ا تنسون التصويت + ومتابعه + تعليق بين الفقرات انطلقو فستقاتي 🌿📚.
أعاشر غيرك ! وأطلع وأطب وأشتاكَـ
ماكَلك وفه بس روحي محرومه
شفت الأحلى منك ، والأحب ، والزين
واهتموا بروحي وبقت مهمومة
ثاري العشكَـ موش تكَلب وتختار
مثل الموت هم كل واحد بيومه !
-للشاعر||رائد ابو فتيان
ـ
ــــــــــــــــــــــــــــــــــــــــــــــــــــــــــــــــــــــــــــــ
⊰فاطمه ⊰
شويه وصبو غده كعدنه نتغده ما حسينه الا ع صوت
رج المكان طفرو الولد يشوفون شنو السالفه رحنه للمطبخ جانت رفل واكفه ترجف
-حررامي حرامي جانن هناااا
راحو رهبان وليث وعلي يشوفون شنو السالفه
تحجي وترجف حضنها اخوها يهدي بيها
-اشش بويه لا ترجفين ع كيفج
اخذوها جوه بل صاله شويه واجو الولد كالو ماكو شي
احمد::-الكامرات؟
-راحو يشوفوهن وفعلاً شافو كلشي لاكن ممبين شي من هل شخص مغطي وجه.وبس عيونه طالعه الغريب ماكو شي مسروق يعني ما جاي ع فلوس
وانما جاي لغايه اخرى عمي محمد بلغ الشرطه بهل شي
رهبان::-لا تخافون هذا واحد حَب يشاقه ويانه
دار ع رفل يحجي
-شفتي شي منه عيونه شي لفتج؟
هزت راسها تحجي
-اي عيونه غريبات
كلنه استغربنه
ليث::-شنو شلون يعني
-يعني عيونه مو عاديات ملونه وما ادري شلون اشرح يخوفن
علي::- صلوات على محمد شنو هذا فضائي
كعدنه حاولو يهدون الوضع ويرجعون يضحكون
ويسولفون
كامت فاطمه ورفل يسون گهوه
فاطمه::- كلكم وسط مو؟
رفل::-لا رهبان يحبها حلوه مو؟
رفعت حاجبي مترقبه تصرفاتهم
رهبان::-اي صح حلوه
رفل::-ادري لان اني هم احبها حلوه
عفتهم وكمت اغسل ما اعرف شبيه ليش نار صارت بكلبي
-اني اعلمك استاذ رهبان تحبهاا حلوه مو ضحكت بستهزاء وطلعت الحمره المحذرني احط هيج لون هو اكثر شي يكره الحمره ما يحب احط حمره.واضحه حطيت وعدلت شالي وطلعت كعدت يم زينب ما رفعت راسي ولا باوعتله ندستني زينب تحجي
-شبي يخزر بينه؟
-مو بيج يخزر بيه
-ع الحمره مو
-اممم
-اريان بس رفعي راسج شوفي
رفعت راسي شفته خازرني ضحكت احجي ويا زينب وصلني مسج منه
-مسحيها
مارديت رجع كتب
-راح اكوم
رديت
-معليك
ما رد شويه وكام كال
-اريان تعالي اريد احاجيج
باوعت البعض ملتهين يسولفون والبعض انتبه
كمت ويا اخذ ايدي ردت اوخرها باوعلي يحجي
-مرتي انتِ
سكتت ما جاوبته صعدنه لفوك
-وين خلينا هنا شتريد كول
ما جاوبني فتح باب غرفته دخلني وقفلها
-هااا شنوو سالمين؟ ليش قفلتها
-مسحيها بسرعه
-شنووو؟
-اريااااان كتلج مسحي الحُمررره
خزرته احجي
-لا والله ما امسحها شتسوي بالله؟
-اخر مره اكول مسحيها!
-اخر مره اكول لا تصيح !
-يله اريان لا تشلعين كلبي
-اذاا اشلععع گلبك شكووو تزوجتني؟
تقرب عليه جر كلينس بلله مي لزمني من ايدي مسحها
باوعت للمرايه تلغمطت جريت كلينس امسحها
-هاااي شسوييتتت!
جرني من ايدي مقربني عليه
-هاي المره مسحتها بكلينس المره الجايه بطريقتي
عافني وراح يفتح الباب رجع عليه باسني من خدي شلعه شلع واني بوسط صدمتي من تصرفاته جر ايدي
-وينن؟
-ننزل حبيبتي
نزلنه سوه
ام احمد::-اللهم صلِّ على محمد يووم اشوفكمم عرساان ان شااء الله
تقرب ع امه باس راسها
رهبان::- حبيبتي يمه بوجودج
ليث::-حضوض بس اني حضي زفتتت
رهبان::-عينك لا افگسها حسدتني
-منو بحالك يحسدك خير من الله بنات بس غير اني ثكيل
-متأكد؟؟
-وداعت زوزي
- لا هاهيه صدكت
لليل ما قبلو نروح عزمو خوالي للعشه زيد وخالي مكدرو يجون عدهم شغل اجت بس خالتي وجُلنار وهجرس هو واهله الكل اجه قبل العشى كاعدين احنه الشباب متجمعين بصاله والكبار بصاله اني كاعده بصف رهبان وافيان يم احمد والباقين متوزعين الولد يحجون بمووضوع هجرس
هجرس::- اني لعبت روحي من هل مجال ما مرتاح بي
لو ادري بي هيج حته تالين ما اخليها تدخل اله خطرر
يعني بمجرد ما تدافع على حق واذا المقابل. قوي من ناحية السلطه سلملي ع روحك
أنت تقرأ
رهـب الـريـلان *5*
Literatura Kobiecaمشاعرا غيـر مفسرة احاسـيس غير حقيقيه توقعـات كثيـرة تجمــع في بحور الرهـُاب تكتمـل في خمـس مرات لتغوص في رحلة لانعرف ما اسمها حب ام اعجاب ام انتقام؟.. سوف نعرف ذالك معاً في رواية #رهب الريلان بقلمــي انا الكاتبة بابيـر| 𝐏𝐀𝐏𝐈𝐄𝐑
