضحك ودار وجه عليه
-اعرف كلشي عنج
-ليشش شنو المناسبه؟
- انتِ شتكولين
-ما اكول اني  داسألك ليش؟؟
-لان ميت  وهايم  بيج اني 
خزرته احجي
-كافيي رهبااان
-تتهربين
-لااا
-ههههه
سكت شويه وكال
- الدنيا كل ما تريد تجمعنه  انتِ تتهربين تذكرين ايام الجامعه
-اممم اذكر
-اي جنت حيللل حابج حيلل  مجرد ذكر اسمج ابتسم
اما انتِ العكس  تنزعجين من اسمي  لحد يوم تخرجج ما كدرت ابقي وعرفتج تحبين
خزرته ونترت
-كافيي لا تفتح دفاتر قديمه كل شي صار ماضي
-اي وبعدها سافرت  برئيج ليش
انا اجاوبج  لان ما كدرت خفت تتزوجين ما اضمن نفسي وأذيج  ماردت ابقي عثره بطريقج ضحيت بنفسي وبتعدت
سكت اخذ نفس  ورجع كانت عبره بصوته كسرتني  وخلتني  احسب حساب لتصرفاتي 
-بس ما كدرت شكد حاولت انساج اعيش احبب
غيرجج ماا گدرت   جنت اكول يوم. يومين بعد سفري انساج  بس جنت  متعلق. بيج وبصورتج   
بس العرفته مستحيلل اعوفج اريان شيلها من بالج  اعوفج بعد گدامج خيارين
شتت نضراتي عنه واردفت
-وشنو هنه؟؟
وكف السياره ع صفحه وقترب مني   رجعت نفسي لوره  ابتسم وحجه
-لو تحبيني لو تحبيني
دفعته توترت من مسافه البينه
- رهبان كافي وصلني
-هز راسه وحرك السياره واردف
-خليها ببالج لو اني اخذج لو الموت ياخذج
-الموت
- يكون احسن من ياخذج غيري
-كافيي رهبان كافي اسكت
- اسكت ليش ما اسكت المهم خلي هل كلام ببالج
-سكتت  عنه  صف گبال بابا بيتنه ونزل  اشرت وين؟؟
-نسلم ع امج
-ماكووو وين تسلم وين
عافني احجي وراح دك الباب  طلعت افيان  ستغربت
-تفضل
-زاد فضلج امج موجوده
-اي لحضه
راحت صاحت ماما  وطلعت
-اهلاً وسهلا  ابني بلا زغرن بيك منو حضرتك
-مدير اريان بل عمل  واخو احمد
-تفضل تفضل ابني
تأفأفت وطبيت سديت الباب  امي كيفت بي وتحجي ويا وهو يرد برزانه  صعدت فوك لبست شي مستور مناسب ولفيت شالي ونزلت يريد يروح امي مقبلت
-ابد والله متروح الا تتعشي
حط ايده ع صدره يحجي
-تسلمين خاله ما تقصرين عندي شغل
-تعشي وروح ابني الشغل ما يطير   ازعل عليك
-هز راسه وسكت وكعد راحت امي خابرت زيد يجي 
طبيت للمطبخ نحضر اني وافيان سويه وسمعنه صوت زيد اجه طب سلم عليه   وضلو يحجون.  واني وافيان كملنه. اجت امي صبت الاطباق الرئسيه 
اجه زيد للمطبخ
-ها محتاجين شي  
-لا بس اذا تكدر انقل ويانه الاكل
-صار من عيوني نقلنه لاكل وكعدنه
زيد ورهبان يسولفون بل شغل
- حالياً جاي نشتغل ع مشروع  هذا الشهر ينزل
-يخص شنو؟
-يخص المجوهرات  استلمنا التصميم اني واريان باقي المصميم ملتهين  عدنه اكثر من مشروع
-حلو  شنو اسم المجموعه تكون؟
-ما ادري
رفع راسه عليه
-اكيد راح نختار اسم حلو يناسب المجموعه اني واريان
-بل توفيق ضلعي
-حبيبي
كملو اكل وشلنه لاكل سويت جاي وتحليه  حطيتهن بأطباق وطلعت اقدمهم شافني زيد كام اخذهن مني
كعدنه كلنه بل صاله نحجي  جابوها ع طاري خطبه احمد وافيان  والواضح افيان مقتنعه بس شلون ما اعرف 
-ان شاء الله هل ايام نزوكم
-هلا بيكم بكل وقت ابني
-تسلمين خاله
ما اعرف شلون جرو الموضوع ووصلو لموضوع الخاطب التقدم الي قبل فتره